Рубрикатор

Развитие АПК
Вишка фермась эри, виензы

Республикань вейке покш промкссо, кона алтазель агропромышленной комплексэнь кевкстематненень, пек шназель «Культура» велень хозяйствань предприятиянь прявтось С.Б.Быстров. Ды ульнесь мезень кисэ шнамс Сергей Борисовичень. Эрьва иестэ «Культура» предприятиясь гектарсто сайни ламо сюро, скалсто потявтови ламо ловцо, миеви ламо сывель. Тень кувалма Гуляева велесь стясь пильге лангс. Эрицятнененьгак муевсь тев: кие анды вазт, скалт, кие соки-види паксят, кие уряды сюро.

Течияк «Культура» велень хозяйствань предприятиясь ашти кеместэ. Шкастонзо соксевить-видневить, урядавить паксятне. Тевтне вадрясто молить животноводствасояк. Теньсэ, нама, покш таликазо хозяйствань прявтонть С.Б.Быстровонь. А стяко сон аволь весть ульнесь МР-нь Прявтонь Государственной премиянь лауреатокс, казевсь Салавань I ды II степенень ордентнэсэ.

– Мон теян сень, мезе учить пельдень велень эрицятне, – видькстась С.Б.Быстров. – Те монень канды ансяк кеняркс.

Тешкстасынек, «Культура» велень хозяйствань предприятиянть селмонзо ало кирдеви А.Н.Тетеревень вишка фермазояк.

– Минек фермась теезь 2010 иень августсто «Культура» предприятиянть юрсо, – евтни Александр Николаевич. – Кирдтяно 100 скалт. Тевенек вейке: кода седе ламо государствантень миемс ловцо. Фермасонок оборудованиясь неень шкань. Сон тей ускозь Америкасто.

Подробнее...
 
Николай Чикнайкин: «Корьмаенть эряви ванстомс»

Меельце иетнестэ покш мель явови сетненень, кить бажить важодемс велень хозяйствань производствасо. Сыненст явовить скалонь, тракторонь, комбайнань, удобрениянь, видьмексэнь рамамс кредитт. Истя тейсть республикань ламо эрицят, велень хозяйствань предприятиянь ды крестьянско-фермерской хозяйствань башка прявттнэ. Ансяк модань участкань  аволь весе азортнэ бажить корьмаенть лангсо важодемс виевстэ. Тень кувалма модась, кона явови велень хозяйствань производствантень, каднови апак соксе, лангсонзо касы зыянов тикше.

Подробнее...
 
Эрямованть моли арсезь

Улить ломанть, конат кундыть вейке тевс ды топавтыть сонзэ эрямонь перть. Вечкевикс тевезэст максыть весе виест, содамочист, ютко шкаст. Сынь а арсить седе, кода бу сюпалгадомс, а учить лезкс ве ендо. Кемить ансяк эсест лангс, эсь вийтнес ды эрямованть молить арсезь. Истятнэнь ютксо Отяжеле енксонь «Сабанчеевский» ООО-нь прявтось Д.Н.Игушкин. Дмитрий Николаевич весе эрямонзо алтызе сюронь кастомантень, скалонь трямонтень. Нурькинестэ меремс, велесэ эрямонть сюпалгавтомантень. Ды теде сон зярдояк а янкси.

Эйкакшпорасто уш кочкизе сюронь кастомань тевенть. Тиринь Сабанцелень средней школанть прядомадо мейле тонавтнесь Н.П.Огарев лемсэ Мордовской госуниверситетэнь велень хозяйствань факультетсэнть.

Вузонть прядомадо мейле Д.Н. Игушкин сась важодеме тиринь районов. Васня ульнесь велень хозяйствань предприятиянь прявтокс, мейле топавтсь Отяжелень райононь администрациянь прявтонь полавтыцянь – Велень хозяйствань управлениянь прявтонь тевтнень. Важодсь вадрясто. Сон сеске кель-вал мусь райононь велень хозяйствань предприятиянь прявттнэнь марто. Вейсэ толковить велень хозяйствасо одонть, мезесь а нолды эрямос совавтомс сюронь, ламбамо якстерькаень кастомасо од технологиятнень. Тунда паксясо роботатнень ушодовомадо икеле Дмитрий Николаевич оймамо а соды. Ютасынзе велень хозяйствань весе предприятиятнень, ванкшны – анокт-арась сынь паксясо важодемантень, улить-арась сатышка видьмексэст, минеральной удобренияст, трактортнэс, автомашинатнес уштомапелест. Неиндеряй кодамояк апаро тев, сон сеске витьсы. Тень кувалма Отяжелень райононь велень хозяйствань предприятиятне свал шкастонзо виднить, урядыть паксятнень. Эрьва гектарсто ниленьгеменде ламо центнерт сайнить сюро, нилесядто ламо центнерт ламбамо якстерькай. Районось республиканской трудонь пелькстамосо лисни изницякс.

Подробнее...
 
"Изнявкстнэ минек а оймавтыть"

Кода-бути совинь Атемар велень лавкас. Арсинь рамамс ламбамо симемапель. Тесэ кодат ансяк арасть! Эрьва кодамо лемень. Кувать кочкинь. Сельмезэнь каявсь суликань кедьгесэ симемапелесь. Питнезэ 16 целковойть. Саия. Аламошка симинь. Истя мелезэнь тусь! Лемезэ «Вкус детства». Ледстявсь тень эйкакш порам, зярдо истямо симемапель рамсинь Покш Березник велень лавкасто. Нама, саинь эште вейке бутылка.

– Те симемапеленть кие нолды? – кевкстнян микшницянть.

– Эсенек велень предпринимателесь Александр Лизин.

Шкань ютазь муия «Агромарк-Сервис» фирманть, конань прявтсо Александр Александрович Лизин.

Тешкстасынек, А.А.Лизин чачсь-кассь Атемар велесэнть. Тесэ прядызе средней школанть. Сонзэ прядомадо мейле тонавтнесь Н.П.Огарев лемсэ Мордовской госуниверситетэнь велень хозяйствань механизациянь ды электрификациянь факультетсэнть. Александр Александрович – алкуксонь предприниматель. Сырнень кедь мастер: технолог, механик. Сон пек вечксы эсь тевензэ, эйстэнзэ анок кортамс певтеме!

Течи А.А.Лизин минек инженек. – Александр Александрович, инескеть, евтнеде, кода весемесь ушодовсь…

Подробнее...
 
Анокстыть видемантень

Отяжеле енксонь хозяйстватне анокстыть тундонь видемантень. Теде пачтясть райононь велень хозяйствань управлениясто. Неть читнестэ Козловка велень механизатортнэ витнить трактортнэнь.

Яровоень видеме лисить кавто К-700, колмо МТЗ-1221 ды кавто МТЗ-82 трактортнэ. Ютазь сексня хозяйствань механизатортнэ кенерсть витнемс видемань агрегатнэнь покш пельксэнть. Ней вейке звенась пряды сеялкань ды весе прицепной инвентарень витнеманть.

Яровоень видьмекстнэде сатышка, а вана кормовой кукурузань, люцернань ды ламо иень тикшень видьмекстнэнь рамамодо ульнесь кортамо лия хозяйстватнень марто. Ней усковить минеральной удобреният. Тунда Козловкань механизатортнэнень эряви видемс 2 тыщат гектардо ламо. Тедеде ракшань комплексэнть панжоманзо марто ламолгавтови кормовой культуратнень алов площадесь.

 
<< Первая < Предыдущая 11 12 13 14 Следующая > Последняя >>

Страница 13 из 14

Новости

Сюкпрянь валт

Мордовия Республикань Прявтонть Владимир Волковонь лемс сась благодарность Адмирал Ушаков эскадрань миноносецэнь командирэнть Игорь Никитинэнь пельде. Мордовия Республикань подшефной миноносецэнь экипажонь прявтось республикань руководителентень ёвтась сюкпрянь валт военной моряктнень эрямост ды бытэст коряс мелявтоманть кисэ.

Подробнее ...
 
Сайсть медальть

Аволь умок Московсо ютавтозель «Сырнень сёксь» 19-це весероссиянь агропромышленной выставкась. Тосо эсь продукцияст невтизь Мордовиянь комсте ламо велень хозяйствань предприятиятне. Вана «Хорошее дело» агрогруппась тов усксесь «Мечта» ды «Юбилейное» кавто предприятиятнень продукцияст.

Подробнее ...
 
Апандыцятнень лангс – судс

Саранскойсэ поладовить важодематне жилищно-коммунальной услугатнень кис апандыцятнень марто. Сынст лангс каявить яволявтомат судс. Истя, ошонь Ленинской районсонть судс максозь 1160 искт 56 миллиондо ламо целковойс. Течинь чине эйстэст пандозь малав 2 миллионт целковойть. Кемекстазь 52 договорт долконь реструктуризациянть лангс. Теке марто 116 квартиратнесэ керязь электроэнергиясь.

Подробнее ...
 
Кода уштовить кудотне?

Саранскоень мэрэнть кедьсэ промкссонть кудотнень уштоманть коряс кевкстемась кармась сехте пштикс. Администрациянь прявтонь васень полавтыцянть, Ошонь хозяйствань департаментэнь директоронть Алексей Егорычевень валонзо коряс, Саранскойсэ ламо квартирас весе кудотнесэ ули лембесь. Ансяк улить мелявкст зярыя стояктнень коряс, кевкстемась решави.

Подробнее ...
 
Вадрятнень ютксо

Политикань ды экономикань коммуникациятнень агентствась нолдась РФ-нь субъекттнэнь прявттнэнь рейтинг. Сентябрянь цётамотнень коряс Мордовиянь Прявтось Владимир Волков совась вадря губернатортнэнь юткс ды саизе 19-це тарканть. Меельце ковонть перть сон кемекстызе те тарканть кавто пунктс.

Подробнее ...