Рубрикатор

Образование «Эряк, тиринь кель!»
«Эряк, тиринь кель!»

Краснослободск ёнксонь «Сивинь» эйкакшонь шумбрачинь витемань лагерьсэ важоди «Эряк, тиринь кель!» регионъютконь этнокультурань лагерень сменась. Сонзэ анокстыцязо-ютавтыцязо Мордовия Республикань Образованиянь министерствась. Тедеде тей састь эйкакшт кода эсенек республикасто, истя жо сонзэ томбальде: Татарстансто, Ульяновской, Владимирской ды Московонь областтнестэ, Санкт-Петербургсто (эйкакшонть ундоксонзо Украинань Донецкой областьстэ). Малав весе эйкакштне – тиринь келень (эрзянь, мокшонь, татаронь) ды литературань коряс регионъютконь олимпиадань изницят ды призёрт. Истямо смена минек республикасо ютавтневи 2003 иестэ саезь.

 

Этнолагерьсэнть эйкакштнень марто важодить келень содыця специалистт. Эрьва чистэ ютавтовить келень, литературань, историянь, культурань коряс мастер-класст ды лия занятият. Те весе тееви сень кисэ, эйкакштне содавлизь эсь ундоксост, покштяст-бабаст койтнень-кирдатнень, содавольть вакссонок эриця раськетнеде, потсост вельмевель тиринь масторонтень вечкема.

Зярыя иень перть те лагерьсэнть ветицякс важоди Саранск ошонь 24№ школасо мокшонь келень тонавтыцясь М.Н.Миронова.

Неть читнестэ «Сивинь» эйкакшонь шумбрачинь витемань лагерьсэ важодиця «Эряк, тиринь кель!» регионъютконь этнокультурань лагерень сменанть юрсо ютавтовсь «Эрзянь-мокшонь раськень налксематне школасо тонавтницятнень патриотизмань лувсо кастомань пелькс» кругловой столесь. Тей сакшность Мордовиянь Образованиянь министерствань прявт специалистэсь Н.В.Салмова, «Тюштя» клубонь прявтось П.В.Мигунов, «Литова» эрзянь авань вейсэндявксонь прявтось Р.Б.Щанкина, школатнесэ ды эйдень кужотнесэ физической культурань тонавтыцятне ды лият.

Инжетнень вастомсто цёрынетне ды тейтернетне невтсть аволь покш концерт. Морасть рузонь, эрзянь, мокшонь ды татаронь морот, невтсть раськень киштемат. Весе эйкакштне ульнесть раськень оршамопельсэ – мелетькак витеви!

Эрьва ие миненек сакшныть эйкакшт эрьва кодамо регионсто, косо эрить эрзятне ды мокшотне. Тиринь келесь – те семиянть, малавикстнэнь, покштятнень-бабатнень марто сюлмо. Эряви весе вийсэ ванстомс тиринь келенть, тонавтнемс, кортамс эйсэнзэ. Кеман, лагерень этнокультурань те сменась оймезэнк кады ансяк лембе ды валдо ледстнемат, – кортась М.Н.Миронова.

«Ламзурь» раськень фольклоронь-этнографиянь ансамблянтень совицятне содавтызь эйкакштнень седикельксэнь койтнень-кирдатнень марто. Вейкесь эйстэст – «Эрьбань чи». Тейтерькатне ды цёрынькатне покш мельсэ тонавтнесть эрзянь кезэрень моротнень, налксематнень. Кармасть содамо, мезе те Эрьбань чись ды кода сонзэ вастомс-ютавтомс.

П.В.Мигунов этнолагерень эйкакштненень невтинзе «Тюштянь налксемань» башка ёнкстнэнь. Раськень панарсо оршазь цёрынетне покш мельсэ тюрсть кескавсо, бороцясть, налксесть оскасо. Зяро кеняркс ульнесь сельмсэст!

Обедтэ мейле ютавтовсь «Эрзянь-мокшонь раськень налксематне школасо тонавтницятнень патриотизмань лувсо кастомань пелькс» кругловой столесь. Мордовиясо общеобразовательной организациятнесэ этноспортонь кастомань-виевгавтомань кевкстематнеде кортась Н.В.Салмова. Надежда Васильевна тешкстызе, этноспортонть ды этнотуризманть эрявиксчись седеяк пек кассь Футболонь коряс масторлангонь чемпионатонть ютавтома шкасто. Сонзэ вельде инжетненень невтезель эрзятнень-мокшотнень лия ёнов а молиця культураст, коест-кирдаст.

– Седикельксэнь шкатнестэ саезь, эрзятнень ды мокшотнень туртов физической упражнениятне ульнесть важодемань ды военной тевдеемантень од ломантнень анокстамонь прявт пельксэкс, сынст физической ды моральной ёнкстнэнь варчамокс, – тешкстызе Н.В.Салмова. – Неень шкане эрзятнень ды мокшотнень кезэрень пелькстамотнень марто эйкакштне теевить содавиксэкс физкультурань, историянь, тиринь келень ды литературань уроктнесэ.

«Тюштянь налксематнень» коряс домка пачтямо тейсь П.В.Мигунов. Тешкстызе, сонзэ секциятнес эйкакштне примавить 3 иестэ саезь. Самай те шкастонть эрявияк ушодомс эйкакштнень патриотизмань лувсо кастоманть. Павел Валерьевич ёвтызе, тренировкатнес вишкинетне сакшныть аволь ськамост: тетяст-аваст эли малавиксэст марто. Истямо тевесь оймавты эйкакшонть, ды сон снартни топавтомс тренерэнть весе мерематнень. Тренерэсь пек снартни сенень, эрьва эйкакшось вечкевлизе спортонть. Бути жо эштё карми содамо сонзэ национальной ёнкстнэнь, эйкакшонть потмоёжозо седеяк сюпалгады. Эсь роботасонть Павел Мигунов покш мель яви патриотической воспитаниянтень.

Орданьбуе ёнксонь Кученяевань школань физической культурань тонавтыцясь В.А.Дугушкин ёвтнесь, сынст школасо ютавтовить этноспортонь ёнкс марто «весёлой стартт». Эйкакштненень сынь пек вечкевить. Владимир Андреевич толковизе, неть налксематнень ютавтомадо меленть тензэ ёвтызе тетязо, сон ульнесть Ине Отечественной войнань участникекс. Ды сынь, тюрематнень ютксо, топавтсть эрьва кодат упражненият, истя виевгавтсть рунгост.

Краснослободск ёнксонь Колопинань школасо мокшонь келень тонавтыцясь А.П.Еремкина ёвтнесь, кодамо покш мель сынст эйкакштне явить сеть налксематненень, конат ульнесть тетяст-аваст шкасто. Кругловой столентень пурнавозетне покш мельсэ ледстизь стувтовозь налксематнень, редявсь, сынь мик велявтсть вишка шкантень.

Вастовоманть лувсо покш кортамо ветявсь эйкакштнень видестэ кастомадонть, вечкевлизь сынь тиринь ёнксост, покштяст-бабаст койтнень-кирдатнень, тиринь раськень кельтнень.

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...