Рубрикатор

Образование Пингензэ алтызе наукантень
Пингензэ алтызе наукантень

 

Н.П.Огарёв лемсэ Мордовской государственной университетэнь тонавтницятнень ютксто ламот содасызь Валентина Митрофановна Забавинань. Малав ведьгемень иень перть сон тонавтсь а лововияк зяро студентт филологиянь факультетсэ. Сонзэ покш путовксозо Мордовиясо высшей образованиянть кемекстамосо. Валентина Митрофановна содавикс ломань научно-исследовательской тевсэнзэ. Сонзэ тонавтницянзо те шкас эзизь стувто лекциянзо ды семинаронь занятиянзо.

 

Поладызе раськензэ тевенть

Валентина Митрофановна Забавинань раськестэ ламот ульнесть тонавтыцят-филологт. Нать, а стяко сон эрямонзо алтызе литературантень ды тонавтомантень. Тетязо, Митрофан Алексеевич Петракеев, филологиянь наукань кандидат, парсте прядызе Санкт-Петербургонь университетэнь филологиянь факультетэнть. Сон парсте содылизе XIX-XX пингетнень рузонь литературанть историянзо ды весе содамочинзэ макссь тонавтницятненень. Митрофан Алексеевич ульнесь сетнень ютксто вейкесь, кить путсть ушодкс Владимир Маяковскоень сёрмадовкстнэстэ валксонь пурнамонтень-нолдамонтень. Валентина Митрофановнань авазо, Ольга Николаевна Тимофеева, истя жо ульнесь филологокс, англань келень тонавтыцякс.

Мирдесь ды нись Петракеевтне Мордовияв самодо икеле ламо иеть важодсть Владивостоконь ды Астраханень тонавтнемань заведениятнесэ. Колоньгеменце иетнестэ сынь састь минек республикав, тесэ ушодсть важодеме А.И.Полежаевень лемсэ Мордовской педагогической институтсо.

1941 иестэ, Ине Отечественной войнанть ушодовомсто, сынст пединститутонть ильтизь Темниковав. Валентина тейтерест, школанть прядомадо мейле (1943 иестэ), ушодсь тонавтнеме институтсонть, косо важодсть сехте малавикс ломанензэ. Шкатне  пек стакальть. Эрявсь аволь ансяк тонавтнемс, истя жо якамс лездамо предприятиятнева. Од тейтересь эзь пеле стака роботадо. Сон стась фронтсо солдаттнэнень кисетт ды лия тевтькак топавтсь. Вирень керямояк якась ялгатнень марто. Стакачитнень лангс апак вано, В.М.Забавинань эйкакшпингень ледстнематнестэ Темниковасо эрямось кадовсь сехте валдокс ды питнеекс. Эдь самай се шкастонть сонензэ прась уцяска теевемс содавиксэкс истямо эрьва ёндо ёроков ломантнень марто, кода А.Г.Сердцева, А.И.Маскаев, М.М.Бахтин. Неть учёнойтнень марто малавиксэкс теевемстэ, сынст лекцияст кунсоломсто Валентина Митрофановна кочкизе эстензэ тонавтыцянь тевенть.

Сехте пек сонзэ ледстнематнес кадовсь М.М.Бахтин. Михаил Михайлович ламо произведеният содась наизусть, кияк эзь машто истя парсте ловномо «Илиаданть» ды «Одиссеянть». Те сон тонавтызе студентканть алкукс чарькодеме ды вечкеме литературанть. Сонзэ прявтсо Валентина Митрофановна ушодызе педагогонь тевенть.

Васень студентэнзэ  сондензэ покшольть. Се шкане прядовсь Ине Отечественной войнась. Фронтовиктнень ютксто ламот састь содамочист кастомо вузов. Сынст ютксо ульнесть филологиясо содавикс учёнойтне: Цыганкин, Попков, Объедкин ды ламо лият, кить аламо шкань ютазь истя жо кадовсть вузсо важодеме.

В.М.Забавина свал бажась содамочитнес, сон тонавтнесь аспирантурасо Н.К.Крупскаянь лемсэ Московонь институтсо. Се шкастонть саезь сон тейсь кеме сюлмот масторонь прявт ошонь вузонь ламо учёнойтнень марто. Шкань ютазь Н.П.Огарёв лемсэ МГУ-нь филфаконь студенттнэнь ильтясь тонавтнеме Московов, лездась тенст научной статьянь печатамсто (се шкане стака ульнесь тень теемс) ды путсь превс кандидатскоень идемстэ. 70-це иетнестэ, зярдо минек университетэнть ректорокс ульнесь А.И.Сухарев, виевгадсть сюлмотне М.В.Ломоносовонь лемсэ МГУ-нть марто.

Валентина Митрофановнань бажамонзо вельде минек университетс сеедьстэ сакшность московонь учёнойть-филологт, кить ветясть лекциянь курсат, семинарт кемень чинь, ковонь перть. Те эрявсь, васняяк, сень туртов, штобу минек тонавтницятне неевлизь, марявлизь филологиянь лия культуранть. Тешкстасынек, се шкане минек вузсонть ульнесть ламо важодицят лия регионсто. Вузось пурнась вийть, панжовсть ламо од специальностть, кафедрат, секс эрявсть ламо истямо ломанть, кить парсте содасызь эсь тевест.

Учёноесь васень таркас аравтсь эрзя-мокшонь раськенть тонавтоманзо, сон сеедьстэ вастневсь писательтнень, поэттнэнь марто, ульнекшнесь ине кужотнесэ, сёрмадсь рецензият сынст произведениятнень лангс.

В.М.Забавина сёрмадсь ды печатась наукань ды наукань-методикань малав 70 важодевкст, седе ламотне юткстост алтавсть тиринь ёнксонь сёрмадыцятнень произведениятненень. 1966 иестэ печатазель сонзэ васенце монографиянь важодевксэзэ, конась алтавсь К.Г.Абрамовонь эрямонтень ды творчествантень. Истя жо сон покш мель явсь К.Петровань, И.Пиняевень, А.Моронь, И.Кривошеевень сёрмадовкстнэнень.

Валентина Митрофановнань покш путовксозо Эрзя-мокшонь раськень хоронть пурнамосо. Сон чачсь-кассь филологиянь факультетэнть юрсо. Морыцятне эйсэнзэ ульнесть филологиянь факультетэнь эрзя-мокшонь отделениянь 1-4 курссо тонавтницятне. Од ломантне седейшкава якасть репетициятнес, сынст ёрокчист вельде филфакось свал ульнесь васенцекс художественной самодеятельностень пелькстамотнесэ. Самай се шкане раськень хорось сёрмадозель «Мелодия» фирмасонть пластинкас ды сонензэ максозель раськень (народной) статусось. Сонзэ репертуарс совасть эрзянь ды мокшонь раськень моротне, конат кочказельть фольклоронь практикатнень ютавтомсто.

В.М.Забавинань эйкакштне поладызь аваст тевенть: тейтерезэ истя жо филолог, цёразо прядсь омбо масторонь келень факультет. Сонсь Валентина Митрофановна важодсь 85 иес. Весе виензэ, содамочинзэ макссь одтнэнень. Неть читнестэ Валентина Митрофановна тешксты 90 иень топодеманзо. Сонзэ лемс ёвтавить ламо лембе валт ды паронь арсемат.

Минь, «Эрзянь правда» газетань сёрмадыцятне, вейсэндявтано неть лембе валтнэс ды эсенек пельде арсетяно тензэ кеме шумбрачи, валдо мельть-арсемат ды малавиксэнзэ коряс кенярдомат!

В.Владимирова

 

 

Новости

43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.