Рубрикатор

Образование Саранскойсэ тешкстызь Эрзянь келень чинть
Саранскойсэ тешкстызь Эрзянь келень чинть

Чадыковонь 16-це чистэ Саранскойсэ тешкставсь Эрзянь ды мокшонь кельтнень Весероссиянь чись. Сон алтави эрзянь содавикс лингвистэнть, педагогонть, общественной деятеленть А.П.Рябовонь ледстнемга. Те вастовоманть пурнызь МР-нь Культурань, национальной политикань ды архивень тевень министерствась, Равчирень финнэнь-угрань раськень культурань центрась ды Эрзянь ды мокшонь раськень регионъютконь общественной вейсэндявксось. Коень коряс, кенярксчись ютась Национальной театрасо.



МР-нь Прявтонть пельде лембе валт ёвтась МР-нь Культурань, национальной политикань ды архивень тевень министрань васенце полавтыцясь А.И.Карьгин:

– Течи тей састь сеть ломантне, конат максыть виест келень, коень-кирдань, культурань ванстомантень. Кить теить весементь, минек кельтне улевельть мазыйть ды вечкевикст. Кецявты, истямо кенярксчи тешкстави Россиянь регионтнэсэяк. Истят покш вастовомат ютыть ведьгемень регионсо. Тосо ёвтыть ломантнень туртов шнамонь валт, пачтить, мезе тееви эйдень кужотнесэ, школасо ды седе тов. А эряви стувтнемс эсь юронок ды ундоксонок.

Паро важодемань кисэ МР-нь Прявтонь Благодарностьсэ казевсть С.З.Деваев (35 иеть важодсь М.Е.Евсевьев лемсэ МГПИ-сэ), М.Д.Имайкина (сон ламо иеть важодсь Н.П.Огарёв лемсэ МГУ-со), А.И.Лодырева (Зубова-Полянань педколледж), О.В.Шаляева (Ицялонь педколледж).

Вал сайнесь МР-нь Госсобраниянь Председателень полавтыцясь И.М. Москаев:

– Шумбратадо, весе, кить тей пурнавсть Тиринь келень чинь тешкстамо! Келесь – теке сэдь, кона невти тенек ки исень чистэ вандынень. Ды те кинть ланга якить ломанть, покштятнень пельде – эйкакштненень ды нуцькатненень. Тедеде иесь сюпав культурань событиятнень коряс, тешкстынек чачома чить минек кавто просветительтнень: А.Ф.Юртовонь ды М.Е.Евсевьевень, конат тейсть пек ламо минек кельтнень туртов. Сюкпря весенень, кить важодить келенть марто. Эрьвась, кие тей сась, бути карми кудосо эйкакштнень ды нуцькатнень марто кортамо тиринь кельсэ – келенек карми эрямо.

Кенярксчисэнть яволявтовсть «Эрзянь ды мокшонь келень сехте паро тонавтыця» республиканской пелькстамонь изницятнень лемест. Сцена лангс тердевсть вете тонавтыцятне, конат лиссть финалс. Сынь казевсть МР-нь Госсобраниянь Председателенть В.В.Чибиркинэнь пельде Благодарностьсэ. Эрзятнень ютксо изницякс лиссь Луховкань лицеень тонавтыцясь Наталия Владимировна Платонова. Казнекс тензэ – «Равось – ояксчинь лей» раськеютконь этнокультурной экспедицияв сертификат. Сёксня сон моли пелькстамо Московов, косо карми тиринь келень тонавтыцятнень ютксо Весероссиянь конкурсось.

Теде мейле яволявтовсть эрзянь ды мокшонь келень ды литературань коряс регионъютконь XXI-це олимпиадань изницятнень лемест. Эйкакштне тердевсть сцена лангс.

– Кодамо мельспаро ваномс тиринь келень тонавтыцятнень ды тонавтницятнень лангс. Потсо чачи кемема: а ёматано, – мерсь сынст каземстэ МР-нь Образованиянь министрань полавтыцясь И.К.Дугушкин.

Изницятнень ютксо – Орданьбуень Орозбие велень школань тонавтницятне Дмитрий Семейкин ды Никита Костин. Сынь аволь васенце ие пелькстыть олимпиадань творческой секциясо. Сёрмадовксост сеедьстэ лиснить «Чилисема» ды «Сятко» журналтнэсэ. Мартост ламо важоди Н.И.Аржаев тонавтыцясь, кона алтызе весе эрямонзо школантень, тосо важодсь ниленьгемень колмо иеть!

Седе тов вал сайсь Эрзянь ды мокшонь раськень регионъютконь общественной вейсэндявксонь прявтось Ю.А.Мишанин. Сон пачтясь, Мордовиянь аволь весе районтнэсэ явить мель те покш чинтень. Вете районт, косо мезеяк а ютавтыть. Те: Ицялонь, Кадошкинань, Краснослободскоень, Ковылкинань, Кочкуровань, Лямбирень районтнэсэ. Ризнэвти. Седеяк пек талновты Кочкурбуень Вирь Тавлань школанть пекстамось. Валонзо коряс, неть кевкстематнень эрявить ванномс. Юрий Александрович кортась республикасонок национальной кевкстематнень ды образованиянь коряс лабораториянь панжомадо. Истят учрежденият улить эрьва регионсо.

Регионъютконь общественной вейсэндявксонть пельде «Гордость нации» тешкссэ казевсь исторической наукань докторось, профессорось Н.Ф.Мокшин.

Чувашиянь Алатырской райононь Алтышева велень 9-це классо тонавтницясь Ульяна Рузавина весень туртов алтась стих, конань сёрмадызе М.Евсевьевень ледстнемга.

Прядовсь кенярксчись «Од вий» фестивалень концертсэ, косо гайгсть тиринь кельсэ морот.

Татьяна Маторкина

23.04.2019

 

 

Новости

В «Единой России» разместят на «Карте доступности» данные о кинотеатрах, оборудованных для людей с ОВЗ
Активисты партийного проекта «Единой России» «Единая страна – доступная среда»
разместят на созданном в рамках партпроекта портале для маломобильных групп населения
«Карта доступности» (kartadostupnosti.ru) информацию о кинозалах, оборудованных для
людей с ограниченными возможностями здоровья. Данные о них будут получены по итогам
мониторинга, который пройдет в июне. Об этом сообщил координатор партпроекта,
заместитель председателя комитета Госдумы по труду, социальной политике и делам
ветеранов Михаил Терентьев.
Подробнее ...
 
Госдума единогласно приняла в первом чтении поправки Турчака в закон о местном самоуправлении
Государственная Дума единогласно (397 депутатов – «за», против и 
воздержавшихся не было) приняла в первом чтении поправки в статью 40 ФЗ
«Об общих принципах организации местного самоуправления в Российской 
Федерации», которые 3 апреля внес вице-спикер Совета Федерации, 
секретарь Генерального совета «Единой России» Андрей Турчак.
Подробнее ...
 
Партийцы Мордовии совместно с минсельхозом обсудили проект Госпрограммы комплексного развития сельских территорий на 2020-2025 года
 

21 мая 2019 в  Воронеже состоится форум «Единой России», посвященный российскому селу. В преддверии  форума 13 мая партийцы республики совместно с министерством сельского хозяйства и продовольствия РМ провели «круглый стол», посвященный путям решения проблем российского села.

На «круглом столе» под председательством  первого заместителя министра сельского хозяйства и продовольствия Республики Мордовия Юрия Голова были обсуждены вопросы разработки муниципальных программ комплексного развития сельских территорий на период до 2025 года.

Подробнее ...
 
Представители «Единой России» в рамках всероссийской акции по озеленению городов высадят 3 млн деревьев
В рамках всероссийской акции партийного проекта «Единой России» «Чистая страна» по
озеленению городов с мая по октябрь будет высажено около 3 млн деревьев. Так, на майских
праздниках в 36 субъектах РФ будет высажено более 1 млн деревьев. В акции примут участие
депутаты всех уровней от «Единой России». Об этом сообщил координатор партийного
проекта, председатель комитета Государственной Думы по экологии и охране окружающей
среды Владимир Бурматов.
Подробнее ...
 
В Саранске состоялся турнир по боевому самбо на призы МРО Партии «Единая Россия»
Сегодня, 11 мая, состоялся турнир по боевому самбо на призы
Мордовского регионального отделения Партии «Единая Россия».
Открывая соревнования, заместитель Руководителя Мордовского
регионального исполнительного комитета Партии «Единая Россия»
Сергей Губарев отметил, что региональное отделение Партии
ежегодно выступает организатором спортивных турниров по разным
видам спорта и активно поддерживает развитие спорта в республике.
Подробнее ...