Рубрикатор

Образование Этнокультурань лагерь
Этнокультурань лагерь

 

Краснослободск ёнксонь «Сивинь» шумбрачинь витемань лагерьсэ панжовсь «Эряк, тиринь кель!» регионъютконь этнокультурань лагересь. Тедеде тей састь 80 эйкакшт кода эсенек республикасто, истя жо сонзэ томбальде: Ульяновск, Оренбург, Н.Новгород, Москов, Владимир ёнкстнэстэ ды Татарстансто. Малав весе эйкакштне – тиринь келень (эрзянь, мокшонь, татаронь) ды литературань коряс регионъютконь олимпиадань изницят ды призёрт. Истямо лагеренть 2003 иестэ саезь пурны МР-нь Образованиянь министерствась.




Тедеде этнолагересь важоди июлень 7-це чистэ саезь 27-це чис. Весе те шканть перть сынст марто кармить важодеме келень содыця специалистт. Эрьва чи ютавтовить келень, литературань, историянь, культурань коряс мастер-класст ды лия занятият. Те весе тееви сень кисэ, эйкакштне содавлизь эсь историяст, покштяст-бабаст койтнень-кирдатнень, содавольть вакссонок эриця раськетнеде, потсост вельмевель тиринь масторонтень вечкема.

Зярыя иень перть те лагерьсэнть ветицякс важоди мокшонь келень тонавтыцясь М.Н.Миронова.

Республиканть томбальде миненек састь 30 эйкакшт. Кить васенцеде састь, кить жо омбоцеде. Тесэ весе вейкест-вейкест марто теевить паро ялгакс. Эйкакштне ёроковт эрьва мейсэ: сынь морыть, киштить, седить музыкальной инструментсэ, маштыть мельстуезь ловномо стихть ды седе тов, – ёвтни Марина Николаевна. Сондензэ башка, улить эрзянь ды татаронь келень тонавтыцят. Истя жо сыненст лездыть зярыя вожатойть.

Этнолагеренть панжомсто тей сакшность инжеть: МР-нь Образованиянь министрань полавтыцясь Г.А. Явкина, министерствань дошкольной, общей ды дополнительной образованиянь прявт специалистэсь Н.В.Салмова, Н.П.Огарёв лемсэ МГУ-нь эрзянь ды мокшонь кельтнень кафедрань доцентэсь Н.Ф.Кабаева, А.С.Пушкин лемсэ Национальной библиотекань главной библиотекаресь В.И.Пронина ды лият.

Вечкевикс ялгат, арсян, неть оймсема читне кандыть тенк покш лезэ. Эрьва ие миненек сакшныть эйкакшт эрьва кодамо регионсто, косо эрить эрзятне ды мокшотне. Тынк учи лия ёнов а молиця лагерень смена: вастовтадо писательтнень ды поэттнэнь марто, ютавтовить декоративно-прикладной творчествань, хореографиянь, морамонь мастер-класст. Теде башка, сайтядызь экскурсияв. Кеман, те этнолагерденть оймезэнк кадовить ансяк лембе ды валдо ледстнемат, – кортась Г.А.Явкина.

Истя жо те лагерентень инжекс сакшнось Кельвин Джексон американь цёрась. Неень шкане сон тонавтни мокшонь кель. Кельвин чачсь Америкасо, тонавтни Финляндиянь университетсэ. Валонзо коряс, мокшонь келенть ушодсь тонавтнеме те иень февральстэ. Саранскоев сась келенть седе домкасто тонавтнеме. Ды мезе арсетядо? Сон уш корты мокшонь кельсэнть! Кельвинэнь перька сеске чаразевсть эйкакштне. Сынь ушодсть кортамо мартонзо англань кельсэ. Кевкстнесть цёранть вечкевикс книгатнеде, фильматнеде ды натой политикадо. Истямо вастовома сон эзь учне. «Кортадо мартон мокшокс, инескеть. Мон тей сынь сонзэ тонавтнеме», – энялдсь сон. Эряви меремс, Кельвин корты рузонь кельсэяк, конань тонавтнизе Американь школасо. Секскак тесэ эрямсто кодаткак стакачить сонзэ арасть, ансяк улезэ вакссонзо мокшонь кельсэ кортыця ломань.

Минек вастомсто цёрынетне ды тейтернетне невтсть аволь покш концерт. Седясть баянсо ды морасть Александр Рубцов ды Константин Асманкин. Меельцесь сась лагерев Нижней ёнксонь Покш Болдинабуень Пикшня велестэ. Татаронь коллективесь морась эсь тиринь кельсэ. А вана Татарстанонь «Баягине» ансамблясь невтсь эрзянь киштема. Эйкакштне састь Альметьевской райононь Вере Акташ велестэ. Мартост ветицяст, начальной классонь тонавтыцясь Мария Фёдоровна Якунина. Сынст райононь ды Бугульмань тонавтницятне те лагерьсэнть омбоцеде.

– Ютазь иестэ тей сакшность эйкакшонок, сынст мельс пек тусь. Ёвтнесть ялгаст туртов. Вана сынек миньгак, – ёвтни М.Ф.Якунина. – Вере Акташ велесь покш, эйсэнзэ эрить малав 900 ломанть. Школанок ней ансяк начальной, тосо тонавтнить 25 эйкакшт. Седе покштнень усксить маласо аштиця Ильметь велев (истя мертяно Альметьевск ошонтень). Тосо 5-9-це класстнэсэ ули эрзянь келень факультатив, недлязонзо вейке час, ветян эйсэнзэ мон, учебникенек сатныть. Ули «Баягине» киштемань ансамблянок. Теде башка, «Мастор ягида» морамонь коллективенек, конанень 30 иеть. Сон колмоксть лиснесь финнэнь-угрань раськетнень фестивальсэ лауреатокс. Аволь весть невтнинек прянок райононь, республикань кенярксчитнесэ, ардтнинек шабра регионовгак. Велесэнек эштё ули «Чевгине» ансамбля, тосо морсить сыре бабинеть. Весе неть коллективтне явить мель эрьва покшчинтень, аволь ансяк морсетяно, невтяно кезэрень койтькак.

Мария Фёдоровна, эйкакштне кортыть эрзякс?

– Кортыть. Ансяк мейсэ тевесь? Минек пек ламо семиятне човорязь, мирдть-нить эрьва кодамо раськень. Школасо эйкакштне тонавтнить рузонь, англань, татаронь ды эрзянь кельтнень. Монь ниле эйкакшон, сынь содасызь тиринь келест, мельспаросо кортыть эрзякс. Ёвтавлинь покш сюкпря МР-нь Образованиянь министерствантень, кона тердимизь лагерев. Сынек Мордовияв шкадо икеле, пек лембестэ вастымизь Рузаевкасо. Эйкакштненень тесэ весемесь тукшны мельс. Сюкпря тенк!

Т.Маторкина

 

Новости

Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...
 
А.С.Пушкин лемсэ библиотекась тешкстызе чачома чинзэ

Сентябрянь 14-це чистэ Мордовия Республикань А.С.Пушкин лемсэ Национальной библиотекантень топодсть 119 иеть. Кенярксчинть кувалма библиотекань важодицятненень поздоровт ёвтась МР-нь Культурань, национальной политикань, туризмань ды архивень тевень министрась Анатолий Чушкин. Сон ёвтась покш сюкпря топавтовиця важодеманть кисэ, арсесь библиотекантень ансяк касомс-кепетемс ды муемс седе ламо од ловныцят.

Подробнее ...
 
Госдума приняла в первом чтении президентский законопроект о защите людей предпенсионного возраста

Рассматриваемый в Госдуме президентский законопроект, которым устанавливается уголовная ответственность за необоснованный отказ в приеме на работу или необоснованное увольнение лица по мотивам достижения им предпенсионного возраста, призван изменить отношение работодателей к сотрудникам старшего возраста. Об этом заявил первый заместитель руководителя фракции «Единой России» Андрей Исаев в ходе рассмотрения Госдумой законопроекта в первом чтении 13 сентября.

Подробнее ...
 
Лиседе чиеме!

Сентябрянь 15-це чистэ Саранскойсэ, Советской площадьсэ, ютавтови «Кросс-нации – 2018» Чиемань весероссиянь чись. Те  мероприятиясь карми молеме «Спорт против терроризма» девизэнть ало. Те тердеманть ало шожда атлетикань стартс лисить малав 4500 ломанть, юткозост совить шабра регионтнэстэ сазь инжетнеяк.

Подробнее ...
 
Ванстынк прянк грипптенть

Республикасонть ушодовсь грипптенть иммунизациясь. Кода пачтясть Роспотребнадзоронь региональной управлениясо, неть тевтнес нолдавить минсенек масторсо нолдазь вакцинатне, конатне ванкшнозельть парочинть ды зыяновчинть коряс. Неть: «Совигрипп» покштнень туртов ды «Совигрипп», конасонть арасть консервантт, эйкакштнень ды пешксесэ аватнень туртов. Вакцинатнень составс совить гриппень вирустнэнь актуальной штаммтне.

Подробнее ...