Рубрикатор

Образование Учёной, писатель, педагог, общественной деятель…
Учёной, писатель, педагог, общественной деятель…

А.С.Пушкин лемсэ библиотекасо «Гордость нации» культурно-образовательной проектэнть лувсо ютась «Учёной, писатель, педагог, общественной деятель...» ледстнемань чокшне. Сон алтавсь Андрей Иванович Брыжинскоень чачома чистэнзэ саезь 70 иетненень. А.И.Брыжинский – МР-нь культурань заслуженной роботник, филологиянь наукань доктор, профессор. Чачсь сон Кочкурбуень Од Тягловка велесэ тонавтыцянь семиясо. Школанть прядомадо мейле тонавтнесь Мордовской государственной университетэнь филологиянь факультетсэ. Ниле иень перть важодсь минек «Эрзянь правда» газетасо. Тонавтнесь аспирантурасо. Андрей Иванович явсь мель эрзянь ды мокшонь литературанть касомань-кепетемань ванкшномантень. Художественной прозань ванкшноманть коряс нолдась малав сядо важодемат. Теде башка, анокстась учебно-методической литература вузтнэнь ды школатнень туртов. Учёноесь мукшнось шка эсь творчествантеньгак.

 

1996 иестэ саезь А.И.Брыжинский совавтозель РФ-нь Писателень союзс. Сонзэ лиссть «Сув» (1982), «Ёмаське» (1985), «Вечкемань сюлмо» (1987), «Оймень моро» (1994), «Вечкеманть тюсонзо эсензэ» (2004) повестень книганзо ды ёвтнеманзо.

Сон важодсь МР-нь Правительстванть юрсо гуманитарной наукань НИИ-сэ, Н.П.Огарёв лемсэ МГУ-нь филологиянь факультетсэ, 2002 иестэ саезь ладязель Национальной культурань институтонь деканокс.

– Андрей Иванович ульнесь покш ойме марто ломанекс. Мон мельспаросо ледстнян се шканть, зярдо важодинек вейсэ. Сонзэ пингстэ панжозельть од специальностть. Сон маштсь пурнамс перьканзо ломанть. Факультетэсь сонзэ важодема шкасто невтсь прянзо Весероссиянь ды раськеютконь пелькстамонь проекттнэсэ. Сон свал лездась студенттнэнень, – ледстнесь Национальной культурань институтонь прявтось Т.Н.Сидоркина.

Седеяк лембестэ эйстэнзэ кортась лелязо, содавикс искусствоведэсь В.С.Брыжинский:

– Сон монь племянникем ды, нама, вишка шкасто ванынь мельганзо. Минь эринек ве кудосо, вейке покш семиясо – вейксэ ломанть. Ней минек Од Тягловкась, чачома веленек, ёмамо лангсо, тосо эрить ансяк кавксо ломанть. Те пек нусмакавты, сельведтне а кирдевить, сеске а муеви кудоюртось, касы барлак тикше. Весе эрямонзо перть Андрей Иванович ульнесь пек активной ломанекс, школасо тонавтнемстэ саезь ушодсь сёрмадомо газетас. Кадсь мельганзо ламо валдо ледстнемат, чевте седей, паро ломань. Сонзэ куломазо минек семиянть туртов – а ёвтавикс кажо. (Ред. Андрей Иванович тусь эрямосто 2013 иестэ).

Истя жо паро валт ёвтасть лиятнеяк. Вастовомантень сакшность Андрей Ивановичень малавиксэнзэ, Александр ды Дмитрий цёранзо. Библиотекась анокстась А.И.Брыжинскоень эрямодо ды творчествадо выставка. Ташто Мурза велень «Норовава» ансамблясь ды ИНК-нь студенттнэ морасть эрзянь кезэрень морот, конатнень учёноесь пек вечксь кунсоломо.

 

Т.Маторкина

 

Новости

43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.