Рубрикатор

Образование Лезкс – эйкакш марто семиятненень
Лезкс – эйкакш марто семиятненень

«Надежда» приютонтень – 25 иеть

Те иень апрельстэ Республиканской эйкакшонь ды од ломанень «Надежда» социальной приютонтень топодсть 25 иеть. Кувака ды теке шкасто нурька шканть перть эрясть ды нейгак эрить, стясть виде килангс кажос понгозь сядот, тёжат эйкакшт. Тесэнь коллективесь цидярдынзе весе стакачитнень вейксэньгеменце иетнестэ ды теке шкасто лездась сетненень, кинень савсь эрямс нужачисэ. Ламо иень перть те учреждениянть прявтсо седеймариця, ламо тееме бажиця прявтось Т.В.Барашихина. Течи Татьяна Васильевна – минек редакциянь инже.



Татьяна Васильевна,   инескеть, пачтядо, неень шкане кодамо мель яви государствась семиятнесэ уликс стакачитненень, ды ёвтнеде ловныцятненень «Надежда» приютонть историядонзо?

– Минек государствась покш мель яви эйкакштненень ды семиятнесэ уликс стакачитненень. Учреждениянок важодеманзо лади течинь вешематнень мельс саезь ды теи весементь, штобу сеть эйкакштне, кить понгсть кодамо-бути тувталонь коряс апак учонь кажос, авольть майсе, бути жо эйкакшось алкукс зыянов тевс понгсь, сестэ тензэ бажатано максомс шкастонзо эрьва ёндонь лезкс. Тешкстаса, минек учреждениянтень топодсть 25 иеть. Приютось панжозель 1994 иень апрелень 22-це чистэ. Мордовия Республикасо те васенце истямо учреждения. Весе неть иетнень перть 10 тёжадо ламо эйкакштненень тесэ максозель социальной лезкс.

Ледстяса, 2015 иень декабрясто Мордовия Республикань государственной казённой социальной обслуживаниянь «Радуга» учреждениясонть теевсть полавтомат. Социально-реабилитациянь центрась вейсэндявсь минек учреждениянтень. Истя, ней минек приютось ашти кавто таркава: Эркаень ды Сущинскоень лемсэ ульцятнесэ. Вейсэндявомадо мейле аламо мезе полавтовсь, ванстови икеле таштазь опытэсь, минек важодицянок седеяк пек кармасть бажамо топавтомо паро тевть. Неявиксстэ кепедевсь приютонть социальной значимостезэ кода Мордовия Республикань эрицятнень социальной ванстомань системасо аволь совершеннолетнейтнень туртов специализированной учреждениянть.

Татьяна Васильевна, кода ладятадо важодеманк, мезесь ашти прявт тевекс?

– Минек прявт тевенек – те, васняяк, курок социальной лезксэнь максомась сетненень, кинень оштё эзть топоде кемгавксово иеть, семиясо стакачитнень лисемстэ эйкакштнень социальной урозчинть (сиротстванть) а нолдамга профилактической роботанть ветямось, эйкакштнень трямсто-кастомсто семиятнесэ сэтьмечинть ладямось, тетянь-авань лембенть вельмевтемась.

Тень коряс од лувсо важодеманть, лезэв китнень-янтнэнь вешнеманть, семиянь питнейчитнень ванстоманть вельде приютсонть максови эйкакштненень свалшкань лезкс. Тееви сон сестэ, зярдо ансяк неявить зыянов тевень ушодкстнэ. Покш кемема путтано тетятнень-аватнень лангс. Сынь минек васенце лездыцянок, сынст вельде минь бажатано ютавтомс социально-реабилитациянь лувонть.

Семиятнесэ питнейчитнень вельмевтемга приютсо теинек: «Тетянь-авань школа», «Социальной приёмной», «Семейная гостиная», «Семейная мастерская», «Семейный консультант». Истят клубт, конатнень лемдинек «В кругу друзей», «Преодоление» семиянь клубось ды лият. Ули кемемань телефон.

Неень шкань обществасонть эрямонтень учреждениясь аноксты эйкакштнень истят программатнень эрямос совавтоманть вельде, кода «Колыбель», «Отцы и дети», «Основы безопасности жизнедеятельности», «Я познаю мир», «Христианские заповеди» ды седе тов.

Сеть эйкакштненень, кинь улить кодат-бути ормаст, кить кадовить ялгатнеде содамочинь коряс, сынст интеллектэст виевгавтомга тесэ ули иппотерапия, арт-терапия, чуваронь терапия, кинезитерапия ды ламо лия инновациянь технологият.

Татьяна Васильевна, инескеть, пачтядо, мезе тееви «Надежда» приютсто туицятненень сынст виде килангс стявтомга, эрямосо таркаст муемга?

– Минь покш мель явтано реабилитациянь тевентень, тейтяно весементь, штобу эйкакштне эрямосост кочкавлизь се тевенть, конась тенст седе малавикс ды топавтовикс. Те ёнксось эрямос совавтови «Профориентатор» программанть вельде.

Паро невтевкст теевить сестэ, зярдо важодевксэнть ладятано вейсэ образовательной ды общественной организациятнень, спортонь ды культурань учреждениятнень, правань ванстыця органтнэнь марто.

Койсэнь, покш социальной лезкс эйкакш марто семиятненень максови «Демография» раськень проектэнть вельде, конась эрязасто нолдави минек республикасо.

Минек приютсо тевс нолдавить ламо од модельть ды технологият, васняяк, сеть эйкакш марто семиятнесэ, косо улить эрямонь стакачить. Минь совинек республикань истят целевой программатнес, кода «Право ребёнка на семью», «России важен каждый ребёнок» «Единая Россия» партиянь проектэнть коряс, «Город детей – город семей» ды «Город равных возможностей» ды истя седе тов.

Татьяна Васильевна, тынк учреждениясь покш мель яви грантонь важодемантень, кода те кевкстеманть коряс течи аштить тевтне?

– Алкукскак, Мордовия Республикасо аволь совершеннолетней эйкакшонь соцзащитань учреждениятнень ютксто миненек васенцекс макссть раськеютконь ды весероссиянь пелькстамотнесэ Грантонь лезкс.

Истя, эрямонь зыянов тевс понгозь эйкакштненень лезксэнь максомань Фондонь грантонть вельде, «Научи меня жить» проектэнть тевс нолдамсто, приютось таштась эйкакштненень-инвалидтнэнень лезксэнь максомань опыт.

Невтемакс, «Семья: от кризиса к успеху» проектэнть эрямос совавтомсто ламо тевть топавтозельть семиятнесэ зыянонть а нолдамга, косо ансяк ушодовсь кажось, тосо профилактиканть виевгавтомга.

Мельспарозонок, учреждениясь нилексть лиснесь изницякс раськеютконь панжадо пелькстамосонть, конась лемдеви «Православная инициатива». Сынст ютксо анокстазельть истят проектт, кода «Сила молитвы для особых детей», «Чудо Божией Благодати» ды лият.

Инескеть, ёвтадо, улить-арасть лездыцянк, эйкакштненень паро тевень теицянк?

– Минь ёвтатано покш сюкпря весенень, кие чарькодьсамизь ды лезды тенек. Теевсь коекс, зярдо минек эйкакштне якить концерт марто поздоровонь ёвтамо профессиянь кенярксчитнестэ сеть учреждениятнес ды организациятнес, кить теить тенек седеймарямонь лезкс.

Валентина Юдина

23.05.2019

 

Новости

Партийцы провели мониторинг реконструкции здания детсада и парковой зоны в селе Большие Березники
Ремонтные работы проходят в рамках партийных проектов «Новая
школа» и «Городская среда»
В 2019 году на ремонтные работы и строительство дополнительного
корпуса к Большеберезниковскому детсткому саду «Теремок» выделено
около 53 миллионов рублей в рамках партийного и национального
проектов. Всего в районе 424 ребенка дошкольного возраста, в райцентре
Большие Березники проживает 326 детей. В электронной очереди на
получение мест в дошкольном учреждении стоят 77 ребят. В Больших
Березниках ждут открытия реконструированного детского сада с
нетерпением. Окончание работ запланировано на 31 октября. Депутат
Государственного Собрания республики Александр Акайкин,
представители районной администрации ,местного отделения партии
остались довольны качеством проведенных работ. Строящийся новый
корпус детского сада рассчитан на 60 мест. Здесь будут размещены
ясельные группы. Уже практически закончены строительно-монтажные
работы.
Подробнее ...
 
В День физкультурника в спортивных сооружениях Мордовии прошли Дни открытых дверей
День физкультурника широко отпраздновали в Саранске и районах республики. В этот день в физкультурно-оздоровительных комплексах и бассейнах, построенных в рамках реализации федерального партийного проекта «Строительство физкультурно-оздоровительных комплексов» в Республике Мордовия прошли спортивные праздники.


 
Подробнее ...
 
«Почти половина россиян готова проголосовать за "Единую Россию"
По сообщению  информационного агенства  ИНТЕРФАКС - "Единая 
Россия", КПРФ и ЛДПР прошли бы в Госдуму нового созыва в случае, если 
бы парламентские выборы проводились в ближайшее воскресенье, 
свидетельствуют данные опроса "Левада-центра", поступившие в 
"Интерфакс".
Согласно результатам социологического исследования, среди 
участников опроса, готовых отправиться в этот день на избирательные 
участки и определиться с партией, за которую хотят голосовать, 44% 
респондентов отдали бы предпочтение партии власти.
Подробнее ...
 
«Единая Россия» поддержала создание в каждом федеральном округе учебных центров для волонтеров
В каждом федеральном округе России при поддержке «Единой России», МЧС
России и Министерства просвещения появятся учебные центры для волонтеров.
Они помогут им получить необходимые знания и умения для оказания
эффективной помощи людям во время чрезвычайных ситуаций (ЧС). Об этом
заявил секретарь Генсовета «Единой России», вице-спикер Совета Федерации
Андрей Турчак во время посещения учебного центра Всероссийского
студенческого корпуса спасателей (ВСКС) в Москве.
Подробнее ...
 
Локомотивы роста: В ходе семинара обсудили расширение доступа субъектов малого предпринимательства к закупкам крупнейших заказчиков
В Торгово-промышленной палате при поддержке рабочей группы проекта
«Единой России« «Локомотивы роста» состоялось заседание, в ходе которого
обсуждались возможности расширения предпринимательства к закупкам крупнейших заказчиков. На встрече обсудили
меры финансовой поддержки субъектов МСП, способы их участия в закупках,
систему информационного обеспечения и контроль деятельностью.
«Сейчас для нас одной из главных задач является развитие промышленного и
высокотехнологичного малого и среднего бизнеса. Для этого нужно помочь
предпринимателям участвовать в закупках, в том числе и через механизм
лизинга», - сказал координатор партийного проекта «Локомотивы роста» в
республике Юрий Левашкин.