Рубрикатор

Развитие АПК
Сюрось се, конась утомсо

 

 

… Ансяк совинек «МАПО и К» ТНВ ООО-нь прявтонть Н.В.Ютяевень кабинетс, Николай Всеволодович видькстась:

– Ялгат! Шкам ламо арась, ансяк зярыя минутат!

– Миненек ламо шка а эрявияк, ансяк мереде ков тенек ардомс ды кинь марто вастовомс, кие бу ёвтневель седе, кода течи тевтне молить сюронь паксятнесэ, –  каршо валсо ёвтынек меленек.

Зярыя минутас Николай Всеволодович толковизе тенек ков  ардомс ды кинь марто вастовомс.

Видькстатано, течи, зярдо эжди чипаесь ды зярдо моли сюронь урядамось, минь эзинек арсеяк велень хозяйствань  прявтонть Н.В.Ютяевень муемс кабинетстэ. Паро, кундынек нарядонь шкасто. Пси порастонть хозяйствань прявттнэ тосот, косо моли тедедень урожаень кис бороцямось. Истя сыргинек Чаунзань райононь «Ремезенское» ООО-в.



Подробнее...
 
Тевтне молить велувсо

Течи велесэ эрямось аволь сахар. Ды сон зярдо сокицятнень-видицятнень ульнесь ламбамо? Важодемань чись ушодови рана валске, прядови позда чокшне, тевтнеде ды мелявкстнэде свал певтеме. Ней бути велесэнть ули паро хозяйства, косо шкастонзо максови зарплатась ды мелявтыть важодицятнеде, бути топавтовить весе социальной ёнкстнэ ды ули важодема тарка од ломантненень, истямо эрямонть берянекс а ловсак. Тень минь неинек эсенек сельмсэ, зярдо ульнинек Сабанцелесэ, косо велень эрицятне ды шабра веленсетнеяк важодить «Сабанчеевское» велень хозяйствань предприятиясо.



– Александр Иванович, лоткак аламос! Журналистт састь, мартот мелест ули кортамс! – «Сабанчеевское» велень хозяйствань предприятиянь прявтонь васенце полавтыцясь Борис Николаевич Игушкин ахолдась кедьсэнзэ, лоткавты 5-це паксясто сюро марто ардыця «КамАЗ»-нть.

Александр Кузоваткин шоферэсь а мельсэ панжизе автомашинань вальманть ды кабинасто серьгедсь:

– Борис Николаевич, шкам арась, ардомс эряви!

– Александр Иванович, эряви кортнемс, куш зярыя минутат. Тон жо минек сырнень фонд.

– Тон монь нучк-пачк содасамак, ёвтник сень, мезе содат.

Б.Н.Игушкинэнь валонзо коряс, «Сабанчеевскоень» сырнень фондс совить велень  сехте вадрясто важодицятне, производствань икеле молицятне, кить предприятиясонть важодить аволь вейке кементь иеть. Кузоваткин – сынст ютксо. Сон тиринь велень хозяйствасонть важоди умок. Эсь тевень алкуксонь специалист. Машиназо свал тевсэ, мерят, овсе а яжавкшны, Кузоваткинэнь туртов сон теевсь тиринсекс.



Подробнее...
 
Горяйновка веленть маласо...

 


Июнень 28-це чистэ панжозель Сокамонь коряс Россиянь 8-це чемпионатось, конасонть эсь ёрокчист невтизь Россиянь 39 регионсто 49 трактористт. Почетной инжетнень ютксо ульнесть РФ-нь Велень хозяйствань министерствань растениеводствань, механизациянь, химизациянь ды касовкстнэнь ванстомаст коряс департаментэнь директорось Роман Некрасов, Сокамонь весемирэнь организациянь председателесь Колин Миллер.  Теке чистэнть РФ-нь Госдумань аграрной кевкстематнень коряс комитетэнь председателесь Владимир Кашин, РФ-нь велень хозяйствань министрань васенце полавтыцясь Джамбулат Хатуов, «Росагролизинг» АО-нь генеральной директорось Павел Косов, РФ-нь Госдумань депутаттнэ, МР-ва главной федеральной инспекторось М.С.Сезганов,  велень хозяйствань техникань содавикс нолдыцятнень представительтне МР-нь Прявтонть В.Д.Волковонь марто ванкшнызь выставкатнень, конат теезельть Саранск ошонь округонь Горяйновка веленть вакссо.

Тесэ инжетне ванкшнызь велень хозяйствань техниканть ды оборудованиянть, республикань муниципальной районтнэнь, пищевой ды перерабатывающей предприятиятнень ды лиятнень продукцияст. Весень мельс пек тусь «Березниковский» велень хозяйствань перерабатывающей кооперативенть продукциязо. Сынь нолдыть ансяк паро сосискат, сарделькат, эрьва кодамо сортонь колбаса, колмо видэнь тушенка – тувонь, скалонь, куркань сывельстэ, мраморной сывельстэ шашлык ды лия мезе. Кооперативесь, косо лововить 10 ломанть, важоди уш кавто иеть. Сонзэ прявтсо ашти М.В.Струёнков.

Михаил Владимирович видькстась, колбасань-мезень анокстамсто производствас сывельде башка мезеяк а кайсеви. Тень мельга кеместэ ваны технологось Григорий Наумкин.

Мордовиянь инжетне кувать аштесть «Сыродельный комбинат «Ичалковский» предприятиянь палатканть вакссо. Тесэ инжетне ды участниктне ванкшнызь «Пармезан», «Монгал» ды лия сортонь сыратнень.

«Агрофирма «Октябрьская» нармунень фабрикань прявтось И.С.Андин инжетнень содавтынзе продукциянть марто, конань нолдыпредприятиясь, ды, нама, микшневи аволь ансяк минек республикасо, сонзэ томбалеяк. Аволь умок нармунень фабрикась ушодсь нолдамо мороженой. Течи сонзэ нолдыть 11 видэнь.

Джамбулат Хатуовонь валонзо коряс, Россиянь велень хозяйствань министрась Николай Патрушев мель явсь сеть невтематненень, конатнень таштынзе республикась. Региононть а берянь экспортозо. Паро изнявкст таштазь животноводствасо ды растениеводствасо. Переработкасо тевс нолдавить неень шкань технологиятне. Целанек Мордовиянь агропромышленной комплексэсь важоди пек виевстэ.

МР-нь Прявтонть В.Д.Волковонь валонзо коряс, республикань велень хозяйстванть виегавтомасо те турнирэсь лездась теемс эскелькс икелев.

Паро, те площадкасонть невтневи весе вадрясь, мезе ули Россиянь АПК-со. Тесэ ламо од ломанть, конатне карзень кувалма кенярдомс, эдь минь нолдатано весементь, мезе теить велень хозяйствасо масторлангсонть, Россиясо. Ды отраслясь ловови сехте технологичнойтнестэ вейкекс, –  тешкстызе Владимир Дмитриевич.

Истя жо В.Д.Волков ледстизе, «Росагролизингенть» марто вейсэ Дубенкань районсо строяви 6,5 тёжат потявтовиця скалс комплексэсь, кона карми Россиясо сехте покштнестэ вейкекс.

Кода мерсь Владимир Кашин, РФ-нь Госдумань аграрной кевкстематнень коряс комитетэнть республикав самось анокстазель загодь. Аравтлувсост васенце таркасоль Мордовиясо Сокамонь коряс Россиянь чемпионатонть ютавтомась. «Те анокстамонть лувсо теезь ламо, те течи тесэ неяви. Сетнень туртов, кить важодить велесэ, профессиянтень, корьмаентень мелень явома. Техникась, конась нолдави масторсонок, кецявты. Минь толковасынек сень, мезе эряви велентень, штобу парсте, емавкстомо ютавтомс видематнень ды паксянь урядамотнень. Покш меленек – велесэ эрямось паролгадоволь», – тешкстызе Владимир Кашин.

«Росагролизингень» генеральной директорось Павел Косов ледстизе, предприятиясь

ловови АПК-нь рынкасо сехте эрявикстнэстэ вейкекс, истя жо сон – Россиянь велень хозяйствань техникань сехте виев рамиця ды микшниця.  «Мордовиясь – сехте малавикс ды умонь партнёронок.  Секс покш мель явтано республикантень, сонзэ прявттнэнень. Минь тей ламо ярмакт явинек», – тешкстызе Павел Косов.

Тешкстасынек, июнень 28-це чистэ Сокамонь коряс Россиянь чемпионатонть лувсо ютавтозельть зярыя мероприятият, тень ютксо: «Обновление парка сельхозтехники: опыт, практика, перспектива» пленарной конференциясь, Кадошкина поселкасо «Мир цветов» тепличной хозяйстванть ванкшномась, истя жо Ковылкина райононь Кочелаева велесэ РФ-нь Госдумань аграрной кевкстематнень коряс комитетэнь выездной заседаниясь, конань темазо ульнесь истямо: «Сельские территории в пространственном развитии страны: потенциал, состояние, перспективы (на примере Республика Мордовия).

«Обновление парка сельхозтехники: опыт, практика, перспективы» пленарной конференциянть панжомсто, МР-нь Прявтось В.Д. Волков мерсь: «Мордовиянть туртов пек паро, што сон кочказь Сокамонь коряс Россиянь чемпионатонь ютавтомань таркакс.

Те решениянть кис покш сюкпря РФ-нь велень хозяйствань министерствань ды «Росагролизинг» государственной компаниянь прявттнэнень. Минь кецятано, мероприятиясь лиссь пек покшокс, тей састь Россиянь ламо регионсто. Тей пурнавсть государственной ды общественной организациянь прявттнэ, авторитетной эксперттнэ, покш предприятиянь ды фермерэнь хозяйствань азортнэ, сень кисэ, штобу муемс кить-янт аграрной отраслясо талновтыця кевкстематнень изнямосо».

Течи Мордовиясо лововить 3 тёжадо ламо тракторт, вейке ды пель тёжат сюронь ды коромонь урядамонь комбайнат, малав 3,5 тёжат видемань ды велень хозяйствань инвентарь.

РФ-нь Госдумань велень хозяйствань кевкстематнень коряс комитетэнь председателесь Владимир Кашин промкссонть тешкстызе, республикасо эрямос совавтовить паро проекттнэ. Сонзэ валонзо коряс, розень кастомасонть ды сырань нолдамосонть теезь виев эскелькс, АПК-нть виевгавтомасо республиканть опытэсь тонавтневи Россиянь лия регионтнэсэ.

Истя, кавто чить пелькстасть трактористтнэ Сокамонь коряс Россиянь чемпионатсонть. Раськеютконь судьянь коллегиясь, конань составс совасть Европейской сокамонь федерациянь ды масторлангонь сокамонь организациянь члентнэ, изницякс ёвтызе Пензань областень трактористэнть Сергей Захаровонь. Сонензэ максозь главной казнесь – Петербургонь тракторонь заводонь  «К-424» тракторось.

Чемпионатонь призёрокс кармасть Орловской областень трастористэсь Виктор Устинов ды Ивановской областень трактористэсь Сергей Телегин.

Неть пелькстамотнесэ пек бажась изнямс Мордовиянь трактористэсь Сергей Митрофанов, но изницятнень юткс сон эзь понго.

Мордовиянь лия представителесь Алексей Киреев (Покш Березникень район), эсь ёрокчинзэ невтизе «Трактор-шоусо» ды тесэ саизе колмоце тарканть.

 

Пётр Зиновьев,

Саранск ошонь Октябрьской райононь

Горяйновка веле

 
Алексей Киреев: «Чемпионатонтень Анокстан весеме ёндо»

Меельце иетнестэ Мордовиясо кодат пелькстамот ансяк а ютавтневить?! Эйзэст сакшныть аволь ансяк минек масторонь спортсмент, омбо мастороньгак. Ютазь иень кизна ютавтозель Футболонь коряс масторлангонь чемпионатось, ней весеме ёндо моли Сокамонь коряс Россиянь кавксоце панжадо чемпионатонтень анокстамось. Россиянь чемпионатось, кона вейсэнди велень трудий ломантнень, невтизе прянзо кода алкуксонь площадкакс, косо аграрной отраслянь сокицятне ды лия специалисттнэ невтьсызь эсь ёрокчист. Самай истят профилень мероприятиятне лездыть кемекстамс велень хозяйствань профессиятнень лангс вановтонть, меленть.


Подробнее...
 
«Норовсо» видемась ушодовсь шкастонзо

Кочкуровань райононь «Норов» Аграрно-производственной фирмасонть  «Тундонь чись ие анды» кезэрень валмеревксэнть аволь ансяк парсте содасызь, васняяк, эряви меремс, сонзэ эрязасто совавтыть эрямос. Республикасонок содавикс, икеле молиця «Норов» компаниянь группатнень прявтонть, МР-нь Госсобраниянь депутатонть А.И.Поздняковонь марто вастовинек пек аютко ды ответственной шкастонть – видеме ушодомань васенце чистэнть. Видькстатано, ульнесь меленек те хозяйстванть содавтомс робочей чинть ушодовомсто, ды уш валскень сисем чассто те предприятиянь администрациянь зданиянть икеле рединек эрьва чинь планёркантень пурнавозтнень, конатне капшазь сыргасть эсь тевест топавтомо.

Подробнее...
 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 2 из 21

Новости

В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...
 
В Лямбирском районе поздравили старейшего члена Партии Николая Парамонова
 
Сегодня старейшему члену Партии «Единая Россия», жителю Лямбирского района Николаю
Андреевичу Парамонову исполнилось 88 лет. В Лямбирском местном отделении Партии
собрались гости, чтобы поздравить партийца с праздником.
Первый заместитель руководителя Мордовского регионального исполнительного комитета
Партии «Единая Россия» Евгений Миронов горячо поздравил Николая Андреевича и вручил
партийцу памятный подарок.


В этот день прозвучали поздравления в адрес Николая Парамонова от Секретаря Лямбирского
местного отделения – Александра Сесорова, члена республиканского политического совета –
Татьяны Терентьевой.
Подробнее ...
 
В Саранске проходит акция «Теплые окна»


Акция организована Региональным отделением «Единой
России» и активистами Молодой Гвардии. Она проходит
ежегодно в рамках месячники пожилых людей.
С начала октября представители молодежного крыла Партии
посетили более 10 адресов, утеплили окна, провели уборку. 90
летняя Аза Мельник живет в частном доме, она была очень рада
молодым активистам и общению с ними. Более 50 лет Аза
Кузьминична отдала преподавательской работе в Мордовском
государственном университете. Ребята вымыли окна, убрались в
доме и в саду, получив удовольствие от проделанной работы.


Подробнее ...
 
Единороссы на дискуссионной площадке обсудили реформирование лесного хозяйства
На очередном
заседании Региональной дискуссионной площадки
Всероссийской политической Партии «Единая Россия» 3 октября
единороссы обсудили вопрос «Реформирования лесного хозяйства и
создания эффективной системы борьбы с лесными пожарами».
Первый заместитель Руководителя Регионального исполнительного комитета
Партии Евгений Миронов рассказал собравшимся, что предложение
пересмотреть нормативные правовые акты в сфере тушения пожаров в
регионах, в том числе по зонам контроля, прозвучало от Председателя
Партии, Председателя Правительства Дмитрия Медведева на совещании по
ситуации с лесными пожарами в Сибирском Федеральном округе и Партия
«ЕДИНАЯ РОССИЯ» поддержала данное решение.
Подробнее ...