Рубрикатор

Развитие АПК
Ракшань трямось канды лезэ

 

2009 иень тунда весероссиянь программанть лувсо РФ-нь Велень хозяйствань министерствась кемекстызе минек республикань ловцонь животноводствань ды ловцонь производствань касомань программанть. Тень вельде РФ-нь Велень хозяйствань министерствась ярмакт явны региональной программатнень эрямос совавтомантень. 2009 иестэ Мордовиясь получась 90 миллионт целковойть. Неть ярмактне лездасть аволь ансяк ламо ловцонь потявтомантень, истя жо скалонь стаданть покшолгавтомантень. Течи республикасонть лововить 71188 скалт, те 142 прядо седе ламо мелень теке шкантень. 2012 иентень республикасонть кармить улеме 109,7 тыщат скалт. Нама, покшолгадыть потявкстнэяк.

Тешкстасынек, Мордовиянь ловцонь программасонть участвовить велень хозяйствань предприятиятне ды крестьянско-фермерэнь хозяйстватне. Программань васенце иесь удалась. Аравтлувсонть тешкстазель, 2010 иестэ эрьва скалсто эрявсь потявтомс 4200 килограммат ловцо. Те – топавтови. Республикань велень хозяйствань предприятиятнесэ ды крестьянско-фермерэнь хозяйстватнесэ 11 ковс эрьва скалсто потявтозь малав ниле тыщат килограммат ловцо, мезесь 300 килограммадо седе ламо мелень коряс. Иенть прядовомс эште ули шка, эште ке нерят ламо теемс. Ней, 2009 иень декабрянть коряс, чинь потявкстнэ ламолгадсть 800-850 граммас. Эдь икеле, зярдо скалтнэнь кирдемась ушодовиль ферматнесэ, потявкстнэ аволь касыльть, мекевланк, валгильть. Тенень лездась скалтнэнь ферматнес шкастонзо ды парсте арсезь ютавтомась. Пиже коромонть полавтызь сенажсо ды силоссо.

Подробнее...
 
Зярдо весе арсить тевде

А мезть сепомс, республикань агропромышленной комплексэсь иестэ иес виензы. Тень кемевтемга, аволь умок РФ-нь Велень хозяйствань министрась Е.Б.Скрынник Саранскойсэ ютавтсь промкс, косо ванкшновсть Равчиресэ сывелень ды ловцонь животноводствань касомань эскелькстнэ ды важодемстэ вастневиця асатыкстнэ. Тесэ Россиянь аграрийтнень прявтось мерсь, келя, 15 иетнень перть Мордовиясо сюронь саемась ламолгадсь кавксть, сывелень – малав колмоксть, эрьва скалсто потявкстнэ – колмоксть, ламбамо якстерькаень производствась – нилексть, алонь – котоксть. Вельть полавтовсь велетнесэ эрямось: ули "сэнь уштомапель", теезь пек вадря кить, строязь кавксоньгеменде ламо од школат, ней велень малав весе кудотнесэ цифровой телевидениянь ды Интернетэнь каналт.

Республикань агропромышленной комплекстнэ вейке чисэ а эрить. Ловцонь потявтомасонть, скалонь трямосонть совавтыть од технологиятнень. Рамсить неень шкань комбайнат, тракторт. Сехте вадрятнень ютксо «Талина» агрохолдингесь, «Норов» ды «Октябрьская» агрофирматне, «Чамзинская», «Атемарская», «Авангард» птицефабрикатне, «Тепличное» ГУП-сь, «Сыродельный комбинат «Ичалковский», «Молочный комбинат «Саранский» ОАО-тне, «Восток» МАПО-сь, «Агросоюз» велень хозяйствань предприятиятне, «Селищинское» ОАО-сь.

Истя жо од технологият совавтыть крестьянско-фермерэнь хозяйстватнеяк. Тень туртов тевс совавтыть рынкань истят инструменттнэнь, кода кредитэнть ды лизингенть.

Течи крестьянско-фермерэнь ды эсь подсобной хозяйствань азортнэ сайсть малав 10 миллиардт целковойть кредит. Сынст лангс ламотне эритькак. Но тедедень коське кизэдэнть мейле фермертнэнень шкастонзо кредитэсь а пандови. Самай тень кувалма Отяжелень районсто фермерэсь Александр Кандрашкин Нижней Новгородсо ютавтозь «Единой Россиянь» региональной отделениянь партийной конференциясонть пшкадсь РФ-нь Правительствань Председателентень В.В.Путиннэнь, лездамс Россиянь крестьянтнэнень. Кредитнэнь банктне теевельть пролонгация. Ды, нама, фермерэнть вайгелезэ марязель.

Поладови животноводческой комплексэнь строямось, омбо масторонь тракторонь рамамось. Тень коряс республикась масторсонок васенцетнень ютксо.

Ютасть 10 ковтне. Кода важодсть республикань велень хозяйствань трудий ломантне? Истя, велень хозяйствань предприятиятнесэ ды крестьянско-фермерэнь хозяйстватнесэ мелень теке шканть коряс ловцонь потявтомась ламолгадсь 6 %, сывелень саемась – 16 %, алонь – 13 %, эрьва скалсто потявкстнэ – 334 килограммас. Теминек переработчиктненень максы вийть а коламс роботамонь лувонть. Мекевланк, келейгавтомс продукциянь ассортиментэнть. Сынь тень теитькак. Продукцияст микшневи аволь ансяк минек республикасо, сонзэ томбалеяк.

Республикань агропромышленной комплексэсь допрок а соды стакачить минеральной удобрениянь коряс. Теньсэ, нама, покш таликазо «Велень кемекстамо» ГУП-нть, конань прявтсо А.В.Воробьев. Тесэ важодицятне кеме сюлмот кирдить «Куйбышевазот» ды Воронежень областень Россошь ошонь «Минудобрения» предприятиятнень марто.

Тедеде республикасонть саезь 330 тыщат тоннат ламбамо якстерькай, мезесь мелень коряс седе аламо. Тесэ, нама, тувталось тедедень коське кизэсь. Сон а евтавияк кодамо покш зыян кандсь велень трудий ломантненень. Ялатеке ламбамо якстерькаень кастыцятне весементь тейсть, те шкастонтькак саемс сюпав урожай. Тесэ кода а ледстямс Отяжелень райононть. Тесэ куш кодамо шкане эйстэнзэ сайнить ламо. Вана тедеде те районось таргась 151 тыща тоннат якстерькай.

Вельть ламо мода те культуранть алов явны «Восток» МАПО-сь, конань прявтсо А.Н. Чиняев. Сон ламбамо якстерькаень кастомасо эрямос совавты ансяк одонть.

Отяжелень районсо истя жо виевстэ важоди «Агрофирма «Искра» ОАО-сь. Сонзэ прявтсо уш зярыя кементь иеть П.С.Шилов. Мартонзо вастовоматнестэ вейкесэнть Павел Степанович видькстась: «Мельсапаро тень тееви, зярдо неян апак соксе, апак видне мода». Секскак ней «Искра» агрофирмась сокси-видни Покш Березникень райононь кой-кона модатнень. Лангстост сайни а берянь урожай. «Искра» агрофирмась эрьва иестэ мии ламо сывель, ловцо, скалой, конань мельспаросорамсить аволь ансяк Отяжелень райононь эрицятне, шабрансетнеяк.

Велень хозяйствань ды перерабатывающей промышленностень покшчинтень, кона ютавтозель аволь умок Саранскойсэ, тердезельть Социалистической Трудонь Геройтне А.В.Долганов, А.А. Климбовский, М.И.Сивцова. Тесэ А.А.Климбовский видькстась, келя, меельце иетнестэ пек виевгадсь республикань агропромышленной комплексэсь. Икеле эсенек хозяйствасо гектарсто сайнинек малав 350 центнерт ламбамо якстерькай, ней жо вадря иетнестэ урожайностесь пачколи 600 центнерс. Вана кодамо од технологиятнень лезэст! Ней а эряви мотыгась, конаньсэ керинек зыянов тикшенть, ламбамо якстерькаень а эрявикс касовкстнэнь.

– А китне кода вадрялгадсть! – корты Александр Андреевич. – Ней Отяжелестэ Аловелев, косо эрян, пачкодят 15 минутас.

– Тельня скалтнэнь кардсо кирдеманть ютавтынек вадрясто, – евтни Отяжелень райононь администрациянь животноводствань коряс велень хозяйствань управлениянь прявтонь полавтыцясь А.В.Тюгашкин. – Теле лангс анокстынек 6.600 тоннат тикше, 17.900 тоннат сенаж, 10.000 тоннат силос, 8.5 тыщат тоннат концентратт.

МР-нь Прявтось Н.И.Меркушкин Велень хозяйствань ды перерабатывающей промышленностень покшчистэнть мерсь, келя, седе тов велесь эштеяк вадрялгады, мазылгады. Эдь эрзя-мокшонь раськенть Россиянь государствань лия раськетнень марто вейсэндямонь 1000 иетненень анокстамонь шкасто явовить ярмакт агропромышленной комплексэнтеньгак. Ансяк сынст эрявить ютавтомс лезэвстэ, аволь ема вейкеяк целковой.

Петр Зиновьев

 
Сынь вельмевтить веленть

Коень коряс, Велень хозяйствасо важодицянь покшчисэнть чествовить трудонь династиятнень. Те разнэ ульнесь Отяжелень райононь Ботужелестэ Кандрашкинтнэнь трудовой династиясь. Эйсэнзэ 14 ломанть. Династиянть вейсэнь стажось – 272 иеть. Династиянть прявтсо Анастасия Ивановна. Сон велень хозяйствасо важодсь 45 иеть. Кастась модамарь, анокстась тикше. Велесэ арази аламо тевтнеде! Эйкакшонзояк важодема таркаст сюлмавозь велень хозяйстванть марто. Сехте покшось, Николай Иванович, важоди МР-нь Велень хозяйствань ды продовольствиянь министерствасо. Ялаксозо, Виктор Иванович, труди «Од азор» крестьянско-фермерэнь хозяйствасонть, конань прявтсо Александр Иванович Кандрашкин. Анастасия Ивановнань эште вейке церазо – Иван Иванович, важоди шоферэкс. Владимир Иванович – «Од азор» хозяйствасо ветеринарной врач. Тесэ жо важоди котоце церазо – Михаил Иванович. Кудазораванть тейтерезэ, Надежда Ивановна, 28 иеть роботась велень хозяйствань предприятиясо. «Од азор» хозяйствасонть важодить Кандрашкинтнэнь эйкакшосткак.

МР-нь Прявтось Н.И.Меркушкин сыненст максызе «Сехте вадря трудовой династия» каштазонть ды премиянть – 272 тыщат целковойть. Кода кортыть: «Честесь – трудонь коряс».

Подробнее...
 
<< Первая < Предыдущая 11 12 13 14 15 16 17 18 19 20 Следующая > Последняя >>

Страница 20 из 20

Новости

Партийцы провели мониторинг реконструкции здания детсада и парковой зоны в селе Большие Березники
Ремонтные работы проходят в рамках партийных проектов «Новая
школа» и «Городская среда»
В 2019 году на ремонтные работы и строительство дополнительного
корпуса к Большеберезниковскому детсткому саду «Теремок» выделено
около 53 миллионов рублей в рамках партийного и национального
проектов. Всего в районе 424 ребенка дошкольного возраста, в райцентре
Большие Березники проживает 326 детей. В электронной очереди на
получение мест в дошкольном учреждении стоят 77 ребят. В Больших
Березниках ждут открытия реконструированного детского сада с
нетерпением. Окончание работ запланировано на 31 октября. Депутат
Государственного Собрания республики Александр Акайкин,
представители районной администрации ,местного отделения партии
остались довольны качеством проведенных работ. Строящийся новый
корпус детского сада рассчитан на 60 мест. Здесь будут размещены
ясельные группы. Уже практически закончены строительно-монтажные
работы.
Подробнее ...
 
В День физкультурника в спортивных сооружениях Мордовии прошли Дни открытых дверей
День физкультурника широко отпраздновали в Саранске и районах республики. В этот день в физкультурно-оздоровительных комплексах и бассейнах, построенных в рамках реализации федерального партийного проекта «Строительство физкультурно-оздоровительных комплексов» в Республике Мордовия прошли спортивные праздники.


 
Подробнее ...
 
«Почти половина россиян готова проголосовать за "Единую Россию"
По сообщению  информационного агенства  ИНТЕРФАКС - "Единая 
Россия", КПРФ и ЛДПР прошли бы в Госдуму нового созыва в случае, если 
бы парламентские выборы проводились в ближайшее воскресенье, 
свидетельствуют данные опроса "Левада-центра", поступившие в 
"Интерфакс".
Согласно результатам социологического исследования, среди 
участников опроса, готовых отправиться в этот день на избирательные 
участки и определиться с партией, за которую хотят голосовать, 44% 
респондентов отдали бы предпочтение партии власти.
Подробнее ...
 
«Единая Россия» поддержала создание в каждом федеральном округе учебных центров для волонтеров
В каждом федеральном округе России при поддержке «Единой России», МЧС
России и Министерства просвещения появятся учебные центры для волонтеров.
Они помогут им получить необходимые знания и умения для оказания
эффективной помощи людям во время чрезвычайных ситуаций (ЧС). Об этом
заявил секретарь Генсовета «Единой России», вице-спикер Совета Федерации
Андрей Турчак во время посещения учебного центра Всероссийского
студенческого корпуса спасателей (ВСКС) в Москве.
Подробнее ...
 
Локомотивы роста: В ходе семинара обсудили расширение доступа субъектов малого предпринимательства к закупкам крупнейших заказчиков
В Торгово-промышленной палате при поддержке рабочей группы проекта
«Единой России« «Локомотивы роста» состоялось заседание, в ходе которого
обсуждались возможности расширения предпринимательства к закупкам крупнейших заказчиков. На встрече обсудили
меры финансовой поддержки субъектов МСП, способы их участия в закупках,
систему информационного обеспечения и контроль деятельностью.
«Сейчас для нас одной из главных задач является развитие промышленного и
высокотехнологичного малого и среднего бизнеса. Для этого нужно помочь
предпринимателям участвовать в закупках, в том числе и через механизм
лизинга», - сказал координатор партийного проекта «Локомотивы роста» в
республике Юрий Левашкин.