Рубрикатор

Образование Кадеттнэ вастневсть Геройтнень марто
Кадеттнэ вастневсть Геройтнень марто

Неть читнестэ ПФО-со РФ-нь Президентэнть полномочной представителесь Михаил Бабич якась В.Ф.Маргелов армиянь генералонть лемсэ Нижней Новгородонь кадетэнь корпусов ды Александр Невскоень Православиянь гимназияв, косо ютавтозельть мельстуиця мероприятият.

 

Нижней Новгородонь кадетэнь корпусов вейсэ Михаил Бабич марто сакшность Советской Союзонь Героесь, десантникесь Валерий Востротин, Ингушетиянь Прявтось Юнус-бек Евкуров, РФ-нь Геройтне Павел Останин, Вадим Паньков, Геннадий Прусаков, Алексей Романов, Нижней Новгород ёнксонь губернаторонь полавтыцясь Дмитрий Сватковский, В.Ф.Маргеловонь нуцьказо Андрей Маргелов ды лият.

Михаил Бабич ды инжетне ванкшнызь стявтозь од корпустнэнь, автодромонть, стадиононть, лия объекттнэнь, косо 10-11-це классонь кадеттнэнь марто ютавтневить занятият. Торжественной линейкасонть Михаил Бабич тешкстызе: «Тесэ весемесь теезь сень туртов, штобу кадеттнэ парсте тонавтневельть, ледстневельть ды ванстовольть десантниктнень койтнень-кирдатнень ды слававольть минек масторонть!»
Мероприятиянть шкасто Михаил Бабич ды Геройтне явшесть од кадеттнэнень погонт ды панжизь мемориальной комплексэнть армиянь генералонть В.Ф.Маргеловонь бюстонзо марто. Тешкстама, те корпуссонть тонавтнить зярыя кадетт минек республикастояк.
Мейле ютавтозель «Кемечинь урок». Полномочной представителесь содавтынзе кадеттнэнь эрьва инженть марто, ёвтнесь сынст героизмадо ды кемечиде. Подвигтест снимазь фильмат, ды сынь кармасть невтевксэкс од ломантнень туртов.
Советской Союзонь ды Россиянь Геройтне ёвтнесть эсь эрямодост, мельспаросо макснесть каршо валт кевкстематнень лангс.
Мейле весе инжетне тусть Православиянь гимназияв, косо ледстнемань лаз путозель те школасонть тонавтницянтень, Россиянь Героентень Дмитрий Жидковнень.

М.Девятова


 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...