Рубрикатор

Экономика ПОПКОВ СЛЕСАРЕСЬ
ПОПКОВ СЛЕСАРЕСЬ

 

«Ромодановосахар» предприятиянть парсте содасызь аволь ансяк минек республикасо, сонзэ томбалеяк. Сахаронть мельспаросо рамить Ульяновскоень, Пензань, Московонь, Рязанень областень ды лия региононь эрицятне. Сонзэ продукциянзо шныть. Келя, пек вадря. А стяко предприятиянтень мелят максозь вадря продукциянь нолдамонь кисэ покш казне.

Теньсэ, нама, покш таликаст весень, кить важодить «Ромодановосахар» предприятиясонть. Ютксост – контрольно-измерительной приборонь ды автоматикань (КИПиА) слесаресь С.В.Попков. Сергей Владимирович тесэ важоди 1993 иестэ саезь. Тей сась Тамбовонь областень Озерки велестэ.

– Сынь Сахарной завод посёлкав малавикстнэнень инжекс ды кадовинь тезэнь важодеме, – ёвтни С.В.Попков. – Таркатне мелезэнь пек тусть. Ды, нама, ломантнеяк.

С.В.Попков слесарень тевенть сеске тонавтнизе. Течи предприятиясонть ланганзо кортыть ансяк паро валсо. Тевензэ, келя, содасы вадрясто. Кие тензэ а пшкади – лезды. Предприятиянь кой-кона цехтнесэ оборудованиясь омбо масторонь, немецкой. Мельганзо якить эсь тевень алкуксонь специалистт, кодамо Сергей Владимирович.

Сёксня, зярдо «Ромодановосахар» предприятиясо тевтне лаказь лакить, С.В.Попков чинь-чоп цехсэ. Оборудованиянть а яжамга, Сергей Владимирович пштистэ ваны весементь мельга.

Тесэ виевстэ важоди ламбамо якстерькаентень анализэнь теемань теплопунктось. Сон важоди свал. Теньсэ, нама, покш таликазо Сергей Попковонь. Сонзэ валонзо коряс, цехсэнть тевтнень вадрясто лади прявтось Александр Меласердов.

 

Пётр Зиновьев

 

Новости

Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...
 
Чемпионатонть анокстамга

Мордовиянь Прявтось Владимир Волков декабрянь 16-це чистэ ютавтсь 2018 иень масторлангонь Футболонь чемпионатонтень анокстамга оргкомитетэнь промкс, конасонть важодсть МР-нь Госсобраниянь Председателесь Владимир Чибиркин, Правительствань Председателесь Владимир Сушков, Мордовиясо Главной федеральной инспекторось Михаил Сезганов, Саранск ошонь Администрациянь прявтось Пётр Тултаев, «Оргкомитет Россия – 2018» АНО-нь операционной директорось Дмитрий Годунов.

Подробнее ...
 
Прявтось Московсоль

Мордовиянь Прявтось Владимир Волков декабрянь 18-це чистэ Московсо важодемань коряс вастовкшнось Россиянь Финансонь министрань полавтыцянть Леонид Горнинэнь марто.

Подробнее ...