Рубрикатор

Образование Эрзянь содавикс просветителесь, учёноесь
Эрзянь содавикс просветителесь, учёноесь

Февралень 21-це чистэ весе масторонь келес тешкставсь Тиринь кельтнень чись. Те чись ашти ёвтамокс минек культуратнень ды кельтнень сюпавчиденть, эдь неень шкане лововить малав сисем тыщат кельть. Ансяк вана ламотне эйстэст ёмамо лангсот. Нама, течинь чине ветяви пек покш робота вишка раськень кельтнень ванстомга. Эрьва регионсонть сынь тонавтневить школасо, раськетнень культуратнень ванстомга ютавтовить ламо вастовомат ды мероприятият. Саема Ульяновскоень областенть. Неень шкане тесэ эрить сядодо ламо раськеть, конатнень ютксо аволь вишкине пельксэсь – эрзятне ды мокшотне. Истя, региононь 39 школатнесэ тонавтнить эрзянь ды мокшонь кельтнень ды неть раськетнень культуранть, койтнень-кирдатнень.

 

Нама, сеньсэ, минек тиринь кельтне эштё эрить, пек покш путовксост сеть ломантнень, конат пиить-палыть эсь раськенть кисэ, кить теить весементь сонзэ ванстомга. Истятнэнь юткс апак кавтолдо кандови эрзянь содавикс просветителесь, учёноесь, священникесь Авксентий Филиппович Юртов. Чачсь сон 1854 иень даволковонь 20-це чистэ Уфимской губерниянь Мензелинской уездэнь Калейкина велесэ (ней те Татарстанонь Альметьевской районось). Авксентий Юртовонь седе пек содасызь, кода эрзянь букварень арсицянть, велень эйкакштнень сёрмантень тонавтыцянть, этнографонть. Паряк, а стяко сонзэ чачома чизэяк пры даволковонь 20-це чинтень – Тиринь кельтнень чинть каршо (кадык те чись тешкставияк ансяк 2000 иестэ саезь).

Авксентий Юртов уш вишкапингстэ покш мель явсь кельтнень тонавтнемантень. Школасо цёрынесь пек парсте содылизе татаронсенть, седе тов аламонь-аламонь кармась тонавтнеме эрзянь ды мокшонь, чуважонь, татаронь, башкирэнь кельтнень диалекттнэнь ды башка ёнкстнэнь. Каникуласо улема шкастонть яксесь велетнева ды пурнась неть раськетнень ёвкстнэнь, морынетнень ды валмеревкстнэнь.

Школанть прядомадо мейле А.Ф.Юртов эсь тонавтнеманзо поладызе Казанень учителень семинариясонть, конань прядомадо мейле кадовсь тоско тонавтыцякс. Семинариясонть сонзэ тонавтыцякс ульнесь содавикс востоковедэсь Николай Иванович Ильминский (семинариянь прявтось), конась совавтызеяк Юртовонь исследователень тевентень.

1872 иестэ од семинаристэсь теизе эсь васенце роботанзо – эрзянь кельс ютавтызе «Истории Ветхого Завета» книганть. А уш 1884 иестэ нолдавсь сонзэ «Букварь для мордвы-эрзи с присоединением молитв и русской азбуки» книгась.

Авксентий Юртов ламо ардтнесь велетнева, вешнесь превей эйкакшт, штобу тердемс сынст семинарияв тонавтнеме. Учителень семинариясонть сон важодсь сисем иеть, ульнесь Казанень тонавтнема округонь правлениянть юрсо лия кельтнестэ ютавтыцянь комиссиянь членэкс, уфимской обществань правлениянь действительной членэкс. Семинариястонть туемадо мейле эрясь Самарань губерниянь Ташто Бесовка велесэнть (ней те велесь кандови Ульяновской областень Новомалыклинской райононтень) ды тонавтсь сёрмань содамонтень велень эрицятнень. Велень школасонть эйкакштне тонавтнесть учебной ды духовной литературанть эрзянь кельсэ. Теде башка, тонавтыцясь якась кудова ды тонавтсь тетятнень-аватнень. 2004 иестэ саезь Старобесовской средней школась ушодсь кандтнеме А.Ф.Юртовонь лемензэ, теке марто велесэнть просветителенть лемсэ ули курояк. Школань краеведениянь музейсэ ванстовить ули-паронзо, сёрмадовксонзо. Малав эрьва иестэ школанть инжекс эрси учёноенть нуцьказо – Анатолий Викторович Юртов.

1891 иестэ Авксентий Юртов примизе священникень санонть ды кармась служамо Уфимской уездэнь Андреевка велень (ней те Башкортостанонь Кармаскалинской райононь Ильтеряково велесь) Михаило-Архангелэнь церьковасонть. Ансяк весе эрямонь тевензэ – ломантненень содамочинь максоманть – эзизе кадо. Сон велесэнть панжсь колмо классонь приходской школа ды тонавтсь тосо.

Авксентий Филипповичень ульнесть 11 эйкакшонзо, кавтотне кулость одсто. Аволь весе кочкизь тонавтыцянь тевенть, ансяк весе эрясть достойной эрямо.

Эрямосто Авксентий Юртов тусь 1916 иень чадыковонь 20-це чистэ Андреевка велесэнть. Сонензэ ульнесть ансяк 62 иеть.

Даволковонь 21-це чистэ Ульяновской областень Эрзя-мокшонь раськень культурной автономиясь ютавтсь промкс, кона алтавсь эрзянь содавикс просветителентень А.Ф. Юртовнень ды косо истя жо кортавсь автономиянть важодемадонзо. Вастовомась мольсь В.И.Ленинэнь лемсэ областень научной библиотекасонть. Те мероприятиянтень ламо инжеть якасть Мордовиястояк.

Панжизе мероприятиянть Ульяновской областень Эрзя-мокшонь раськень культурной автономиянь председателесь В.А.Софонов. Владимир Анатольевич тешкстызе А.Ф.Юртовонь покш путовксонзо эрзянь ды мокшонь велетнесэ тиринь кельсэ тонавтоманть ушодомасо.

Ине учёноесь ламо тейсь неть раськетнень ламолгавтомга ды виевгавтомга. Эдь содамочивтеме ломанесь пек лавшо ды сонзэ ков седе шожда покордамс. А вана сёрмадомо ды ловомо маштыцясь мари эсь виензэ, ёрокчинзэ. Ды неень шкане путомат весе вийтнень тиринь кельтнень, эсь раськень койтнень-кирдатнень ванстомантень, – мерсь В.А.Софонов.

Минек республиканть пельде пурнавозтненень поздоровт ёвтась Эрзя-мокшонь раськетнень Регионъютконь общественной организациянь исполкомонь секретаресь О.В. Дулкин. Олег Владимирович ёвтась покш сюкпря Ульяновскоень автономиянтень парсте важодеманть кисэ ды ловнызе Эрзянь-мокшонь раськетнень Регионъютконь общественной организациянь председателенть Ю.А.Мишанинэнь пшкадеманзо. Эйсэнзэ кортави, регионсонть пек ламо тееви эрзянь ды мокшонь кельтнень, культуратнень ды койтнень-кирдатнень ванстомга. Мокшэрзянь раськесь содавикс эсь тевтнень кувалма, сон свал ояксчисэ эрясь лия раськень ды конфессиянь ломантнень марто. Ды те ояксчинть ванстомга тееви весемесь.

Промксонть лувсо ловновсть докладт А.Ф.Юртовонь эрямонь ды важодемань кидензэ, ламо кортавсь тиринь наукантень сонзэ путовкстонзо. Тень коряс областень Эрзя-мокшонь раськень культурной автономиясь ёвтась мель: эрзянь содавикс просветителентень, учёноентень ды священникентень Ульяновскойсэ стявтомс кеврунго. Эряви меремс, 2019 иестэ тешкстави А.Ф.Юртовонь чачома чистэнзэ 165 иетнень юбилеесь. Кортавсь те датантень мероприятиятнень анокстамодонть.

Меельцекс ульнесь а покшке концерт. Пурнавозтнень эсь моросост ды киштемасост кенярдовтызь Ульяновскоень 15-це № эйдень кужонь «Огонёк» коллективесь, «Руслан» ДК-нь «Пичечуля» ансамблясь ды лиятне.

Ю.Еремина

 

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...