Рубрикатор

Образование Марина Атласова: «Школась–минек кемеманок ды неженек»
Марина Атласова: «Школась–минек кемеманок ды неженек»

Марина Алексеевна Атласова Отяжелень райононь Таразбуесэ ломанесь содавикс. Сон аволь ансяк тесэнь средней общеобразовательной школань прявт, тонавтыця, истя жо пек парсте морыця ды мазый, ероков ава. Марина Алексеевна чачсь-кассь теке жо енксонь Ламбаське велесэ, мейле лиссь мирденень Таразбуев ды ней сонзэ кавто вечкевикс велензэ, конатнень кисэ свал мелявты седеесь. Школань прявтокс Марина Алексеевнань ладизь 2013 иестэ, теде икеле сон тонавтсь музыка ды начальной класст. Атласовань тонавтыцянь стажозо весемезэ 29 иеть. Сон казезь ламо грамотасо, ульнесь республикань тонавтыцятнень ютксо зярыя пелькстамотнесэ изницякс.

 Аволь ансяк школань прявтось, весе Таразбуе велесь ашти каштанчисэ эсест школаст кувалма. Сон неявикс-редявикс уш васолдо, тюжала кирьпецень покш ды мазый зданиясь панжозель 2004 иестэ ташто, зярыя зданиява явовозь школанть таркас. Эйзэнзэ кельгить 200 ламо эйкакшт. Тесэ ули весемесь эйкакштнень тонавтоманть туртов: валдо класст, эрьва предметэнть туртов панжозь эсензэ кабинет, спортонь зал, актовой зал, столовой. Школасонть неень шкане тонавнить 32 эйкакшт 1 классто саезь 11 классос ды, мезе кенярдовты Марина Алексеевнань, сынь весе эсест велень, лия велестэ сыцят арасть. Шабрасо аштиця эйдень кужонтень якить школанть туртов сы шкань тонавтницят, зярс тозонь яксить 7 тейтерькат ды церынеть. Нама, ули мелявкс, иестэ-иес эйдетнеде чачить пек аламо ды те талновты аволь ансяк Таразбуенть, весе Россиянь велетнень.

Школасонть пурназь пек паро педагогонь состав, конатне максыть вадря содамочить эсест тонавтницяст туртов. Эряви тешкстамс, школань коллективсэнть 15 тонавтыцятнень эйстэ колмотнень высшей квалификационной категорияст, лиятнень – васенце. Сынь весе эште аволь сыре ломанть, стажост 18 иестэ саезь 40 иеть ды весень ули бажамост аволь ансяк тонавтомс, истя жо тонавтнемс одонтень. Химиянь ды биологиянь уроктнень вети Л.С.Кузнецова, физкультуранть – Н.П.Девяткин, физиканть ды информатиканть – М.Д.Атласов, рузонь келенть ды литературанть – О.С.Девяткина, начальной класстнэнь тонавты С.И.Моисеева, тиринь келенть ды литературанть – Н.И.Батяркина, В.В.Атласова ды лият. Эрьва иестэ сынь ды сынст тонавтницятне невтить пряст весероссиянь, республикань, райононь олимпиадатнесэ, творческой конкурстнэсэ ды спортонь пелькстамотнесэ ды зярдояк эзть кадово призэнь таркавтомо.
Марина Алексеевна пек кенярды эсензэ коллективензэ кисэ. Школантень пурнавсть алкуксонь тонавтыцят, эсест тевест кисэ аштицят, сынь истя жо велень администрациянь кемемачи ды неже. Вейкеяк мероприятия Таразбуесэ ды районсонть а ютни сынтемест, школань морамонь ансамблясь зярыя иень перть «Шумбрат, Мордовия!» раськень творчествань республикань фестивалень участник. Таразбуень школась уш ламо иень перть теевсь велень социальной куншкакурокс, весе покш тевтне, кенярксчитне ютавтневить тесэ. Велень администрациянь прявтось М.М.Свойкина тешксты, сынь свал вейсэть школань коллективенть марто, вейкеяк пшкадемась эзь юта вакскаст. Истят уш Таразбуень ломантне, а вечкить сынь кадномо вейкест-вейкест стака шкасто ды свал кирдевить вейсэ, кадык сынст явитькак лиясто сядодо ламо вайгельпеть. Школань прявтось сюкпрянь валт евты эсест выпускниктненень, конатне ламо иень ютазь истя жо максыть лезкс тиринь школантень эрьва кодамо кевкстемань коряс. Неть: «Тепличное» АО-нь прявтось А.М.Живаев, «Агрофирма «Искра» ОАО-нь прявтось П.С.Шилов. Школасонть улить покш стендт, косо весенень невтевить школанть сырнень медаль марто прядыцятнень ды содавикс земляктнень фотографияст. Покш каштанчисэ аштить Таразбуеть уш евтазь МР-нь Славань орденэнь кавалерэнть А.М.Живаевень ды МР-нь Велень хозяйствань заслуженной роботникенть П.С.Шиловонь кувалма, велень хозяйствань наукань докторонть А.А.Моисеевень, РСФСР-нь хозяйстватнень социалистической соревнованиянь отличникенть Л.И.Моисеевань, РСФСР-нь ды МАССР-нь культурань заслуженной роботникенть, актеронть, журналистэнть В.М.Живаевень, РФ-нь ды МР-нь культурань заслуженной роботникенть, Россиянь Журналистэнь союзонь членэнть Т.М.Ковалевань (Живаевань), МР-нь культурань заслуженной роботникенть, журналистэнть Т.Д.Рябовань ды музыкантонть, композиторонть, морыцянть, седицянть, МР-нь культуранть заслуженной роботникенть Н.И.Моисеевень, морыцянть, Мордовиянь заслуженной артистканть А.Атласовань кувалма.
Вана истят покш ломанть трясь-кастась Таразбуень школась ды бажи седе товгак ливтемс покш килангов паро, превей, ламонь содыця эйкакшт, конатнень кисэ а карми визькс седе тов ды конатне кармить кепедеме верев чачома велест лементь. Ансяк улить пелеманзо М.А.Атласовань: сынст тиринь школанть пекстамодо, лия велев эйкакштнень автобуссо усксемадо… Сестэ аволь ансяк коллективесь явови ды ламот лиядыть таркавтомо, сестэ весе велесь теке чами, еми сонзэ нардезэ, кирдевксэзэ, виезэ… Ансяк Таразбуень эрицятне зярс а максыть пряст ды школась ламо ломанень лезксэст вийсэ канды валдочи ды содамочить тиринь веленть туртов.
М.Девятова


27.02.2019

 

Новости

В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.

 
«Единая Россия» выявила новую схему обмана граждан при взимании платы за вывоз ТКО

Партийный проект «Единой России» «Чистая страна» в ходе мониторинга тарифов на утилизацию твердых коммунальных отходов (ТКО) выявил новую схему, по которой региональные операторы обогащаются за счет людей. Речь идет о завышении платежей на вывоз ТКО со стороны региональных операторов прямо посреди года. Это допускается несмотря на то, что тарифы и нормативы накопления отходов устанавливались заранее и не должны были пересматриваться регионами. Об этом сообщил координатор партпроекта, председатель комитета Государственной Думы по экологии и охране окружающей среды Владимир Бурматов, отметив, что по данному вопросу будут направлены обращения в Генеральную прокуратуру РФ и Федеральную антимонопольную службу. 

Подробнее ...
 
Баталина: Законопроект о повышении пенсий малообеспеченным пенсионерам поддержали все регионы
Депутаты Государственной Думы приняли в первом чтении внесенный Правительством РФ
законопроект о доплатах малообеспеченным пенсионерам сверх прожиточного минимума. На
необходимость принятия таких мер указал Президент России Владимир Путин в своем
Послании Федеральному собранию.
Подробнее ...
 
«Единая Россия» просит Роспотребнадзор провести проверку по выявленным 165 нарушениям маркировки молочной продукции

Активисты партпроекта «Единой России» «Народный контроль» в рамках проведенного мониторинга выявили 165 нарушений маркировки молокосодержащей продукции как локальных брендов, так и торговых марок, поставляющих свои товары по всей стране. Вся информация о недобросовестных производителях была передана в Роспотребнадзор с просьбой провести проверку и защитить права людей. Такое заявление сделала координатор партпроекта «Единой России» «Народный контроль», депутат Государственной Думы Анна Кувычко. 

Подробнее ...