Рубрикатор

Экономика ТИРИНЬ ЗАВОДОНТЬ ЛЕЗЭС
ТИРИНЬ ЗАВОДОНТЬ ЛЕЗЭС

 

Ледстнетядо, зярдо минь тонавтнинек школасо, тетянок-аванок эйсэнек тандавтнесть: а кармат парсте тонавтнеме – туят важодеме заводов. Ней шкатне полавтовсть, заводсо важодемась аволь ансяк ловови алкуксонь тевекс, сонзэ кисэ истя жо пандовить паро ярмакт.  Иестэ-иес седе ламо од ломанть школань прядомадо мейле туить тонавтнеме аволь юристэкс (косто мейле весенень муемс таркат?) – кочкить важодицянь специальностть.  Седе покштнеяк чарькодить: неень шкане а эряви паро ярмак мельга сыргамс Московов. Тиринь ёнкссояк семиясь андови-симдеви, бути кармат важодеме парсте.

Меельце шкатнестэ «Лисма» Мордовия Республикань ГУП-нтень седе сеедьстэ сакшныть важодеме профессиональной училищатнень прядыцятне. Од ломантне кочкить паро ды шкастонзо пандовиця зарплата. Тесэ роботыть важодицят, производствань отличникть, конатнень пельде ули мезес тонавтнемс ды конатнень ёнов эряви молемс. Сынь маштыть важодеме ды кудов ярмаконь кандомо.

Савельевтнень бригаданть марто минь теевинек содавиксэкс накаливаниянь лампань производствасо. Тесэ нолдыть Ильичень весенень содавикс лампочкатнень, конатне нейгак пек эрявикст-вешевикст «Лисмань» продукциянть ютксто. Александр ды Сергей Савельевтнень, сынст леляст Владимир Искандяровонь ды од цёранть Алексеень пароль бу советэнь шкань агитпромонь плакатс поводемс ды сёрмадомс покш тердема: «Садо минек заводов!». Весе сынь теке алкуксонь «богатырть» – лавтовост келейть, рунгост виевть, чамасост свал мизолкс ды эсь тевень содыцянь каштанчи. Ансяк сынст васенце паро ёнксост – сырнень кедест ды валдо пряст. Те сынст важодемаст кувалма ЛОН-нь производствась свал касты покшолманзо.

– Бригаданть нормась – 32400 лампат сменазонзо, Савельевтнень бригадась жо максы 38-40 тежат штукат, – ёвтни ПЛОН-нь прявтось Владимир Зинин. – Сынь аволь ансяк парсте важодить, истя жо максыть эсь содамочист од ломантненень, чарькодевтить тевентень тонавтницятнень.

Те династиянть ушодыцякс кармась Александр Савельев, конась сась «Лисмав» 1987 иестэ училищань прядомадонзо мейле. Мейле сонзэ ваксс сась ялаксозо Сергей, седе тов – малавикс раськезэ Владимир Искандяров. Те шкастонть сынь важодить вейке-вейкень вакссо. Иеде теде икеле тей сась эште Александр Савельевень цёразо, Алексей. Сон важоди лия линиясо аволь умок пурназь од ломанень бригадасо. Зярдо кевкстинек: «Кода тесэ тензэ?», ёвтась апак сёпо: «Эряви эште ламонтень тонавтнемс, лиясто пицеван, керяван. Бути мезе а чарькодеви – тетям ёвтнесы-невтьсы».

– Профессиясь, нама, аволь шождатнестэ, сеске а чарькодеви, – ёвтни Александр Савельев. – Линиясь те истямо жо машина, эряви сонзэ содамс педе-пес, ванномс весе лувтнень-ёнкстнэнь, тенень эряви максомс аволь вейке ие. Лиясто одтнэ сыть, важодить кавто-колмо ковт ды туить. Келя, стака тесэ роботамс.  Кодаткак салавачинек арасть, васняяк эряви а нузялгалемс ды бажамс теемс тевенть парсте. Минек трудонть эйстэ ашти зарплатанок, зяро важодинек – зняро максовияк. Секскак бригадасонть васенце законось: теик теветь – лездак ялгат туртов.

Накаливаниянь лампань производствась ве ковс среднейстэ нолды 15 миллионт лампат, иенть прядомс «Лисмась» арси кузтемс те цифранть 25 процентс эли 20 миллионс. Нама, те тевенть теемс а шождатнестэ. Заводсонть, кода ламо лия предприятиятнесэяк, а сатнить покш квалификация марто специалисттнэ. Ламот умонь роботниктнестэ тусть пенсияв, од ломантненень жо ськамозост те профессиясь сеске а саеви, а тонавтневи. Те мелявксонть топавтомга «Лисмань» прявттнэ арсесть истямо лув: тердемс умонь важодицятнень, конатне эли сынсь мекс-бути тусть заводстонть эли сынст ильтизь пенсияв сыречинть кувалма, роботамо мекев. Сынст туртов арсезельть роботамонь башка графикть ды лувт, эрьва тонавтовицянть кисэ пандсть эште 15 тёжат целковойть башка.

– Васняяк минь те арсемантень кода-бути эзинек кеме, – косто мукшномс неть ломантнень, кода сынст мекев тердемс?! – ёвтни ПЛОН-нь технической руководителесь Петр Шибанов. – Ялатеке роботась ушодовсь. Лангс таргинек личной тевтнень, гайневтнинек кудова, вастневинек мартост. Пурнынек 15 специалистт. Вейкесь эйстэст – Виктор Князев. Сонензэ 68 иеть, ансяк икельди техникумонь прядыцятненьгак. Тесэ важодема шкастонть сон тонавтынзе малав весе цехень наладчиктнень. Велявтомс одов заводов тонавтыцякс энялдынек икелензэ малав пель ие.

– Зярдо ёвтызь важодема шканть: ниле част чизэнзэ, мон сестэ согласинь. – корты Виктор Максимович. – Цела чи роботамс монь иетнесэ стака.

Тешкстасынек, те шканть перть содыця наладчикесь аволь ансяк кенери тонавтомс одтнэнь, сон топавты производствань аравтлувонтькак. Сисем ковс тонавтсь кавто сотрудникть. Ялатеке, кода корты Виктор Максимович, паро наладчикекс ды алкуксонь профессионалокс эряви тонавтнемс ламо иеть.

Умонь важодицятнень марто вейсэ пурнавсть од ломантькак. Сядодо ламо кандидаттнэстэ ютасть тонавтнемань курсат ды максызь парсте экзаменэст ансяк 53-тне. Ней неть од ломантне вадрясто роботыть, ЛОН-нь лампатнень производстванть кепедить ковсто ковс. 2016 иень кото ковтнес «Лисмасо» сынст производствась кассь 10 процентс мелень иень цифратнень коряс ды тенень дивси весе заводось. Чизэнзэ цехсэнть анокставить 803000 накаливаниянь лампат. Ней уш а мезде пелемс: 20 миллионт ковозонзо – те цифрась аволь фантастикасто саевкс!

 

Анокстызе

Марина Девятова

 

Новости

Плотников: Фермеры смогут жить на своей земле, а не ездить каждый день туда как на работу

 Госдума приняла в первом чтении законопроект, который разрешает фермерам строить дом для себя на своей земле сельскохозяйственного назначения. Законопроект меняет порядок строительства жилых домов в КФХ. Такое заявление сделал координатор партпроекта «Единой России» «Российское село», депутат Государственной Думы Владимир Плотников.

Подробнее ...
 
Андрей Макаров: Проект бюджета гарантирует выполнение государством всех социальных обязательств

    Внесенный Правительством РФ проект бюджета гарантирует выполнение государством всех социальных обязательств. Об этом заявил председатель комитета Госдумы по бюджету и налогам Андрей Макаров в ходе выступления от фракции «Единой России» на пленарном заседании нижней палаты парламента. 

     - Гарантированное выполнение государством всех социальных обязательств - это важнейшая задача бюджета, которую внесенный Правительством проект, безусловно, решает», - заявил Макаров, отметив, что «Единая Россия» вместе с Правительством РФ в рамках нулевого чтения прорабатывала проект бюджета, чтобы решить задачи, поставленные Президентом России Владимиром Путиным. 

        Он обратил внимание на то, что фактические доходы в 2019 году составили 19,969 трлн рублей, превысив прогноз на 22%. «Это показатель того, в каком состоянии находится наша экономика», - отметил парламентарий. 

Подробнее ...
 
Валдонть кисэ – социальной норма

Россиясо тагояк электричестванть кисэ арсеви совавтомс социальной норманть, зярдо кемекстазь лимитэнть велькска ютавтоматнень сави пандомс седе покш тарифень коряс. Минэнергонь ды Минэкономикань сентябрянь 19-це чистэ ютавтозь промкссонть те схеманть кемекстызе вице-премьерэсь Дмитрий Козак. Ведомстватненень жо документэнь проекттнэнь анокстамат 2019 иень якшамковонтень.

Подробнее ...
 
«Од Ривезесь» сы Саранскоев

Мордовиянь прявт ошсо, Саранскойсэ, карми молеме неень шкань хореографиянь «Новая Лиса – 2018» Раськеютконь VII фестивалень-конкурсонь Гала-концертэсь. Те мельстуиця мероприятиянть ютавтомс лезды РФ-нь Театральной деятелень вейсэндявксось.

Подробнее ...
 
Василий Пискарев принял участие в проведении тренировки по гражданской обороне

С 1 по 3 октября в соответствии с поручением Правительства РФ на территории всей страны прошли тренировки по гражданской обороне. Председатель Комитета Госдумы РФ по безопасности и противодействию коррупции Василий Пискарев в ходе региональной недели посетил завершающий третий этап Всероссийской тренировки, который прошел в мордовской столице.

Подробнее ...