Рубрикатор

Образование Тиринь кельтнень тонавтнемга
Тиринь кельтнень тонавтнемга

Ноябрянь 24-це чистэ ПФО-со РФ-нь Президентэнь полномочной представителесь Михаил Бабич Татарстансо улемстэ журналисттнэнь кевкстемаст лангс каршо валонь ёвтамсто токизе кевкстеманть, кода топавтови РФ-нь Президентэнть меремазо рузонь келень, республикатнень тиринь ды государственной кельтнень тонавтнеманть коряс.
«РФ-нь Конституциясонть сёрмадозь, государственной келекс Россиянь Федерациянь территориясо ловови рузонь келесь. Теке марто (68 статьясь) республикатнень ули праваст ладямс эсест государственной кельть.

 

Ялатеке «О языках народов Российской Федерации» (10 статьясь) ды «Об образовании в Российской Федерации» (14 статьясь) федеральной законтнэсэ гарантировазь Россиянь граждантнэнь праваст тонавтнемс школатнесэ федеральной стандарттнэнь коряс республикатнень тиринь ды государственной кельтнень.
Эряви чарькодемс, Россиянь раськетнень тиринь келесь ды республикань государственной келесь – те аволь вейке тев. Вана, невтемакс, Татарстанонь государственной келекс ловови татаронсесь, ансяк Татарстансо кой-кона эрицятнень туртов тиринь келекс ловови башкирэнсесь эли чувашонсесь ды лиясь, гражданинэнть мелензэ коряс.
Пек берянь, ламот регионтнэсэ эсест ладсо толковазельть Россиянь законодательствань норматне. Сеедьстэ колсевсть граждантнэнь праваст, кода рузонь келень тонавтнемань коряс, истя жо сеедьстэ тетятнень-аватнень мелест каршо кармавтсть тонавтневтемс эйкакшост лия раськень кельтнень.
Тень кувалма РФ-нь Президентэсь В.В.Путин макссь эрявикс кармавтомат.
Течинь чине государствань Прявтонть кармавтоматне топавтозь ПФО-нь весе регионтнэсэ, истя жо Татарстансо. Весе республикатнесэ тонавтомань аравтлувтне анокстазь «Об образовании» РФ-нь ФГОС-нь ды ФЗ-нь стандарттнэнь коряс. Рузонь келесь тонавтови зняро част, зяро мери тонавтомс РФ-нь Образованиянь ды наукань министерствась. Тетятнень-аватнень марто ютавтозь робота тиринь келень тонавтнемань кочкамонь коряс.
Ансяк эряви тешкстамс, республикатнень государственной кельтнень тонавтнемань коряс кевкстемась те шкас апак прядо. Сонзэ тонавтнемань правась ули, ансяк те праванть топавтомань механизмат арасельть.
Тень коряс Татарстан Республикань Президентэнть Рустам Миннихановонь яволявтомадонзо мейле те кевкстемась эште весть ульнесь ваннозь, ды РФ-нь Образованиянь ды наукань министерствась анокстась методической толковамот республикатнесэ государственной кельтнень тонавтомань коряс граждантнэнь праваст топавтоманть кувалма. Васенцеде тонавтомань аравтлувтнес, конатнень анокстыть образованиянь отношениятнень участниктне, совавтозь мель тонавтомс недлязонзо кавто част республикань государственной келенть. Эрявикс методической толковамотнень, кода мон содан, РФ-нь Минобрнаукась курок кучсынзе регионтнэс. Сестэ кевкстемась рузонь келенть тонавтнемадо, Россиянь раськетнень тиринь кельтнень ды республикатнень государственной кельтнень тонавтнемадо карми решазь ды РФ-нь Президентэнть кармавтоматне целанек топавтовить. Неть решамотнень эрявить пачтямс регионтнэнь государственной органтнэнь туртов.
Тень кувалма мон бу тешкставлия, весе анокстазь документтнэсэ ловови Россиянь ламо раськень покшолмась ды эйсэст ули весемесь РФ-нь государственной келенть, рузонсенть, парсте тонавтнемань туртов ды РФ-нь раськетнень тиринь келест ванстомань ды виевгавтомань туртов.
Энялдан общественной организациятненень ды политикань деятельтненень лоткамс те кевкстеманть политизировамонзо ды кастомс лангсонзо политикань капиталонть, парсте чарькодемс анокстазь решениятнень ды лездамс сынст практикас совавтомантень».

 

Новости

Национальной театрасо панжови сезонось

Ванды, сентябрянь 27-це чистэ, Эрзянь ды мокшонь раськень драматической театрасо панжови сезонось. Ваныцятнень туртов невтеви К.Петровань «Ташто койсэ» эрзянь кельсэ спектаклясь. Путовкссонть кармить ламо морот, киштемат, невтеви покш свадьба. Парсте невтевить эрзянь фольклорось, койтне-кирдатне. Спектаклясонть ули мезе лангс ваномс. Нама, шкась кезэрень, XIX-XX-це пингесь. Кой-кона тевтне абунгавтыть. Ансяк те – весе ульнесь алкукс, те минек историясь.

Моледе ваномо, ушодксось 18:30 чассто.

 
Пивсэзь 1 миллион тоннат сюро

Кода а кецямс?! Мордовиянь агропромышленной комплекссэ важодицятне, тедедень коське кизэнть лангс апак вано, пивсэсть 1 миллион тоннат сюро. Эрьва гектарсто среднейстэ саезь 25,8 центнерт. Теде пачтясть МР-нь Велень хозяйствань ды продовольствиянь министерствань специалисттнэ.

Подробнее ...
 
На заседании Социальной платформы обсудили принятие региональных льгот

17 сентября в Государственном Собрании РМ состоялось заседание Социальной платформы Партии «ЕДИНАЯ РОССИЯ», в рамках которой депутаты Госсобрания обсудили принятие на предстоящей сессии проекта закона Республики Мордовия «О внесении изменений в статьи 2 и 9 Закона Республики Мордовия «О мерах социальной поддержки отдельных категорий населения, проживающего в Республике Мордовия». 

Подробнее ...
 
Сторонники Партии проанализируют возможности регионов в области переобучения и повышения квалификации людей предпенсионного возраста

  Региональные координационные советы сторонников Партии «Единая Россия» с 21 сентября начинают сбор и систематизацию информации относительно возможностей субъектов Российской Федерации по предоставлению различных курсов и программ, направленных на профессиональную переориентацию людей старшего поколения. Об этом сообщил сопредседатель Центрального координационного совета сторонников Партии Сергей Боярский.

Подробнее ...
 
Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...