Рубрикатор

Образование Панжовсть од школат
Панжовсть од школат

Сентябрянь 1-це чись – а стувтовикс чи Рузаевка ошонь эрицятнень туртов. Тесэ панжинзе кенкшензэ 12№ средней общеобразовательной школась. Сонзэ панжомо сакшнось МР-нь Прявтось В.Д.Волков.



– Течи алкукс покш кенярксчи тынк туртов. Рузаевкасо 30 иень перть эзть стявтово школат. Минь кувать ютынек те школантень. Теньсэ, нама, покш лезксэзэ РФ-нь Президентэнть В.В.Путинэнь. Тонавтнемань од программанть вельде, сон кармавтсь тонавтнемс вейке сменасо, стявтомс од школат ды ютамс ташто, каладозь школатнестэ – одтнэс. Теде башка, школатнень туртов эряви паро оборудования. Миненек эряви ней совамс модамасторсо сехте вадря школатнень юткс, кемекстамс воспитаниянь системанть. Арсян, те тенек топавтови. Тынк школасо важодить пек ламо од тонавтыцят. Школась панжозь ошонь истямо таркасо, косо стявтозь од кудот, тесэ ламо эрицят. Сонзэ эйсэ пек учость, – кортась В.Д.Волков.

12 № школасонть 800 таркат, сон карми естественно-технической ёнкс марто. Тесэ ушодыть важодеме робототехникань, IT-технологиянь кружокт, улить физикань, химиянь, биологиянь, географиянь цифровой лабораторият. Ды, нама, кармить спортонь, художественной творчествань секцият. Школасонть покш библиотека, актовой зал, технологиянь уроктнень туртов кавто мастерскойть, футболсо налксемань покш площадка.

Од школанть стявтомань питнесь малав 540 млн. целковойть. 303 млн. целковойть явозь федеральной бюджетстэ, 236 млн. целковойть – республикань бюджетстэ.

МР-нь Прявтонть туртов васенце классонь тонавтницятне ловность стихотвореният. Мейле керязель якстере парсейнесь – школась панжовсь! В.Д.Волков совась потс ды паро мельсэ ваннынзе кабинеттнэнь, класстнэнь, спортзалонть, столовоенть.

Эйкакштнень тетяст-аваст ёвтасть МР-нь Прявтонтень ламо сюкпрянь валт.

Т.Маторкина

 

Теке чистэнть Мордовия Республикань Прявтось В.Д.Волков, Саранск ошонь округонь администрациянь прявтось П.Н.Тултаев ульнесть Светотехстройсэ Солнечной куросонть 10 № школань панжомань кенярксчисэнть. Ледстясынек, ютазь иестэ тесэ панжозель эйдень кужо. Тесэнь эрицятне кочкамонь шкастонть энялдокшность од школань теемадо, лиякс тенст савкшнось васов ветнемс эйкакшост. Тень пингстэ В.Д.Волков путсь покш тев: строямс весе ёнкстнэнь коряс неень шкантень ладиця образовательной учреждения. «Ремстрой» ПАО-нь строительной компаниясь, конань прявтсо А.Н.Щемеров теизе весементь, штобу школась улевель валдо, мазый ды вечкевикс весенень, кить кармить тей само тонавтнеме, важодеме. Од школасонть, кона теезь 550 тонавтницяс, улить: спортонь кавто залт, бассейна, хореографиянь ды живописень студият, ушосо паро стадион.



Торжественной линейканть ушодовомсто МР-нь Прявтось В.Д.Волков ёвтась седейшкавань поздоровт тонавтницятненень ды тонавтыцятненень, сынст тетяст-аваст лемс ды казсь тонавтнемань заведениянтень сертификат 1 миллион целковойс тонавтнемань мастерскойтнес оборудованиянь рамамс. Васенцеде республикасонть те школасонть арсеви ушодомс тонавтницятнень марто технической специальностень коряс профориентациянть ветямось. Тенень те школасонть ули весемесь, кемеви, а стака карми совавтомс арсезенть эрямос.

…Талновтыця шка, керяви парсеесь. МР-нь Прявтось школанть эйстэ символической панжоманть максы тонавтнемань заведениянь прявтонтень В.Н.Верясовнень. Седе тов В.Д.Волков вейсэ васенце классо тонавтницятнень марто юты линейканть икельга баягине марто. Теньстэ  ушодовсь тонавтнемань од иесь, од школанть историясь.

Торжественной пельксэсь прядовсь, весе совасть од школанть ванкшномо.

МР-нь Прявтось содавтынзе васенце классо тонавтницятнень, кортнесь тетяст-аваст ды тонавтыцяст марто. В.Д.Волков ванкшнызе школань зданиянть кода ушосто, истя потстояк, ульнесь спортзалтнэсэ, столовойсэ, мастерскойсэ, бассейнань залсонть, конань кувалмозо 25 метрат (истямо покш арась вейкеяк школасо) ды путсь строительтненень «вете», истя жо арсесь истямо оценкас тонавтнемс весенень, кить састь васенцеде те школантень.

Тетятненень-аватненень, кить пурнавсть МР-нь Прявтонть перька, сон алтась паролгавтомс школанть маласо тарканть, арсить тосо теемс оймсемань парк.

В.Юдина

 

Новости

«Единая Россия» будет добиваться придания захоронениям участников боевых действий статуса «воинских захоронений»

Партия «Единая Россия» займется созданием реестра захоронений ветеранов боевых действий и придания им статуса «воинских захоронений». Это позволит сохранить память о тех, кто защищал интересы нашей страны в ходе боевых действий, не допустить повторного захоронения в этих местах. Об этом заявил секретарь Генерального совета Партии Андрей Турчак на встрече с членами Всероссийской общественной организации ветеранов «Боевое братство», которые обратились к нему с соответствующей просьбой.

Подробнее ...
 
Турчак об ответственности членов «Единой России», обновлении рядов и партийной учебе

Люди ждут от власти взвешенной и справедливой позиции, а самое главное – конкретных действий и решения проблем и честных поступков. Бездумно сказанное слово воспринимается людьми как оскорбление и бьет по репутации власти в целом, заявил секретарь Генерального совета «Единой России» Андрей Турчак в своем интервью «Известиям».

Подробнее ...
 
Терминалтнэ кармасть «кортамо» эрзякс

Ютазь иень декабрянь меельце читнестэ Сбербанконь Мордовиянь отделениянь офистнэс совицятне дивавтозельть вейке ёнкссонть: терминалтнэсэ, конатне максыть обслуживаниянь талонт, информациясь кармась невтевеме аволь ансяк рузонь кельсэ – эрзянь кельсэяк. Лямбирь велень Сбербанконь офиссэ жо панжовсь приложения татаронь кельсэ. Минек республикань эрицятненень истямо од лувось пек вечкевсь. Кода кортыть банконь сотрудниктне, те оштё вейке вишка эскелькс Сбербанконь социальной проектэнть топавтомасо, конась бажи ванстомс Россиянь раськетнень ёмиця кельтнень.

Подробнее ...
 
«Школа грамотного потребителя» поможет жителям Мордовии обезопасить себя при использовании бытового газа

Партийный проект «Единой России» «Школа грамотного потребителя» подготовил комплекс мер по безопасному использованию газа в быту. Об этом рассказал координатор проекта, руководитель «Центра общественного контроля в сфере ЖКХ Республики Мордовия» Алексей Кливер. 

Подробнее ...
 
«Единая Россия» привлечет депутатов к контролю за каждым объектом в рамках реализации нацпроекта «Безопасные и качественные автомобильные дороги»

«Единая Россия» закрепит за каждым объектом, на котором ведутся работы в рамках реализации национального проекта «Безопасные и качественные автомобильные дороги», конкретного депутата, чтобы отслеживать выполнение работ и расходование выделенных на них средств. Об этом сообщил в рамках правчаса в Государственной Думе зампредседателя комитета Госдумы по транспорту и строительству, координатор партийного проекта «Безопасные дороги» Владимир Афонский.

Подробнее ...