Рубрикатор

Образование Вастовома Мокшин марто
Вастовома Мокшин марто

 

Неть читнестэ Межэтнической журналистикань гильдиянь Саранскоень отделениясонть ютавтовсь Н.П. Огарёв лемсэ МГУ-нь филологиянь факультетэнь студенттнэнь туртов «Опыт освещения межнациональных отношений молодыми журналистами»  курсатнень эште вейке занятиясь. Мельстуиця кортамо сы шкань журналисттнэнь марто ветясь историянь наукань докторось, профессорось, этнографось, Рузонь географической обществань Старейшинань советэнь членэсь Николай Фёдорович Мокшин. Вастовомас пурнавозтне ванкшнызь масторонть ды кой-кона регионтнэнь этнической башка ёнкстнэнь.

Кортасть Россиянь Федерациясо тень коряс важодиця программатнеде, бажасть максомс каршо вал истямо кевкстеманть лангс: мезе тень коряс мереви теемс СМИ-тненень? Истя жо ванкшнызь раськень туризманть ды истя седе тов.

Теде башка, занятиясонть ветявсь кортамо Россиясо эриця раськетнень лия ёнов а молиця культуранть, койтнень-кирдатнень ванстомадонть. Николай Фёдорович ёвтызе, эрьва раськенть эсензэ сюпав культурань паргинезэ. Лиясто сонсь эрямось кармавты арсемс башка койть-кирдат. Профессорось ёвтнесь эрямосто саевкст. Лиясто башка койтне кармавтыть абунгадомс, сынь а чарькодевить лия ломантнень туртов.

– Этнос – те аволь башка вал, сон ашти этнография науканть юрсо, конась ванкшны-тонавтни раськетнень-этностнэнь: кода сынь теевсть, косо эрить, кодат коест-кирдаст, – тешкстызе Николай Фёдорович. – А эряви човорямс «раське» ды «этнос» чарькодематнень. Мезесь сеедьстэ вастневи.

Н.Ф.Мокшин тешкстызе, те эли тона раськень ломанекс аволь чачить – теевить. Ды те лиси аволь сеске, тевесь моли зярыя иень перть, зярс ломанесь сонсь а марясы прянзо те эли тона раськень пельксэкс. Эрси, те чарькодемась сы 50 ды 60 иесэяк. Эрямонь стака шкатнестэ лисни истяяк, ломантне а ёвтнить, кодамо раськентень сынь кандовить.

Николай Фёдорович ёвтась седеяк, паспорттнэсэ ней арась раськень тешкстамонь графась. Ансяк те а корты седе, ёмась те эли тона раськесь.

Неень шкане пек сеедьстэ вастневить истят тевть, зярдо цёратне урьвакстыть лия раськень тейтерь лангс. Неть семиятнесэ чачозь эйкакштне ловить пряст рузокс. Истя киртявить ды ёмить покш раськетне, мезть уш кортамс вишкинетнеде. Вастовомас пуромозтне тешкстызь минек масторонь этнической сюпавчинть. Профессорось ёвтнесь эрямосто саезь тевтнеде, лия раськетнень эрямодост.

Николай Фёдорович ёвтнесь этнографиянь экспедициядонть, конанть сон ютавтызе мокшэрзянь Шоржа велесэнть (Армения). Тосо эрить молокант.

– Россиянь ды лия масторонь молокантнэ эрить эсест коест коряс. Оршнить весе вейкетьстэ. Аватнень прясо свал сюлмазь пацят, лангсост кувака юбкат. Цёратне нолдыть сакалот ды кандтнить кувака панарт. Велетнесэ пштистэ ванстыть сэтьмечинть ды топавтыть койтнень-кирдатнень. Иредстиця симемапельде а копордыть покш кенярксчистэяк. Ярсамопелесткак явови лия раськетнень эйстэ: сынь теить ревень ловсосто пек тантей сыр – пендыр, чаенть таркас лакиведьсэ валыть розань ды овтумарень цецят, – ёвтнесь Н.Ф.Мокшин.

Вастовоманть шкасто истя жо мольсь кортамо этнотуризманть коряс. Эрзянь-мокшонь моданть лангсо ванстовсть кезэрень шкань ламо памятникть. Н.Ф.Мокшин тешкстызе, этнотуризманть прявт тевезэ – содавтомс республикань инжетнень минек ёнксонь содавикс ломантнень марто, конат тейсть покш путовкс аволь ансяк Мордовиянть, истя жо весе Россиянть виевгавтомантень. Те – Никон Патриархось, Ф.Ф.Ушаков флотоводецэсь ды ламот лият.

– Россиянтень эряви кирдемс каштанчи неть ломантнень кувалма, – тешкстызе Николай Фёдорович.

Т.Аксенова

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...