Рубрикатор

Образование Покш казне вишкинетненень
Покш казне вишкинетненень

Неть читнестэ Озёрной посёлкасонть эсь вишка инжетнень туртов одс панжинзе кенкшензэ 114 № эйдень кужось. Ютазь иень октябрясто сон пекстазель ды меельце вете ковтнень перть тосо ветявсть витнемань-вадрялгавтомань тевть. Ней покш ды валдо нупальтнесэ, конатнестэ эрьвась мазылгавтозь башка тюссо, кармить эсь шкаст ютавтомо 60 эйкакшт.

Кужонть панжомо якась Саранск ошонь Администрациянь прявтось Пётр Тултаев. Витнемань тевтнеде мейле сон васняяк ваннызе яслянь группанть, козо якить 1,5-3 иесэ эйкакштне. Эряви меремс, витнемань тевтнень ушодовомадо икеле эйдень кужосонть ульнесть ансяк кавто группат, ков якильть 4 иестэ саезь 6 иес эйкакшт. Ошонь мэрэсь кода-бути содавтызе те учреждениянть, ды самай сестэ стяськак кевкстемась, што таркатне весень туртов а сатыть ды зданияськак аволь уш пек вадря. Решазель панжомс эштё вейке группа, зданиянть жо парсте витнемс-вадрялгавтомс. Ней тей кармить якамо сехте вишкинетнеяк ды эйдень кужов молемань эсь очереденть учицятнедеяк Озёрнойсэ эзть кадово.

Ёвтасынек, вишкинетнень туртов образовательной учреждениясь Озёрнойсэ витнезь неень шкань вешематнень коряс: ладязь зыянов тевтнеде ванстомань система, рамазь налксемань ды спортонь туртов од инвентарь, ярсамопелень анокстамонь блоксонть ды медицинань кабинетсэнть неень шкань од оборудования, ули музыкальной мазый ды валдо зал, вадрялгавтозь ды весе эрявикссэнть топавтозь спортонь ды оймсемань туртов площадкатне.

Покш группанть содавтомсто Пётр Тултаев кортась эйкакштнень марто, косо се шкастонть ютасть занятият. Мэрэнть марто кортамо шкастонть вейке эйкакшось пачтясь, течи чачома чизэ – сонензэ топодсть кото иеть. «Кода тонь леметь?» – пшкадсь тензэ Пётр Тултаев.  – «Кирилл Иванович!» – апак тално мерсь цёрынесь. Весе пурнавозтне сонзэ лемс морызь «Крокодил Генань» моронть, ды ошонь мэрэсь казсь тензэ налкшке – Футболонь коряс масторлангонь чемпионатонь талисманонть – Забивака верьгизэнть.

Теде мейле Саранск ошонь прявтось ваннынзе ярсамопелень анокстамонь блоконть, медицинань кабинетэнть, музыкальной залонть. Тетятнень-аватнень марто кортамсто сон тешкстызе, 2013-2017 иетнестэ Мордовиянь прявт ошсонть теезь эйдень 16 кужот. Весемезэ жо ошсонть роботыть 70 дошкольной образовательной организацият, конатнес якить 17600 эйкакшт.

Нама, ламосо те теезь федеральной куншкакуронть лезксэнзэ вельде. Эдь эйдень кужотнень тееманть лангс меельце вете иетнень перть ютавтозь 1 миллиард 368 миллионт целковойть, седе покш пельксэсь – федеральной ярмакт. Минь целанек решинек кужос очередтнень коряс кевкстеманть. Мордовиянь Прявтось Владимир Волков минек икелев свал путы задача, косо бу аволь аште эйдень кужось, сон ладяволь неень шкань вешематненень, ды штобу ошонь ды велень учреждениятне авольть явово вейкест-вейкест эйстэ. Эйкакштне якавольть тов покш мельсэ, – тешкстызе Пётр Тултаев.

Республикань Прявтонть пельде Озёрной посёлкань кужонтень казезь неень шкань кислородной коктейлер.

Ошонь мэрэсь истя жо пачтясь, 114 № кужось кармась колмоцекс, конась витнемадо мейле панжозь ошонть маласо велетнесэ. Теде икеле витнезельть Монастырской ды Горяйновка велетнень кужотне.

Россиянь Президентэсь Владимир Путин кемекстась аравтлув, штобу эрьва эйкакшонтень, кинень те эряви, улевель яслясо тарка. Штобу аватне поладовлизь тонавтнемаст эли жо лисевельть роботамо. Течинь чине Саранск ошсо электронной очередьсэ аштить 6788 эйкакшт ансяк чачозтнестэ саезь 3 иес ды 804 – 3 иестэ саезь 7, весемезэ учицятнеде 7592 эйкакшт. Ансяк омбоцетнень коряс очередесь лиссь аволь сень кувалма, кужотнесэ арасть таркат, а секс, што кемекстазь шкась эштё эзь са. Теде башка, тетятне-аватне кужонть кочкить эсь мелень коряс. Невтемакс, Светотехстроень эрицятне эсь эйкакштнень ветнить ошонь куншкакуронь кужотнес, эсь важодема таркатнень малас. Саранскойсэ арась истямо, штобу эйдень кужос очередьсэ аштевельть зярыя иеть, –  кемекстызе Пётр Тултаев.

Мэрэсь пачтясь пурнавозтненень, Президентэнь программанть юрсо неень шкане эйдень кужот теевить Саранск ошонь Т.Бибинань куросонть (240 таркас). Сонзэ арсеви панжомс тедедень декабрясто. Истя жо те иестэ панжови од кужо Россиянь Армиянь проспектсэнть (240 таркас). Маласо шкастонть карми анок Титовонь куросо теевиця кужоськак (истя жо 240 таркас).

Ю.Еремина

 

Новости

43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.