Рубрикатор

Образование Мордовиянь командась изнясь
Мордовиянь командась изнясь

Неть читнестэ Удмуртиянь «Дзержинец» кизэнь шумбрачинь витемань комплекссэнть ютась «Спортивный Олимп Поволжья – 2017» эйдень кудосо эриця эйкакштнень туртов округонь Спартакиадань торжественной пекстамось. Мордовиясто тов якасть сисем эйдень кудосто 27 эйкакшт. «Спортивный Олимп Поволжья» Спартакиадась – «Вернуть детство» Равчирень федеральной округонь проектэнь пелькс, конась топавтови ПФО-со Россиянь Президентэнь полномочной представителень аппаратонть вановт ало.

 

Кавто чинь перть 14 регионсто эйкакштне бажасть улемс сехте виевекс, сехте докакс, сехте ёроковокс. Пелькстамотне мольсть кавксо дисциплинань коряс: эйкакштне укшность, налксесть мини-футболсо, шашкасо, волейболсо, дартссо, чийнесть, налксесть стритбаскетсэ ды стольлангонь тенниссэ. Пелькстамотнень результаттнэнь коряс яволявтозельть изниця командатне. Васенце тарканть саизь минек республикань тейтерькатне-цёрынькатне, омбоценть – Удмуртиянь командась, колмоценть – Саратовонь.

ПФО-со Россиянь Президентэнь полномочной представителенть Михаил Бабичень пельде финалс ютыцятненень седейшкавань поздоровт ёвтась сонзэ полавтыцязо Игорь Паньшин. Церемониянтень истя жо сакшнось Удмуртиянь Прявт федеральной инспекторось Дмитрий Мусин.

«Течи Удмуртиясь ютавтсь покш кенярксчи – истямо эрявикс Спартакиада. Соревнованиятнень ёнксось пек виев. Весе командатне ютасть ламо пелькстамот, ды течи тесэ казевить алкукскак сехте виевтне. Россиянтень эрявить шумбра ды спортонь вечкиця раськеть», – тешкстызе Игорь Паньшин. Изницятне казезельть медальсэ, дипломсо, кубоксо ды питней казнесэ, участниктненень жо явшезельть Спартакиадань символика марто ледстнемань казнеть.

М.Девятова

 

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...