Рубрикатор

Экономика Весе вийсэст стявтыть церькова
Весе вийсэст стявтыть церькова

Александр Борисов

Отяжелева ардомсто сельменек икелев сти строявиця церьковась. Ярмактнень сонзэ стявтомс пурнасть весе масторонть келес. Ды ней Андрей Первозванной Апостолонть храмось аламонь-аламонь кепететсь пирявксонть потсто. Зярдо минь ульнинек Отяжелесэ, сонзэ сэрезэ уш кузнекшнесь 9,5 метрас. Церькованть строитькак Отяжелень эрицятнень вийсэ. А пек стака тевтнень тееме (кирьпецень ладсеме, шлямо) сакшныть райононь администрациянь, больницянь, школатнень ды лия организациятнень роботниктне.

Ялатеке прявт роботатнень теи подрядчикесь – «Талина» ООО-сь. Александр Борисов важоди тосо технической надзоронь коряс ведущей инженерэкс. Саша – од специалист, прядызе Н.П.Огарев лемсэ МГУ-нь архитектурно-строительной факультетэнть 2009 иестэ. Теке марто уш 2007 иестэ саезь од цёрась важодсь Саранскоень Проектной институтсо. Кенериль роботамояк, тонавтнемеяк. Университетэнть прядомадо мейле Борисов ютась важодеме «Талинав». Трудонь биографиянзо перть Сашанень зярс савкшнось строямс ансяк велень хозяйстватнень туртов фермат, подсобной помещеният.

Андрей Первозванной Апостолонть храмонь стявтомась Борисовонь туртов васенце истямо покш ды стака объект. Саша тесэ ваны весе роботатнень мельга. Стройкасонть весемезэ роботыть 25 ломанть: каменщикть, кшнинь конструкциянь стявтыцят, крановщикть ды сынст туртов лездыця робочейть. Борисов те объектсэнть важоди кавто ковт ды чарькоди, кодашка ответственность каязь лангозонзо.

«Валскесь ушодови планёркасто. Минь вейсэ арсетяно, кодат задачат эрявить топавтомс чизэнзэ, – ёвтни Александр Борисов. – Ней ушодовсь сехте стака тевесь – стявттано латонь конструкциятнень, мейле кепедьсынек кирьпецень арканть. Неть тевтне стройкасонть лововить аволь шождатнестэ. Секскак сави ванномс пштистэ эрьванть мельга. Сеедьстэ мон аштян храмонть прясо, строицятнень вакссо, тосто роботатнень видечись седе парсте содави ды неяви». Александр Борисовонь валонзо коряс, декабряс тенст эряви прядомс храмонь латонть, стявтомс куполтнэнь, понгавтомс баягатнень. Ней уш неяви церькованть мазычизэ. Кирьпецесь сонзэ строямс рамазь алкуксонь, клинкерной (керамикань). Отяжелев сонзэ ускизь Германиясто. Сон ашолды ды ловови весе кирьпецтнень ютксто сехте кемекс. Чипаенть ало кирьпецесь цитнезь-цитни.

Зярс минь Борисов марто кортынек храмонть икеле, сонзэ ваксс секе-тев сакшность озныця ломанть. Церькованть подвалсо уш зярыя шка молить службат. Сынь ютавтневить православной покш кенярксчитнестэ. Сестэ, Борисовонь валонзо коряс, стройкась а роботы семс, зярс а прядови службась. Тень коряс служиця батюшканть марто сёрмадстозь конёв, косо тешкстазь сеть читне, зярдо ды зярс храмсонть ютыть литургият. Строицятне чарькодить Пазнэнь озныцятнень ды а молить сынст каршо.

Евгений Климкин

Евгений Иванович Климкин Андрей Первозванной Апостолонть храмонть строямсто важоди бригадирэкс. Сон тесэ мелень кизэстэнть, роботатнень ушодовомстонть саезь. Кода корты Климкин, «васенце кирьпеценть эйстэ». Евгений Иванович весе эрямонзо сюлмизе строямонть марто. Саранск ошсо прядызе 15-це № ПТУ-нть «каменщик-монтажник» специальностень коряс. Училищань прявтось арсесь Климкинэнь, кода паро тонавтницянть, кучомс университетэв. Климкин жо бажась туемс армияв, служамояк понгсь инженерэнь войскас, косо теориянть сюлмизе практиканть марто. Армиядо мейле Климкин кармась роботамо «Мордовпромстройсэ». Кодат ансяк объектт эзь строя: Торбеевасо газонь станция, «Октябрьской» птицефабрикасо, «Тепличнойсэ» зданият ды теплицат, «Мордовпромстройбанк»… Весе а ледстявитькак. Климкин ламо иеть важодсь каменщикекс, мейле – монтажникекс. Паро роботанть кисэ сонзэ натой казекшнизь ВЛКСМ-нь ЦК-нь Почетной грамотасо. Советэнь шкатнестэ те казнесь ульнесь пек покшокс. Ней вана Евгений Иванович строи храм. Сонзэ биографиясо те васенце истямо лувонь объект, секскак Климкин бажи топавтомс эсь тевензэ весе оймень путозь. Кода бригадир, Евгений Иванович пштистэ ваны кирьпецень путыцятнень тевест мельга, максы эрявикс превс путомат, вити асатыкстнэнь.

Климкин арси те объектсэнть важодемс сонзэ прядомазонзо ды марямс сонзэ вийсэ стявтозь церьковань баягань гайттнень.

Евгений Анохин

Крановщикесь Евгений Вадимович Анохин сась Отяжелев церьковань строямо Ульяновскойстэ. Тей сонзэ кучизе важодеме организациясь, косо роботы Анохин. Евгений Вадимович сась аволь ськамонзо – мартонзо ускизе «Галичанин» кранонть, конась ашти «КамАЗ»-нть лангсо. Те кранось кепеди сталмо 32 тоннат, стрелазо витеви-кепедеви 30 метрань сэрьс. Евгений Вадимович тонавтнесь автокранонь машинистэкс (истя лемдеви сонзэ профессиязо) Ульяновскойсэ ды важоди те специальностенть коряс 1989 иестэнть саезь. Анохиннэнь савкшны свал ардтнемс командировкава: Саранской, Саратова, Нижней Новгород… Кодамо ансяк ошсо арасель!

 

Отяжелев Анохин пачкодсь апрельстэ ды карми тесэ важодеме храмонть строямонзо прядомс. Автокранонь машинистэнтень роботамсто лезды кабинасонть аштиця компьютерэсь. Сон невти крановщикентень, зяро сталмо кепеди машинась, илязо уле «перегруз», илязо чиреме кранось те эли тона ёнов. Ялатеке те роботасонть ламось ашти ломаненть эйстэ. Машинистэнтень эряви улемс пек пшти сельмекс, аволь «варакань кундсицякс». Нама, пилетнеяк вадрясто маряст, эдь строицятне секе-тев пижнить тензэ «вира!» ды «майна!». Эряви эштё чарькодемс «жестэнь келенть», эдь машинань гайтенть кувалма ды объектэнть верде сеедьстэ пижнематнеяк а марявить. Вейке-вейкень чарькодемась тесэ васенце таркасо.

Автокранонь машинистэсь Андрей Первозванной Апостолонь храмонть строямсто топавты пек эрявикс тевть: сон кепеди верев кирьпецть, раствор, балкат, чувтот, лазт. Седе тов Анохинэнь учи седеяк ответственной миссия: эрявить кепедемс куполтнэнь ды баягатнень. Сынст стявтомась учови сёксня.

Юрий Сабаев

Ботужелень эрзянь цёрась Юрий Сабаев кеми, храмонь строямось сонзэ эрямосо аволь стяконь тев. «Теке Пазось кучимим тей, арсян, зярдояк монень те тевесь лиси парокс, – корты Юрий Николаевич. – Роботан тесэ аволь ярмаконь, оймень кисэ». Сон тесэ робочей, важоди мелень сёксестэнть саезь. Васняяк ялганзо марто лездасть теемс храмонь подвалонтень алтарь, лавсят, витнизь-петнизь сонзэ потмонзо службатнень ютавтоманть туртов.

Юрий Николаевич машты эрьва мезень тееме, сон слесарень тевентеньгак чарькоди, чувтостояк керси. Прорабонтень лезды хозяйственной пельксэнть коряс: явши робочейтненень инструментт, материал, прими кирьпецть, цементэнь кескавт. Сабаев тесэ важоди трудонь договоронь коряс ды, келя, а янкси. Эрьва чистэ храмонть строиця робочейтне кавксть андовить: обедстэ ды чокшне. Зярдо минь кортынек Юрий Николаевич марто, сестэ самай сывелень комбинатонь автобуссонть ускизь обедэнть. Сабаев невтизе тень мейсэ каванить строицятнень течи. Термостнэсэ ульнесть ям, сывель марто рис ды котлетат. Теде башка, ускозель чай ды кши. Строицятне капшазевсть вагончикест малас. Кода кортыть, важодемась – важодема, вачодо жо пек а важодят.

 

Марина Девятова

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.