Рубрикатор

Экономика
Вандынь чиде арсезь

Улить ломанть, кить сеске мусызь вечкевикс  тевест ды сонензэ алтасызь весе эрямост.  Улить истяткак, конатне косо ансяк  эзть важоде, кодат ансяк тевть эзть топавто, ансяк мейле мусызь эсь вечкевикс тевенть. Истятнэнь ютксо крестьянско-фермерской хозяйствань прявтось Валерий Михайлович Наумов. Сон чачсь-кассь Кеченьбуе велесэ. Тесэ ютась эйкакшпоразо, тестэ тусь кизэ покш эрямонтень. Средней школанть прядомадо мейле уцясканзо вешнеме тусь Саранскоев. Документэнзэ максынзе Н.П.Огарев лемсэ велень хозяйствань механизациянь факультетс. Тенень а  эряви дивсемс. Сон пек вечкиль важодеме техника марто. Эйкакшпорасто ветниль тракторт, автомашинат. Умонь трактористтнэ тензэ кортыльть: «Валера, тонь эйстэ лиси велень хозяйствань вадря специалист».

Университетс экзаментнэнь Валерий Наумов максынзе вадрясто. Тенень пек кецясть тетязо, Михаил Иванович ды авазо, Антонина Александровна.

Видькстатано, велень хозяйствань механизациянь институтсо тонавтнемась  кой-кинь моли стакасто. Шкастонзо а максовить экзаментнэ, зачеттнэ.

– Монь, мекевланк, весемесь мольсь вадрясто, – ледстни Валерий Наумов. – Тракторонь пелькстнэнь-мезтнень парсте содылинь. Текенень, покш мель явинь тонавтнемантень. Теваразде ошонь ульцятнева эзинь лыта. Лекциятнеде башка ловнынь омбо масторонь журналт, конатнесэ евтневсь сеть комбайнатнеде, трактортнэде, конат течи важодить минек масторонь паксятнесэ.

Подробнее...
 
"Тарифтне касыть, услугатне а вадрялгадыть..."

«Россиянь регионтнэсэ ломантнень марто кортнемстэ, истя жо видеоконференциятнесэ сехте ламо кевкстемат макснить ЖКХ-нь кевкстематнень коряс», – мерсь РФ-нь Президентэсь Д.А.Медведев Сыктывкарсо ЖКХ-нь тевтнень коряс Госсоветэнь заседаниянть панжомсто. ЖКХ-нь темантень покш мель явовсь РФ-нь Правительствань Председателенть В.В.Путинэнь прямой эфирсэ Россиянь эрицятнень марто кортнемстэ. Алкукскак, ЖКХ-со мелявкстнэде зярс эште пек ламо, нама, тешкстазь паро полавтоматкак. «ЖКХ-нть одкстомтомавтомо а теевить эрямонь паро условият. Государстванть ендо зярыя программатнень примамодо мейле те сферасонть теевсть паро енов покш полавтомат», – мерсь МР-нь Прявтось Н.И.Меркушкин МР-нь Государственной Собраниянтень эрьва иень Кучомасонзо.

Колмо иень перть Мордовиясо бюджетэнь средстватнень вельде витнезь 817 кудот, республикань малав 60 тыщат эрицят вадрялгавтызь эрямонь условияст. Малав 1300 ломанть каладозь эрямо таркасто ютасть од эрямо таркас. Покш эскельксэнть лангс апак вано, те мелявксось педе-пев апак реша.

Весемезэ республикасонть каладозь эрямо таркатнеде 337 тыщат квадратной метрат. 8 миллионт 125 тыщат квадратной метратнес эряви теемс капитальной витнема. Те сень пингстэ, зярдо весе эрямо таркань фондонть покшолмазо 19,75 миллионт квадратной метрат. Тень витемга республикасонть теезь ды уш совавтовить тевс зярыя программат.

Подробнее...
 
"Атемарская" птицефабрикась кочки од технологиятнень

«Птицефабрика «Атемарская» ОАО-сь панжовсь 1967 иестэнть. Равчирень велень хозяйствань предприятиятнень ютксто, конат нолдыть птицеводствань ды животноводствань продукция, сон ловови сехте вадрятнестэ вейкекс. Весе се шканть перть, зярс важоди нармунень фабрикась, полавтомат ульнесть структурасонтькак, технологиянь ды пурнамонь-теемань тевтнесэяк. Неть полавтоматне, васняяк, кепедизь нолдавиця продукциянть вадрячинзэ. Течи птицефабрикась – эрязасто кемекставиця предприятия, кона теи путовкс европань икелевдеяк икелев молиця технологиятнень лангс. Производствасо важодемань од лувтнеде ды неень шкань важодемань тевтнеде минек газетантень евтнесь «Птицефабрика «Атемарская» ОАО-нь генеральной директорось Виктор Васильевич Марков.

– Течинь эрямось моли истя, бути а кармат ветямо производствань модернизациянть – неень шкань рынкасонть а кемекстават, – корты нармунень фабрикань прявт директорось В.В.Марков. – Секскак минек предприятиясонть покш робота ветяви птицеводческой корпустнэнь витнемаст-полавтнемаст коряс, рамазь ды ладязь од оборудования саразтнэнь кастома ды кирдема цехтнес. Истя меельце вете иетнень перть малав 80 процентт таштомозь оборудованиясь полавтозь нееньшкансенть лангс, мезесь лездась покшолгавтомс нармунтнень ламочист ды вишкалгавтомс продукциянть питнензэ. Производстванть истямо одкстомтомась ламосо топавтовсь агропромышленной секторсонть национальной проекттнэнь тевс нолдамост вельде.

Подробнее...
 
"Дальнее", предприятиясь виензы, кемексты

2011 иестэ тенек эряви икеленек аравтомс покштояк покш тевть. Тесэ производствань касомань вишкалгавтомадо кортамо кодамояк илязо уле. 2011 иестэнть республикасонть ловцонь потявтомась касозо 7 процентс.

Тесэ покш мель эряви явомс, кода свал, племенной роботанть вадрялгавтомантень. Маласо шкастонть эряви теемс сень, штобу республикась улевель аволь рамицякс, а племань ракшань микшницякс ды теньсэ таштамс ярмакт.

(МР-нь Прявтонть Н.И.Меркушкинэнь МР-нь Госсобраниянтень Кучомасто)

Эсь шкасто «Николаевский» велень хозяйствань кооперативенть ланга паро валсо кортасть аволь ансяк Лямбирень районсонть, истя жо республиканть келес. Ды ульнесь мезень кисэ шнамс. Тесэнь трудий ломантне эрьва иестэ весемеде ламо скалсто потявтсть ловцо, эрьва гектарсто сайнесть сюро. Шкастонзо виднесть ды урядасть паксятнень. Те хозяйстванть важодемань опытэнзэ тонавтнесть республикань велень хозяйствань предприятиянь прявттнэ. Николаевкасо ютавтневсть эрьва кодат семинарт-мезть.

Подробнее...
 
"Важодемс ломантнень лезэс"

Эрьвась чарькоди, велесэ эрямось неень шкане пек а шожда. Колхозтнэ-совхозтнэ ламот велетнесэ каладсть, важодема таркат арасть ды од ломантне весе туить ошов. Истя аламонь-аламонь чамить велетнеяк. Нама, весе арсить, ошсо эрямось седе шожда ды вадря, тень коряс, паряк, туитькак. Кода кортыть сынсь ломантне – вадря эрямо мельга. А вана Лавровтнень семиясь тейсь мекевланк – кадызе ошонь «вадря» эрямонть ды тусь велев.

Ольга ды Юрий чачсть-кассть Саранскойсэ. Кавонест прядсть медицинань институт, кармасть врачокс. Юрий важодсь хирургокс, Ольга – эндокринологокс. Ансяк вана прясост седе сеедьстэ чарасть мельть овсе аволь врачонь тевенть перька. Зярдо чачсь омбоце эйкакшост, Ольга седе ламо шканть ютавтсь Сыре Шайговань енксонь Мельцаны велесэнть, тесэ аванзо-тетянзо ули кудынест, сынсь жо эрить ошсо. Сестэ чачськак мель пурнамс эсь хозяйства.

– Весемесь ушодовсь сеньстэ: мон кадыя роботам ды молинь Занятостень центрав биржас арамо. Молиньгак сень туртов, штобу стажом улевель седе товгак. Минь а содылинек, улить эрьва-кодат программат, максовить грантт, явовить субсидият. Мон ансяк пшкадинь: ули меленек пурнамс эсь хозяйства. Занятостень центрасо роботась истямо программа. Истя те тевентень совавтымизьгак, – корты Ольга.

– Мон жо ульнинь врачокс-дежурнатокс. Ошонь 4-це больницясонть, малав, эриньгак. Ютазь кизэнть самс эште роботынь, ансяк пек стака ве шкасто кавто тевть топавтомс. Лиясто роботасто сат овсе ежовтомо, тесэяк нинтень ськамонзо стака, весемесь а тееви. Минь сынек мельс – эряви кочкамс мезеяк вейке. Седеень ды мелень коряс жо кармась нармунень трямось-кастомась. Ды ошов ней мекев а велявттано, – полады Юрий.

Подробнее...
 
<< Первая < Предыдущая 1 2 3 4 5 6 7 8 Следующая > Последняя >>

Страница 7 из 8

Новости

20 лучших водных ревизоров Мордовии продолжат свою работу в Артеке
Сегодня в Саранске прошло заседание регионального штаба Всероссийской
экологической акции «Вода и здоровье». Там были названы имена 20 лучших
водных ревизоров республики, которые станут участниками федерального этапа
акции «Вода и здоровье»
Подробнее ...
 
Директор спортивной школы попросил депутата ГД Александра Воробьева помочь мордовской биатлонистке
 9 июня депутат Госдумы РФ, член Комитета Госдумы по
аграрным вопросам Александр Воробьев встретился с жителями
Мордовии на личном приеме. Люди обращались по разным вопросам
– в сфере ЖКХ, обеспечения лекарствами, помощи в получении жилья
и другим.
Подробнее ...
 
Молодогвардейцы - победители «Школы парламентаризма«посетили высшие законодательные органы страны
Первым пунктом экскурсии для ребят из Мордовии стал Совет Федерации Федерального
Собрания Российской Федерации, внутренний интерьер и дизайн которого поразил их своей
красотой и величием. Экскурсовод познакомила ребят с особенностями здания, провела по
главным местам Совета Федерации. Ребятам также удалось побывать в большом зале
заседаний, увидеть своими глазами рабочие места сенаторов и кресло председателя
Валентины Матвиенко. Также молодогвардейцы узнали, как проходит подготовка к
заседанию и собственно
сама
работа
заседаний.
Подробнее ...
 
Путин казизе Мордовиясто семиянть «Родительская слава» орденсэ

Июнень 1-це чистэ, Эйкакшонь ванстомань раськеютконь чистэ, РФ-нь Президентэсь Владимир Путин казинзе ламо эйкакшонь триця семиятнень «Родительская слава» орденсэ. Покш казнесэ тешкстазель Мордовиянь Зубова-Полянань райононь Ширингуши велень Урсовтнень кудораськесь. Покш промксонтень истя жо тердевсть РФ-нь ёнкстнэнь прявттнэ, косто састь семиятне, сынст ютксоль МР-нь Прявтось Владимир Волковгак.

Подробнее ...
 
Эрзянь моротне гайгсть омбо масторсо

Швейцариянь Тоггенбургс пурнавкшность Европасто ды масторлангонь эрьва кодамо масторсто исполнительть. Тосо ютась «Природный голос» раськеютконь вокальной фестиваль. Россиянь вейкине представителекс тосо ульнесь Мордовиянь «Мерема» фольклорной группась, конась эсь морамосонзо токакшнынзе седеест ваныцятнень Финляндиясо ютавтозь теке фестивальсэнть. Ды швейцарецтнэ тердизь Екатерина Модинань прявтсо «Мерема» группанть эстест. Эдь сынст творчестваст пек лади музыкальной форумонь форматонтень. Фестиваленть лиятнень ёнов амолемачись сеньсэ, весе вокалисттнэ – хортнэяк, солисттнэяк, невтить национальной фольклор седямопелень тевс апак нолда.

Подробнее ...