Рубрикатор

Образование Ней машттано эрзянь кельсэ комиксэнь артомо!
Ней машттано эрзянь кельсэ комиксэнь артомо!

Аволь умок Мордовиясо ютась лия ёнов а молиця вастовома. Тесэ ютась «Живой язык» социальной арт-проектэсь, конань вельде важодсть финнэнь-угрань кельсэ комиксэнь артомань коряс мастер-класст. Сынст эйс тердевить ломанть, конат содасызь тиринь келест: тонавтыцят, газетань редакторт, библиотекань ды музеень важодицят, эйдень кужонь воспитательть.

 

«Живой язык» проектэнть арсизе Финляндиянь художникесь Санна Хукканен, сонензэ макссть грант. Истя тейтерь-авась кармась ардтнеме регионга ды тонавтомо комиксэнь артомо. Те тевсэнть тензэ лезды лия кельс ютавтыцясь Анна Воронкова (Москов ош). Финнэнь-угрань ёнкстнэсэ артозь комикстнэ невтевить эрьва кодамо выставкасо Россиясо ды Финляндиясо, нолдавить сборниксэ, открытка лангсо ды газетасо.

 

Комикст артсть Удмуртиясо, Марий Элсэ, Коми-Пермяцкой округсо, Ханты-Мансийской автономной округсо, Комисэ. «Живой язык» проектэсь важодсь Мордовиясояк. Тей сакшнось проектэнь арсицясь Санна Хукканен, сон рузкс а корты, ютавтсь Анна, мартост истя жо ульнесь историкесь, аспирантось Риика Мухонен. Теевтяно мартост содавиксэкс.

Санна Хукканен сась Финляндиясто. Сон – художник-комиксист, сценарист ды иллюстратор. Тонавты ломантнень артомо, вети комиксэнь артомань мастер-класст. Вете иень перть эрясь Танзаниясо, косо тонавтсь артомо врачтнень ды учительтнень. Лиссть зярыя книганзо.

Анна Воронкова чачсь Московсо. Тонавтнесь М.В.Ломоносов лемсэ МГУ-нь финнэнь-угрань языкознаниянь кафедрасо. Сон ёвтни, ламо шкань перть сынь, тонавтницятне, эзть сода, Россиясо улить финнэнь-угрань кельтнесэ кортыцят. 2015 иестэ понгсь Карелияв, косо Санна артыцясь ютавтсь мастер-класс. Истя Анна теевсь содавиксэкс ломантнень марто, конатне кортыть карелэнь ды вепсэнь кельсэ. Редизе, студенттнэнень, конатне содыть кавто кельть,  шождасто саеви лия келесь. «Мон чарькодинь, кодамо эйстэнь профессионал, бути а содан Россиясо эриця раськетнеде, кодамо мон РФ-нь гражданинан?» – ледстни Анна.

– Те проектэнть вельде минь бажатано лездамс финнэнь-угрань кельтненень, конат ёмамо лангсот. Россиянь эрицятнень марто важодемстэ рединь, тынк масторсо комикстнэ аволь истят популярнойть, кода Финляндиясо. Минек газетатнень меельце лопатнесэ свал максыть комикст, ды ломантне сынст учить, вечкить. Варчинек истя теемс Карелиясо. Алкукскак, ломантне комикстнэнь вастызь парсте. Те жанрась од ды мельстуиця од ломантнень туртов. Зярдо комикстнэ сёрмадозь тиринь кельсэ, конасонть кортасть покштятне-бабатне, сынь седеяк вечкевить, истямо лувсо явови мель келентеньгак, – ёвтни Санна.

Комикстнэ – картинкасо историят. Артозь историят. Сынь эрсить нусманят, весёлат, автобиографичнойть, криминалонь ды седе тов. Нолдавить графической романткак.

– Анна, кить артыть комикстнэнь?

– Улить художникть, конат сынсь сёрмадыть сценарий ды сынсь артыть. Улить ансяк сценаристт ды артыцят, конат важодить вейсэ. Саемга, Санна арты ды сонсь сёрмады сценарийть. Сонзэ лиссь комиксэнь книгазояк. Россиясо пек а сатныть сценаристтнэде. Минек улить профессиональной ламо артыцят, ансяк аволь весе маштыть ёвтнеме артовкстнэнь вакссо кодамояк история. Россиясо ловить комикстнэнь американь искусствакс. Те аволь истя. 1990-це иетнестэ Россиясо ютась комиксэнь васенце фестивалесь. 2001 иестэ саезь Московсо ютавтневи «КомМиссия» комиксэнь фестиваль, кона лезды од артыцятненень, профессиональной артыцятне тонавтыть одтнэнь. Истят жо промкст ютавтневить Санкт-Петербургсо ды Самарасо, – ёвтни Анна, кона важоди комиксэнь фестивалень анокстыцятнень ютксо.

– Тынь ульниде ламо регионсо. Ёвтнеде, кодат темат кепедить ломантне комиксэнь артомсто?

– Темась минек уш аравтозь икелепелев – келесь ды культурась. Прявт вешемась – сёрмадовкстнэ улевельть тиринь кельсэ. Велень эрицятне ледстнить ды артыть фольклоронть, мифологиянть, эрямосто саевкст. Сынь ёвтнить эсь ундокстост, кельдест. Те истят историят, конат талновтыть минек ойменек. Ошонь эрицятне явить мель социальной кевкстематненень, эрямонь стакачитненень. Нама, сеедьстэ гайги келень темась. Косо-бути кельтнень коряс тевтне молить парсте, лия таркасо – беряньстэ. Саемга, саамтнень. Сынст кельсэ валксось меельцеде нолдазель 1985 иестэ, ней уш а важоди саамонь кельсэ радиоськак. Весе ломантне пек мелявтыть тиринь келест кисэ.

– Кодат стакачить эрсить лия ёнкска ардтнемстэ?

– Мастер-класстнэс вешнетяно покш ломанть, активистт, конатненень ули мезе ёвтнемс артовкстнэсэ. Эрси, пурныть тенек вишка эйкакшт. Паро, зярдо мастер-класстнэ ютыть велесэ. Тосо эрить алкуксонь ломанть, келень содыцят, конат эрямонть чарькодить, марить. Ошсо лиякс весе. Минек истямо меленек-бажамонок – финнэнь-угрань вишка ды покш раськетнеде содавольть седе ламо ломанть. Комикстнэнь артомадо мейле ломантне видькстыть: «Минь арсинек, эзинек машто артомо, ансяк мезе-бути лиссь кеденек алдо!» Артомадо мейле эрьвась ашти паро ёжосо, кецни, сон артсь ды тевезэ лиссь. Содатадо, лиясто истят профессиональной историят чачить! – пачти Анна.

Эрзянь кельсэ мастер-классось ютась Кочкурбуень Вирь ало Тавлань В.Ромашкин лемсэ этно-кудосонть. Тесэ Санна ды Анна тонавтсть минек, кода артомс комикст. Артомо сынь а тердтнить профессиональной художникть. Эрявить ломанть, конат содыть тиринь кель, маштыть ёвтнеме история ды невтеме сонзэ конёв лангсо.

Комиксэнь артомс эряви арсемс кодамояк история. Сёрмадомс сельмс каявиця лем (заголовок). Кинень ды мезе бажить ёвтнемс те комиксэнть вельде? Бути кевкстема – сон сёрмадови вере, каршо валось – ало. Ве лопасо вейсэ артовить ниле артовкст. Минь артынек, мейле толковинек лиянь артовксост, мезе бажась ёвтамс авторось, кинень алтави артовксось. Кодат асатыкст ды кодат муевкст.

Колмоце чистэнть М.М.Бахтин лемсэ Научной библиотекасо вейс пурназельть весе артовкстнэ. Панжовсь выставка. Инжетне видькстасть, мелезэст тусть артовкстнэ, косо пачтявсь Вирь ало Тавласо чувтосто керсемань искусствадонть, вирденть, Орозбиень лембе кемтнень коряс историясь ды ламо лия мезе.

– Зярдо ардынек тей – Мордовиядо мезеяк эзинек сода. Мельспаросо карматано ледстнеме Вирь ало Тавланть. Теевинек содавиксэкс келенть, койтнень-кирдатнень, культуранть марто. Сюкпря ёвтавлинек В.Ромашкин лемсэ этно-кудонь прявтонтень П.В.Рябовнень, кона лембестэ вастымизь ды тердимизь ютавтомо мастер-класс Вирь ало Тавласо, сюкпря Н.Ф.Кабаеванень, кона лездась пурнамс мокшонь кельсэ мастер-класс. Истя жо тешкставлинек Е.Н. Ломшинань ды Н.П.Огарёв лемсэ МГУ-нь М.М.Бахтинэнь библиотеканть, – кортасть Санна ды Анна.

Выставкантень сакшнось «Ламзурь» фольклоронь-этнографиянь ансамблясь. Сынь казсть инжетненень морот эрьва кодамо кельсэ.

Эряви меремс, финнэнь-угрань кельсэ артозь комикстнэ уш лиссть открытка лангсо. Санна ды Анна бажить нолдамс сынст башка книгасо. Март ковсто неть кавто эряза тейтерь-аватне молить манси раськентень.

Т.Маторкина

 

Новости

Ольга Окунева: Законопроект об «ипотечных каникулах» направлен на защиту граждан, оказавшихся в трудной жизненной ситуации
Госдума на пленарном заседании в четверг, 21 марта, приняла в первом
чтении законопроект об ипотечных каникулах для граждан, оказавшихся в
трудной жизненной ситуации.
Оперативное рассмотрение и принятие Госдумой в первом чтении
законопроекта об ипотечных каникулах говорит о том, что инициативы
Президента России Владимира Путина по «ипотечным каникулам» будут
реализованы в максимально короткие сроки. Об этом рассказала
Координатор партпроекта «Крепкая семья», первый заместитель
председателя комитета Госдумы по вопросам семьи, женщин и детей Ольга
Окунева.
Подробнее ...
 
43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...