Рубрикатор

Образование Бажи улемс рузонь келень тонавтыцякс
Бажи улемс рузонь келень тонавтыцякс

Айна Овезова сась Мордовияв Туркменистансто. Ней сон тонавтни Н.П.Огарёв лемсэ МГУ-нь филологиянь факультетэнь рузонь отделениянь колмоце курссо. Айнань марто кортамсто а кемевияк, тей самодо икеле тейтересь эзь машто кортамо рузкс, эзь чарькодеяк келенть. Кода те тензэ изнявсь, кодамо стакачить ульнесть – теде сон ёвтнесь минек марто вастовомсто.

 

Айна, мекс минек университетэнь ламо факультеттнэнь ютксто кочкик филологиянь факультетэнть?

– Мон васня бажинь тонавтнемс врачокс, кода авам. Мейле кадыя те меленть. Карминь кочкамо англань ды рузонь кельтнень ютксто. Рузонь келесь седе тукшны мелезэнь, секскак карминь тонавтнеме филфаксо.

Тынь школасо тонавтниде рузонь кель?

– Истя, миненек ветясть рузонь кель. Ансяк тонавтыцясь неть уроктнесэ кортась мартонок туркменэнь кельсэ. Минек масторонь оштнесэ улить рузонь школаткак, мон жо тонавтнинь туркменэнь школасо.

Инескеть, ёвтнек эсь семиядот.

– Эрятано Ташлык вишка велесэ. Семиянок аволь покш. Тетям, авам ды лелям. Авам важоди ошсо медсестракс. Лелям тонавтни Нижней Новгородсо. Тетям-авам, нама, пек мелявтыть кисэнек. Зярдо прыть нусманячис, вейкесь омбоцень оймавты. Колмо иетнень перть вестькак эзинь ардтне Туркменияв. Иень ютазь велявтан тиринь ёнксов диплом марто. Тосо карман ветямо школасо рузонь кель ды литература.

Содазь, Мордовиясо тонавтнить тынк масторонь ламо студентт. Тон кирдят мартост сюлмот?

– Минек малав весе од ломантне бажить тонавтнемс омбо масторсо. Виде, Саранскойсэ улить монь масторонь студентт, минь вастневтяно, кортнетяно.

Айна, кодамо кенярксчить тешкстатадо Туркмениясо?

– Сехте покш кенярксчись – Новруз Байрам. Те минек Од иенек. Сонзэ тешкстатано мартонь 21-це чистэ. Те кенярксчинтень свал эряви лангозот оршамс мезеяк од – паця эли панар. Анокстатано сюмелек ярсамопель. Каванявксось анокстави ансяк те чинтень.

Кодамо стакачить ульнесть, зярдо тон тей сыть?

– Кемеде-илядо, рузкс кортамо тунь эзинь машто. Теке мерят, менельстэ прынь. Ней мизолкс марто ледстнян теде. Тесэ вастымизь парсте, кода тонавтыцятне, истя жо ве группасо ялгатне. Самай сынст лезксэст вельде ламо мезесь изнявсь. Сюкпря ёвтавлинь куратором туртов – Светлана Александровна Кабанованень. Сон монень теевсь омбоце авакс. Васенце шкастонть свал тень лездась. Юткошкастонзо С.А.Кабанова истя жо явсь тень мель, якинь тензэ кудов. Каникулатнестэ кудов эзинь ардтне, сон тень мусь репетитор, конань марто тонавтнинь келенть. Рузонь келень грамматикась омбо масторонь ломантненень стака. Омбоце курсто мейле минек ульнесь практика, конань эзия менстя. Рузонь литературась истя жо тукшны мелезэнь. Школасо содылинь ансяк зярыя писательтнень – Пушкинэнь, Лермонтовонь, Есенинэнь, Шолоховонь… Ней савкшны ламо ловномс, ловноманть вечкса, мельспаросо сайнян библиотекасто книгат. Васенце курссо тонавтнинек эрзянь кель. Келесь лия ёнов а молиця. Кода туркменэнь кельсэ – арась родонь категория.

Тесэ тонавтнемстэ Айна мусь ламо ялгат. Вейкесь эйстэст – Света Каштанова, кона теевсь туркменэнь тейтерентень малавикс ялгакс. Бути эряви, свал лезды. Сон сайнизе эстензэ инжекс Атюрьева ёнксонь велев. Мелезэнзэ тусь.

Айна, тон а янксят, мекс сыть тонавтнеме Саранскоев?

– Саранскоесь – вишка ош. Ансяк келей оймезэ. Тесэ эрить паронь арсиця, чевте седей ломанть. Бути ушосо эряви мезеяк кевкстемс, свал максыть каршо вал, ёвтыть, кода пачкодемс ков теть эряви. Мон тесэ тонавтнян паро мельсэ, секскак мерян, бути кие вечксы рузонь келенть ды ловноманть – садо тонавтнеме филологиянь факультетэв!

Т.Маторкина

 

 

Новости

Комиссия «Единой России» по этике провела первое заседание
 Первое заседание утвержденной XVIII Съездом «Единой России» Комиссии
по   этике   прошло   16   января.   В   его   рамках   были   избраны   председатель
Комиссии, его заместитель и ответственный секретарь.
Подробнее ...
 
Россиянь Почтань 200 клиентт теевсть миллионерэкс

Государственной лотереянь статистиканть коряс, 2018 иестэ Россиянь Почтань отделенияс якицятне рамасть 68 миллиондо ламо лотерейной билетт. Вейке миллиондо ламо целковойть налксесть 206 ломанть. Те 2,4-ксть седе ламо икельце иенть коряс, сестэ миллионертнэде ульнесть 88 ломанть.

Подробнее ...
 
Управление Министерства юстиции Российской Федерации по Республике Мордовия напоминает порядок и сроки предоставления ежегодной отчетности некоммерческими организациями.

Законодательством Российской Федерации определена обязанность некоммерческих организаций ежегодно отчитываться перед уполномоченным органом. В частности, статьей 32 Федерального закона «О некоммерческих организациях», статьей 29 Федерального закона «Об общественных объединениях», статьей 25.1 Федерального закона «О свободе совести и о религиозных объединениях».

Подробнее ...
 
Крештениянтень анокстамот

Крештениянтень Саранскойсэ арсеви теемс экшелямонь туртов 11 тарка: «Старт» стадиононь эрькесэнть (2 таркат), Гончаровонь куросо, «Вирень эрьке», «Зелёная роща» эрькетнесэ, «Огни Саранска» кафенть маласо, Макаровкасо (Иоанн Богословской цёрань монастыренть вакссо), Куликовкасо Чапаевень куросо лисьмапрясонть, Полянки велень Юбилейной куросо аштиця лисьмапрясонть, Добровольной посёлкань Дачная куросонть, Иоанн Кронштадтскоень храмонь лисьмапрясонть ды Грузинской куросо аштиця эйкакшонь парконь эрькесэнть.

Подробнее ...
 
Конкурс на участие в образовательном модуле «Единой России» «Политический лидер» составил 43 человек на место

«Прием заявок на участие в образовательном модуле «Политический лидер» Высшей партийной школы «Единой России» завершен. К настоящему моменту поступило и уже обработано модераторами более 8,5 тыс. анкет, из них было одобрено 6,5 тыс. Таким образом, конкурс на участие в стартовом модуле проекта составил 43 человек на место», – сообщила первый заместитель секретаря Генерального совета «Единой России», депутат Госдумы Ольга Баталина, подводя итоги заявочной кампании, завершившейся 15 января. До 22 января пройдет следующий отборочный этап – запись трех видеорезюме и с 22 января по 1 февраля участники должны будут пройти отборочные тесты.

Подробнее ...