Рубрикатор

Образование Юбилейнойсэ од кужо
Юбилейнойсэ од кужо

Неть читнестэ Саранск ошонь округонь «Юбилейной» микрорайононь эрицятненень теезель покш казне. Тосо панжовсь «Эйкакшонь тонавтнемань центрась – 17 № эйдень кужось». Торжественной панжомантень сакшность Мордовия Республикань Прявтонь тевтнень нурька шкас топавтыцясь В.Д.Волков, МР-нь Правительствань Председателень полавтыцясь Г.А.Лотванова, Саранск ошонь округонь  прявтось П.Н.Тултаев, Октябрьской райононь администрациясо важодицятне ды лият.

Эйдень кужотнесэ таркатнень ламолгавтомга явозель 1620006, 2 млн. целковойть, эйстэст 866040,6 млн. целковойтне федеральной бюджетстэ, 834062,7 млн. республикань бюджетстэ. Те лездась Мордовиясо 3-7 иесэ весе эйкакштненень максомс таркат школадо икелень образовательной учреждениятнесэ. (Равчирень федеральной округсо – 99,7 %, Российской Федерациясо – 99,1 %).

«Эйкакшонь тонавтнемань центрасонть – 17 № эйдень кужосонть» ули весемесь парсте оймсеманть ды шумбрачинь витемань туртов: мазыйстэ артозь кудынеть, панжадо верандат, норматнень мельс саезь теезь спортонь площадкат, косо кармить ютавтневеме эрьва кодат пелькстамот. Эйдень кужонтень совамсто минек кенярдовтымизь весемесь, мезесь теезель тосо седейшкава.

Од зданиянтень совамсто МР-нь Прявтонь тевтнень нурька шкас топавтыцясь В.Д.Волков евтась сюкпрянь валт «Ремстрой» ПАО-нь коллективентень истямо паро зданиянть нурька шкас тееманзо кисэ. Алкукскак, тесэ ули весемесь вадрясто ды лезэвстэ шканть ютавтомантень: покш ды валдо спортивной зал, бассейна, компьютерэнь класс, изостудия, интерактивной столь ды истя седе тов.

А мезть сепомс, меельце шкасто ушосо-косо улемстэ сеедьстэ савкшны редямс стакасто сэредиця эйкакшт. Самай сынст туртов колмоце этажсо (тов сынст кепедемс ули лифт) теезь образовательно-коррекциянь комплекс. Тов совавтовить тонавтнемань 9 енкст, конатнень коряс  эйкакштне тонавтовить валонь, тюсонь, геометриянь фигурань содамо. Сынст тонавтомась карми ютамо башка программань коряс. Паро, минек республикасо ули важодемань истямо лув, конань коряс сэредиця эли шумбра эйкакштненень школав анокстамонь лезксэсь максови вейкетьстэ. Шумбрачинь ванстомга ды паролгавтомга эйкакшонь кужонтень теезь казне – максозь тенст инфрокрасной кабина, косо кемекстави вишкинетнень иммунной системаст. Нурькинестэ, те эйдень кужосонть теезь весемесь, штобу эйкакштне сеедьстэ а сэредевельть, касовольть шумбракс ды ламонь содыцякс.

Седе тов кортамось поладовсь те зданиясонть вейсэ эйдень кужонь воспитательтнень, тетятнень-аватнень, вишка ды средней бизнесэнь ветицятнень марто. МР-нь Прявтонь тевтнень нурька шкас топавтыцясь пачтясь пурнавозтненень, кодат эйдень кужот маласо шкасто панжовить минек республикасонть. Тедеде кавто  теевить Саранскойсэ – Бибинань ды Титовонь лемсэ ульцятнесэ, истя жо Торбеевасо, Орданьбуесэ, Рузаевкань енксонь Левжа поселкасо. Тов сыцятне евтнесть эсь тевдест ды макснесть кевкстемат В.Д.Волковнень. Невтемакс, 119 № прогимназиянь прявтось Г.В.Шакина вешсь лезкс вишкинетненень шахматонь клубонь панжоманть туртов. Теде башка евтась «Технопаркось юты эйдень кужов» од проектэнть тевс нолдамодо. Эйкакштнень туртов теезь технопаркось пек тусь мелезэст, ансяк вишкинетнень тов усксемс пек стака.

Вастовомас сыця аватне евтасть сюкпрянь валт МР-нь Прявтонь тевтнень нурька шкас топавтыцянтень ды эрьвась пачтясь эсь мелявкстнэде-арсематнеде.

Ремзаводось

одкстомтови

Теке жо чистэнть МР-нь Прявтонь тевтнень нурька шкас топавтыцясь В.Д.Волков ульнесь Октябрьской райононь Ремзавод поселкасо. Тосо сон васня содавтызе аволь умок одкстомтозь эйдень кужонть.

Васенце группасонть, ков совасть инжетне, ютавтовсь эрзянь кельсэ урок. Кода мерсь тонавтыцясь Л.В.Тепайкина, эйкакштнень тетяст-аваст эрьва кодамо раськень, од келенть сынь тонавтнить седейшкава. Течи те эйдень кужосонть 237 таркат, весе сынь эрявикст.

Ремзаводонь эрицятне кочкамонь шкастонть пшкадекшнесть парконть ванськавтомадо ды алкуксонь оймсема таркань теемадо. Ледстясынек, теде икеле тей аволь весть сакшнось Саранск ошонь округонь прявтось П.Н.Тултаев. Ней тесэ весемесь кенярдовты ваньксчисэнзэ ды мазыйчисэнзэ: керявсть коське чувттнэ, ледезь зыянов тикшетне, ялго ютамо таркатнева ацазь асфальт. Теде мейле сон пешкедсь оймсицядо, тосто минь рединек нуцькаст марто якиця сыре  ломанть. Сынь пачтясть, кодамо паро полавтомат теевсть те таркасонть. Ней од ломантне, кить а пелить тей сакшномо чокшне ланга (паркось валдомтови электричестванть вельде) учить, зярдо тенст ташто школанть таркас теить киштемань-морамонь сцена.

МР-нь Прявтонь тевтнень нурька шкас топавтыцясь В.Д.Волков алтась топавтомс те мелентькак.

 В.Юдина

 

 

 

 

Новости

Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...
 
А.С.Пушкин лемсэ библиотекась тешкстызе чачома чинзэ

Сентябрянь 14-це чистэ Мордовия Республикань А.С.Пушкин лемсэ Национальной библиотекантень топодсть 119 иеть. Кенярксчинть кувалма библиотекань важодицятненень поздоровт ёвтась МР-нь Культурань, национальной политикань, туризмань ды архивень тевень министрась Анатолий Чушкин. Сон ёвтась покш сюкпря топавтовиця важодеманть кисэ, арсесь библиотекантень ансяк касомс-кепетемс ды муемс седе ламо од ловныцят.

Подробнее ...
 
Госдума приняла в первом чтении президентский законопроект о защите людей предпенсионного возраста

Рассматриваемый в Госдуме президентский законопроект, которым устанавливается уголовная ответственность за необоснованный отказ в приеме на работу или необоснованное увольнение лица по мотивам достижения им предпенсионного возраста, призван изменить отношение работодателей к сотрудникам старшего возраста. Об этом заявил первый заместитель руководителя фракции «Единой России» Андрей Исаев в ходе рассмотрения Госдумой законопроекта в первом чтении 13 сентября.

Подробнее ...
 
Лиседе чиеме!

Сентябрянь 15-це чистэ Саранскойсэ, Советской площадьсэ, ютавтови «Кросс-нации – 2018» Чиемань весероссиянь чись. Те  мероприятиясь карми молеме «Спорт против терроризма» девизэнть ало. Те тердеманть ало шожда атлетикань стартс лисить малав 4500 ломанть, юткозост совить шабра регионтнэстэ сазь инжетнеяк.

Подробнее ...
 
Ванстынк прянк грипптенть

Республикасонть ушодовсь грипптенть иммунизациясь. Кода пачтясть Роспотребнадзоронь региональной управлениясо, неть тевтнес нолдавить минсенек масторсо нолдазь вакцинатне, конатне ванкшнозельть парочинть ды зыяновчинть коряс. Неть: «Совигрипп» покштнень туртов ды «Совигрипп», конасонть арасть консервантт, эйкакштнень ды пешксесэ аватнень туртов. Вакцинатнень составс совить гриппень вирустнэнь актуальной штаммтне.

Подробнее ...