Рубрикатор

Образование Казевсть Ине Изнямонь чинтень алтазь пелькстамосонть изницятне
Казевсть Ине Изнямонь чинтень алтазь пелькстамосонть изницятне

«Эрзянь правда» газетань редакциясь Ине Изнямонь чинть каршо ютавтсь артовксонь пелькстамо. Сонзэ прявт смустезэ – явовтомс эйкакштнень мелест тиринь масторонь историянтень, кирдемс мельсэ, кодамо питнесэ сатотсь минек покштятненень Изнямонь чись.

 

Артовксонь пелькстамонтень эсь важодексэст кучизь Саранск ошонь эйкакшонь художественной школав, эстетической воспитаниянь центрав якицятне. Ве ёнов эзть кадово республикань районтнэяк. Ламо артовкст кучозельть Покш Игнатовасто. Сехте вишкине участникентень ансяк 3 иеть!

Изницятнень каземась ютавтовсь маень 24-це чистэ «Эрзянь правда» газетанть редакциясо. Васняяк эйкакштне теевсть содавиксэкс редакциянть важодеманзо марто, журналисттнэ ёвтнесть эсест тевдест, вишкинетне покш мельсэ вансть, кода моли газетань вёрсткась, кода кочкавить газетас фотографиятне.

Пелькстамосо изницятненень лембе валт ёвтась «Эрзянь правда» газетань прявт редакторонь тевтнень топавтыцясь Т.П.Горохова. Татьяна Петровна тешкстызе, покш мельспаро, пелькстамонтень кучозельть пек ламо важодевкст. Весе сынь виевть, эрьвасонть невтезь войнань иень башка история, веенст артовкстнэ пешксеть кенярксто: эйсэст невтеви изнямось, солдаттнэнь кудов велявтомась, малавикстнэнь марто вастовомась. Лиятне, мекевланк, пешксеть войнань иень ризкстэнть, ёвтнить стака ёмавкстнэде. Тешкстазель, сехте вадря важодевкстнэнь кочкамс ульнесь пек стака.

Истя, максозь кавто васенце таркат – Мокина Викториянень (Саранск ошонь 1№ эйкакшонь художественной школась) ды Зологова Янанень (Саранск ошонь 2№ эйкакшонь художественной школась). Омбоце тарканть саизе Власова Юлия (Саранск ошонь 2№ эйкакшонь художественной школась). Колмоце тарканть – Федотов Илья (Саранск ошонь 1№ эйкакшонь художественной школась), Степашкина Настя (Саранск ошонь 2№ эйкакшонь художественной школась), Кабаев Максим (Покш Игнатовань ёнкс).

Изницятненень максозь дипломт ды казнеть пелькстамонь спонсортнэнь пельде – «Шедевр» художественной салонось ды «Лидер-канц» компаниясь. Истя жо эрьва участникентень максозь эйкакшонть эсензэ артовксонзо марто бокал, конатнень теинзе «Да!» рекламань агентствась.

Т.Аксенова

 

Новости

20 лучших водных ревизоров Мордовии продолжат свою работу в Артеке
Сегодня в Саранске прошло заседание регионального штаба Всероссийской
экологической акции «Вода и здоровье». Там были названы имена 20 лучших
водных ревизоров республики, которые станут участниками федерального этапа
акции «Вода и здоровье»
Подробнее ...
 
Директор спортивной школы попросил депутата ГД Александра Воробьева помочь мордовской биатлонистке
 9 июня депутат Госдумы РФ, член Комитета Госдумы по
аграрным вопросам Александр Воробьев встретился с жителями
Мордовии на личном приеме. Люди обращались по разным вопросам
– в сфере ЖКХ, обеспечения лекарствами, помощи в получении жилья
и другим.
Подробнее ...
 
Молодогвардейцы - победители «Школы парламентаризма«посетили высшие законодательные органы страны
Первым пунктом экскурсии для ребят из Мордовии стал Совет Федерации Федерального
Собрания Российской Федерации, внутренний интерьер и дизайн которого поразил их своей
красотой и величием. Экскурсовод познакомила ребят с особенностями здания, провела по
главным местам Совета Федерации. Ребятам также удалось побывать в большом зале
заседаний, увидеть своими глазами рабочие места сенаторов и кресло председателя
Валентины Матвиенко. Также молодогвардейцы узнали, как проходит подготовка к
заседанию и собственно
сама
работа
заседаний.
Подробнее ...
 
Путин казизе Мордовиясто семиянть «Родительская слава» орденсэ

Июнень 1-це чистэ, Эйкакшонь ванстомань раськеютконь чистэ, РФ-нь Президентэсь Владимир Путин казинзе ламо эйкакшонь триця семиятнень «Родительская слава» орденсэ. Покш казнесэ тешкстазель Мордовиянь Зубова-Полянань райононь Ширингуши велень Урсовтнень кудораськесь. Покш промксонтень истя жо тердевсть РФ-нь ёнкстнэнь прявттнэ, косто састь семиятне, сынст ютксоль МР-нь Прявтось Владимир Волковгак.

Подробнее ...
 
Эрзянь моротне гайгсть омбо масторсо

Швейцариянь Тоггенбургс пурнавкшность Европасто ды масторлангонь эрьва кодамо масторсто исполнительть. Тосо ютась «Природный голос» раськеютконь вокальной фестиваль. Россиянь вейкине представителекс тосо ульнесь Мордовиянь «Мерема» фольклорной группась, конась эсь морамосонзо токакшнынзе седеест ваныцятнень Финляндиясо ютавтозь теке фестивальсэнть. Ды швейцарецтнэ тердизь Екатерина Модинань прявтсо «Мерема» группанть эстест. Эдь сынст творчестваст пек лади музыкальной форумонь форматонтень. Фестиваленть лиятнень ёнов амолемачись сеньсэ, весе вокалисттнэ – хортнэяк, солисттнэяк, невтить национальной фольклор седямопелень тевс апак нолда.

Подробнее ...