Рубрикатор

Образование Кельтнень коряс стакачить а кармить
Кельтнень коряс стакачить а кармить

МР-нь Пресс-центрасо ютась промкс, косо кортамось мольсь республикасонок тиринь кельтнень тонавтомадо. Те вастовомантень сакшность МР-нь Культурань, национальной политикань, туризмань ды архивень тевень министрань полавтыцясь А.И.Карьгин, Эрзянь ды мокшонь раськень регионъютконь общественной вейсэндявксонь прявтось Ю.А.Мишанин, Саранскоень 19№ гимназиянь прявтось З.И.Акимова ды 4№ лицеень эрзянь келень тонавтыцясь А.А.Учеваткин.

– Кельтнень тонавтомаст коряс кодаткак стакачить арасть. Миненек явить кавто част. Весемесь карми молеме, кода ульнесь, закононь коряс. Неень шкане васенце таркас аравтови тетятнень-аватнень мелест. Кодамо тиринь кель сынь кочкить, истямо кель кармить тонавтнеме эйкакшост. Ёми «национальные языки» валось. Сонзэ таркас тевс нолдави тиринь кель ды литература. Бути эйкакштне кармить тонавтнеме эрзянь эли мокшонь кельтнень, неть уроктне полавтовить. Сынь пештявить культурологической ёнксто. А эряви домкасто тонавтнемс грамматиканть, урокось ютазо теке кенярксчи, – кортась З.И.Акимова.

Образованиянь министерстванть вешеманзо коряс, ней келень уроктнесэ а эряви путнемс оценкат ды макснемс кудонь заданият.

– Монь койсэ, эйкакштненень эрявить оценкатне. Кудонь заданият максомс эряви истят, конат теевить-топавтовить тонавтницянтень. Мезекс макснемс покш текстт ды ютавтовкст? Уроктнень ютавтома лия ёнов а молицякс. Тонавтыцянтень муемс тонавтомань эсь лув. Седеяк вадря, зярдо уроктне ютыть налксема лувсо. Эйкакштнень марто эряви кортнемс, кевкстнемс мелест те эли тона тевтеемадонть. Содатадо, кодамо мельспаро, зярдо Тонавтыцянь чинтень эйкакштне чиить каршот ды ёвтыть лембе валт эрзянь кельсэ? Сынст ули мелест тонавтнемс, содамс, – кортась А.А.Учеваткин.

Видестэ корты Александр Андреевич, ансяк аволь эрьва тонавтыцясь тевень содазь топавты важодеманзо.

2018 иень январень 1-це чистэ саезь школатнесэ карми од модуль – «Родной язык и литературное чтение на родном языке» ды «Родной язык и родная литература». Тетятне-аватне кочкасызь, кона келесь сынст туртов тиринь, конань жо кармить тонавтнеме кода Мордовиянь государственной кель.

 

Т.Маторкина

 

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...