Рубрикатор

Образование Велень школанть эрямозо
Велень школанть эрямозо

Тедедень сентябрянь 1-це чистэ Мордовия Республикасо тонавтницятнень туртов эсь кенкшест панжизь 291 школа. Весемезэ парта экшс озасть 73,5 ламо тыщат тонавтницят. Аволь вишкине пелькс тонавтнемань неть учреждениятнень эйстэ – велень школат. Сынст ютксо Покш Березникень райононь Шугурова велень средней общеобразовательной школась. Панжозель сон ютазь пингень 1974 иестэ. Весе неть иетнень перть эрямонь покш килангов сон ильтясь сядот тонавтницят, кинь-бути туртов жо кармась омбоце кудокс – те сеть, кить тей велявтсть тонавтыцякс ды весе эрямост алтызь те а шожда тевентень.



Течи Шугурова велень школасонть лововить 50 ламо тонавтницят. Ды пурнавсть сынь зярыя велетнестэ. Кода ёвтнесь школань прявтось Иван Фёдорович Ларькин, Шугуровань школасонть тонавтнить Симкинань, Тазинань, Паракинань ды лия велетнень эйкакштне.

Минек улить кавто Газеленек, конатне пачтить эйкакштнень валске марто тонавтнема учрежденияв ды уроктнень прядовомадо мейле – мекев кудов. Тесэ кодаткак мелявкст а лиснить. Истямо лувсо минь важодтяно уш зярыя иеть, – ёвтнесь Иван  Фёдорович.

Аволь весть савкшнось тень марямс, буто велень школасо тонавтнемань программась шождалгавтозь, эдь тесэ арась течинь тонавтоманть туртов весе эрявикс оборудованиясь. Паряк, семс тенень кемилиньгак. Шугуровань школанть содавтомадо мейле жо вановтом тень лангс овсе полавтовсь. Видькстан, велень школатне овсе а явовить ошонсетнень эйстэ. А вана Шугуровань школась, койсэнь, кой-конатнень икельдинзе. Эрьва классонть ветязь скоростной Интернет, ладязь компьютерт, улить интерактивной комплекст. Ули класс лавшо шумбрачи марто эйкакштнень туртов, кона топавтозь неень шкань вешематненень ладиця эрявикс оборудованиясо. Технологиянь уроктнень вадрясто ветямга тесэ рамазельть токарной станокт. Ды ней сынст экшсэ важодемстэ вишкинетнень тонавтыть робочей профессиятнень вечкеме.

Тонавтомань процессэнть ветямсто минь покш мель явтано неень шкань вешематненень. Секскак, зярдо чачсь мель совавтомс робототехникань уроктнень, кавтолдомат арасельть. Ды ней начальной школань тонавтницятне эсь тонавтыцянть ды робототехникань кружоконь ветицянть Татьяна Васильевна Дудникова марто покш мельсэ пурныть эрьва кодат роботт, арсить программат. Истя жо минек школасо ули авиамоделированиянь кружок. Тесэ эйкакштне теить-пурныть самолётт, конат алкукс ливтнить, – ёвтни И.Ф. Ларькин.

Шугуровань школась вейкине национальной школа районсонть, секскак тиринь эрзянь келенть тонавтомантень тесэ явови башка мель. Школась аволь весть ульнесь площадкакс эрзянь келень ды литературань конференциятнень ды лия мероприятиятнень ютавтоманть туртов. Истя, кавто иеде икеле Шугуровань средней общеобразовательной школанть юрсо ютавтозель «Этнокультурная направленность системы образования в сельской школе» теманть коряс республиканской видеоконференциясь. Сонзэ участникекс ульнесть эрзянь келень тонавтыцятне республикань малав весе школатнестэ. Эрьва ие ламо мероприятият алтавить Эрзянь келень чинтень. Ютавтневить конференцият, олимпиадат, меельце иетнестэ покш мель явови эрзянь кельсэ тотальной диктантонтень. Сонзэ покш мельсэ сёрмадыть кода тонавтницятне, истя тонавтыцятнеяк.

Вадрясто ладязь тонавтомань лувось пек лезды эйкакштненень невтемс эсь содамочитнень ды ёрокчинть аволь ансяк райононь, истя жо республикань ды весероссиянь олимпиадатнесэ ды пелькстамотнесэ. Шугуровань школань тонавтницятне свал вадрятнень ютксот эрзянь келень ды литературань коряс пелькстамотнесэ, аволь весть сайнесть таркат географиянь, историянь, обществознаниянь ды лия предметтнэнь коряс олимпиадатнесэ.

Покш мель школась яви спортонтеньгак. Сынст ули эсест волейболонь командаст, конась содавикс аволь ансяк Мордовиясо, натой, шабра регионтнэсэяк. Эрьва иень декабрясто школасонть ютавтневи волейболонь турнир, кона алтави Социалистической Трудонь Героентень Н.В.Камаевнень. Истя жо эрьва иестэ шожда атлетикань коряс пелькстамот ютавтневить физической культурань заслуженной роботникенть, школань икелень тонавтыцянть В.С.Манинэнь ледстнемга.

Ды кода тешксты школань прявтось Иван Фёдорович Ларькин, теньсэ весемесэнть покштояк покш путовксозо эсь тевенть парсте ды домкасто содыця коллективенть. Сеть ломантнень, кить эсь тиринь школантень ды эйкакштнень тонавтомантень алтасть аволь вейке кементь иеть.

Эсь профессиянть вечкиця коллективенть марто куш кодамо мелявксось ды стакачись карми шождакс ды решавицякс. Вейке-вейкень кисэ аштезь, минь изнясынек весе стакачитнень, – кемекстызе Иван Фёдорович.

Школанть сюпавчизэ – музеесь




Шугуровань школанть лиятнень эйстэ ули эштё вейке явовтыця ёнксозо – тесэ пек сюпав веленть историянзо ланга музеесь. Панжозель сон эштё 90-це иетнень ушодовомсто, а вана 2003 иестэ сонензэ максозель паспортось ды музеенть кармась официальной статусозо. Музеенть прявтсо – «Патриот России» лемень кандтницясь Валентина Михайловна Арапова. Сон весе эрямонзэ алтызе тонавтыцянь тевентень, ней жо эсь содамочитнесэ кенярдовты музеень инжетнень. Валентина Михайловна содасы эрьва экспонатонть историянзо, косто сон саевсь, кие кандызе. Экспонаттнэде жо течинь чине музейсэнть лововить малав 500. Эрьвась эйстэст ёвтни Шугурова велень икелень историядонть, культурадонть, койтнеде-кирдатнеде. Сехте кезэрень экспонатокс тесэ ловови неолит пингень (минек эрадонть икеле 4-це пингесь) кевень узересь, ванстовсть 1909 иень учебник, XIX-це пингень оршамот. Музейсэнть аволь ансяк ютавтневить экскурсият, истя жо урокт ды вастовомат. Тезэнь ансяк чалги пильгеть, сеске прят марят лия шкасо ды превезэть сыть покштять-бабать ёвтнематне, конатнень марсить овсе вишка порасто.

Ю.Еремина

 

 

Новости

«Единая Россия» будет добиваться придания захоронениям участников боевых действий статуса «воинских захоронений»

Партия «Единая Россия» займется созданием реестра захоронений ветеранов боевых действий и придания им статуса «воинских захоронений». Это позволит сохранить память о тех, кто защищал интересы нашей страны в ходе боевых действий, не допустить повторного захоронения в этих местах. Об этом заявил секретарь Генерального совета Партии Андрей Турчак на встрече с членами Всероссийской общественной организации ветеранов «Боевое братство», которые обратились к нему с соответствующей просьбой.

Подробнее ...
 
Турчак об ответственности членов «Единой России», обновлении рядов и партийной учебе

Люди ждут от власти взвешенной и справедливой позиции, а самое главное – конкретных действий и решения проблем и честных поступков. Бездумно сказанное слово воспринимается людьми как оскорбление и бьет по репутации власти в целом, заявил секретарь Генерального совета «Единой России» Андрей Турчак в своем интервью «Известиям».

Подробнее ...
 
Терминалтнэ кармасть «кортамо» эрзякс

Ютазь иень декабрянь меельце читнестэ Сбербанконь Мордовиянь отделениянь офистнэс совицятне дивавтозельть вейке ёнкссонть: терминалтнэсэ, конатне максыть обслуживаниянь талонт, информациясь кармась невтевеме аволь ансяк рузонь кельсэ – эрзянь кельсэяк. Лямбирь велень Сбербанконь офиссэ жо панжовсь приложения татаронь кельсэ. Минек республикань эрицятненень истямо од лувось пек вечкевсь. Кода кортыть банконь сотрудниктне, те оштё вейке вишка эскелькс Сбербанконь социальной проектэнть топавтомасо, конась бажи ванстомс Россиянь раськетнень ёмиця кельтнень.

Подробнее ...
 
«Школа грамотного потребителя» поможет жителям Мордовии обезопасить себя при использовании бытового газа

Партийный проект «Единой России» «Школа грамотного потребителя» подготовил комплекс мер по безопасному использованию газа в быту. Об этом рассказал координатор проекта, руководитель «Центра общественного контроля в сфере ЖКХ Республики Мордовия» Алексей Кливер. 

Подробнее ...
 
«Единая Россия» привлечет депутатов к контролю за каждым объектом в рамках реализации нацпроекта «Безопасные и качественные автомобильные дороги»

«Единая Россия» закрепит за каждым объектом, на котором ведутся работы в рамках реализации национального проекта «Безопасные и качественные автомобильные дороги», конкретного депутата, чтобы отслеживать выполнение работ и расходование выделенных на них средств. Об этом сообщил в рамках правчаса в Государственной Думе зампредседателя комитета Госдумы по транспорту и строительству, координатор партийного проекта «Безопасные дороги» Владимир Афонский.

Подробнее ...