Рубрикатор

Экономика Литературанть марто вейсэ
Литературанть марто вейсэ

А.С.Пушкин лемсэ республикань Национальной библиотекасо ютась «Литература и природа – рука об руку» эрьва иень акциясь. Сон юты колмоцеде ды тедеде алтавсь Экологиянь иентень. Сонзэ ютавтыцятне – Ицялбуень куншкакуронь библиотекась, «Смольный» национальной паркось ды А.С. Пушкин лемсэ библиотекась.

Те вастовоманть панжизе «Смольный» национальной парконь экологической просвещениянь коряс отделэнь прявтось Н.М.Зубова. Сон домкасто ды мельстуезь ёвтнесь «Смольный» парктонть. Ней сонензэ макссть лия лем – «Заповедная Мордовия», те кармась вейкине вейсэндявкс П.Г.Смидович лемсэ заповедникенть марто. Сынь лововить пертьпельксэнь пек ванстовиця таркакс. Смольноень парконтень свал тердевить инжеть, тосо ютыть школань тонавтницятнень туртов экскурсият. Парксонть касыть эрьва кодат тикшеть ды чувтот, эрить эрьва кодат ракшат ды нармунть. Пурнавозтне вансть «Смольный» парктонть аволь покш фильма. «Пертьпельксэнь ванстомась ашти минек вийсэ», – кортась Наталья Михайловна. Сон истя жо ёвтнесь, Россиясо улить 103 заповедникть, 71 национальной парк, 43 заказникть. Ды весе сынь лия ёнов а молицят.

Седе тов кортамось поладовсь литературадо. «Вал» эрзянь од сёрмадыцянь куродонть пачтясь Алина Подгорнова. Те курось важоди 2013 иестэ саезь «Сятко» журналонть юрсо. «Странник» журналонь публицистикань отделэнь редакторось Сергей Кубасов ёвтнесь творчествадонзо, гитара марто морась эсензэ морот.

«ЛитеRRA Nova» литературно-публицистической журналдонть ёвтнесть сонзэ издателесь Сергей Голованов ды прявт редакторось Александр Бажанов. Те изданиянть ломантне ловныть Интернетсэ.

Т.Маторкина

 

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...