Рубрикатор

Развитие АПК Паро койтнень поладозь
Паро койтнень поладозь

Предприятиянть

историясто

Советской шкасто Покш Березникень районсо ульнесть ламо виев колхозт. Неть – Калинин лемсэ, «Паракинский», «Труд», «Искра», Киров лемсэ велень хозяйствань предприятиятне. Эйстэст, нама, пек явовсь Киров лемсэ колхозось, конань прявтсоль М.С.Струенков. Тесэ важодицятне эрьва иестэ велькска топавтнесть государствантень ловцонь, сывелень миемань аравтлувонть. Весемеде ламо гектарсто сайнесть сюро. Михаил Сергеевич свал арсесь вандынь чиде, сюронь кастомасо эрямос совавтсь одонть. Районсонть, паряк, ульнесь васенцетнень ютксо, кие трактортнэнь ды автомашинатнень кирдсь лембе таркасо. М.С.Струенковонь важодемань лувонть ладямонть тонавтнеме сакшность аволь ансяк шабра велетнестэ, истя жо республикань лия районтнэстэяк. Сон оймензэ панжсь весенень. Эзь кекше эсь содамочитнень.

М.С.Струенковонь пингстэ Киров лемсэ колхозсонть строязельть скалонь ламо фермат, рамазельть комбайнат, тракторт, велень хозяйствань прицепной инвентарь. Скалонь ферматнес аравтозель-путозель од оборудования. Тень кувалма Киров лемсэ колхозсонть кедьвийсэ роботатне айгезельть ве енов.

Кодак сыль тундось, колхозонь трактортнэ видеме лисильть весемеде икеле. Секскак, видеманть прядыльть шкастонзо. Те шкастонть колхозонь прявтонть М.С.Струенковонь сеедьстэ некшнесть те эли тона паксясонть. Сон свал тосоль, косо мольсь сы урожаенть кис бороцямось. Вастневиль трактористтнэнь марто, бажась содамс, кодат стакачить вастыть сюронь кастыцятне. Бути истят тевть вастневсть, Михаил Сергеевич сынст решась видьстэ паксясо. М.С.Струенков оймамо а содыль, тень вешсь мартонзо важодицятнень пельдеяк. А вечкиль сетнень, кить важодсть мельде-валдо. Покш Березник велень эрицятне М.С.Струенковонь нейгак ледстнить ансяк паро валсо. Сон ульнесь велень хозяйствань предприятиянь алкуксонь прявтокс, паксянь алкуксонь азорокс.

Эрямонь эскелькст

Тенень кияк эзь дивазеве: М.С.Струенковонь тевензэ, велень хозяйствань предприятиянь койтнень поладынзе… нуцьказо Михаил Владимирович Струенков. Сон Покш Березник велень средней школанть прядызе пек парсте. Школань тонавтыцятне ды ялганзо Михаил Струенковонь эзть карма кевкстнеме ков моли тонавтнеме, кодамо кочкась эстензэ тев. Сынь содасть, М.В.Струенков а яви веленть эйстэ. Кочкасы сюронь кастыцянь тевенть. Истя лисськак. Михаил Струенков парсте максынзе экзаментнэнь Н.П.Огарев лемсэ Мордовской госуниверситетэнь велень хозяйствань механизациянь факультетс.

Видьстэ мертяно, университетсэ тонавтнемась Михаил Владимировичень туртов максовсь шождасто. Кода велень эриця, сон парсте содылизе велень хозяйствань техниканть. Уш школасо тонавтнемстэ сон ветнесь тракторт, автомашинат. Университетсэ тонавтнемстэ производственной практиканзо ютавтсь тиринь велень предприятиясо. Тесэнь умонь трактористтнэ, хозяйствань прявттнэ Михаил Струенковнень кортыльть: «Михаил, эйстэть лиси велень хозяйствань паро прявт, кодамокс ульнесь покштят Михаил Сергеевич».

М.В.Струенков паро валтнэнь, конатне евтазельть сонзэ лемс, пиле вакска эзинзе нолда. 2004 иестэ, университетэнть прядомадо мейле, сась важодеме тиринь колхозов. Важодсь тесэ механикекс. Се шкастонть районсонть велень хозяйствань ламо предприятиятне каладсть. Теке тевесь учось Киров лемсэ хозяйствантькак. 2005 иень мартонь 1-це чистэ Покш Березник велень Киров лемсэ хозяйствасо важодицятне тейсть покш промкс. Эрявсь кочкамс велень хозяйствань предприятиянь прявт. Пуромозтне вейке вайгельсэ хозяйствань прявтокс кочкизь Михаил Владимирович Струенковонь. Минь, келя, парсте содасынек Михаил Владимировичень. Сон эсь тевень алкуксонь специалист. Ансяк Михаил Владимирович ванстсы велень хояйствань предприятиянть. Ды теезель «Кировское» киртязь ответственность марто вейсэндявксось.

– Теде мейле ютасть уш кавксо иеть, – евтни «Кировское» ООО-нь прявтось М.В.Струенков. – Важодемань васенце иетнестэ ушодынь тракторной парконть одкстомтомо. «Велень кемекстамо» государственной унитарной предприятиянть вельде раминек неень шкань 6 комбайнат, кото «КамАЗ» автомашинат, культиваторт, сеялкат.

– Течи хозяйствастонок ташто тракторт а неят, – полады Михаил Владимирович. – «Кировское» ООО-сонть важодить малав сядо ломанть. Эйстэст ламотне од ломанть. Сынь маштыть важодеме эрьва кодамо тракторсо, автомашинасо.

Тешкстасынек, «Кировское» ООО-нть мельга кемекстазь 2300 гектарт мода. Тедеде видезь 1100 гектарт яровойть. Те тевенть топавтсть ниле трактористт. Неть – Н.Д.Вишняков, С.А.Токарев, В.Е.Токарев, С.Н.Храмов. Сынь весементь тейсть шкастонзо видеманть прядомга. Сынст МТЗ-82 тракторост важодсть чинек-венек. Уштомапелень коряс кодамояк стакачи эзть сода. Неть читнестэ хозяйствасонть важодицятне прядызь кукурузань видеманть. Те культуранть алов явозь 250 гектарт мода.

– Мелят минь виднинек зернакс кукуруза, – евтни М.В.Струенков. – Содатадо, эзинек маняво. Пурнынек 450 тоннат. Сонзэ яжавтынек ды телень перть андынек скалтнэнень.

Вандынь чиде арсезь

М.В.Струенков свал арси вандынь чиде, мелявты предприятиясонть важодицятнеде. Истя, «Труд» колхозонь модатне ламо иеть эзть соксеве, эзть видневе. Михаил Владимирович неть модатненьгак саинзе эстензэ. Эрявикс документт тейсь Руз Найман велень эрицятнень пайтнень лангскак. Ней Михаил Владимировичень аравтлувсонзо саемс Симкина велень модатнень.

«Кировское» ООО-сь покш мель яви скалтнэнень коромонь анокстамонтень. Ламо иень тикшетнень алов явозь 1400 гектарт мода. Эрьва иестэ тестэ пурнакшныть ламо тикше. Тень кувалма пек кецить хозяйствань животноводтнэ.

Течи «Кировское» ООО-сонть лововить 1200 скалт. Эйстэст нилесядтнэ – потявтовицят. Эрьва чистэ «Кировское» ООО-сь мии 5 тоннат ловцо.

Тешкстасынек, те иень васенце кварталстонть потявтозь 3150 центнерт ловцо. Государствантень миезь 2938 центнерт. Тень кисэ саезь 3 миллиондо ламо целковойть.

Кецявты од фермась

«Кировское» ООО-нть важодицятнень мельспарост – скалонь од фермась. Сон пек лади неень шкань вешематненень. Тесэ весе оборудованиясь од, кедьвийсэ тевть а теевить. Тесэ 400 потявтовиця скалт. Вазтнэ кирдевить-андовить Мариуполь велесэ. Хозяйствасонть пек шныть скалонь потявтыцятнень О.М.Наземкинань, П.Н.Шубинань, Т.П.Афанасьевань. Сынь чистэ потявкстнэнь покшолгавтыть. Сыненст эрьва мейсэ лездыть скалтнэнь искусственной осеменатортнэ А.Д. Афанасьева ды Н.А.Каклеева.

Строяви ловцонь семейной ферма

Меельце иетнестэ республикань ламо районтнэсэ важодить ловцонь семиянь фермат. Неть ферматне строявить МР-нь Правительстванть ды Велень хозяйствань ды продовольствиянь министерстванть ушодксост коряс. Те паро тевенть эйстэ ве енов эзь кадово «Кировское» ООО-нь прявтось М.В.Струенков. Сон зярыя ковт чийнесь документтнэнь марто, штобу ушодомс хозяйствасонть ловцонь семиянь фермань строямо. Окойники, тевесь сыргась таркастонзо. Течи сон пелезэ анок.

– Эште эрявить малав 30 миллионт целковойть ярмакт, – видькстась М.В.Струенков. – Арсян, маласо шкастонть зняро ярмакт таштатано ды строямонть прядсынек педе-пес. Фермасонть карматано кирдеме малав 200 потявтовиця скалт. Ракшатнень рамсетяно эсенек ярмак лангс. Те ферманть сеске редясынк Покш Березник велестэ Шугуровав ардомсто.

Сынь – кеме нежеть

Содазь, строительной организациянь, промышленной предприятиянь, велень хозяйствань предприятиянь прявттнэнь покш изнявксонь таштамосонть улить кеме нежест. Истят улить «Кировское» ООО-нь прявтонть М.В.Струенковоньгак. Неть – главной инженерэсь Ф.М.Кистенев, главной агрономось А.В.Левин, полавтыцязо Н.Н.Струенкова ды лиятне. Сынь аволь истят, кить тевть теить телефононь вельде. Тевень коряс ардтнить аволь ансяк шабра хозяйстватнес, республикань томбалевгак. Тень кувалма течи «Кировское» ООО-нть свал тевсэть трактортнэ, автомашинатне, сатныть удобрениятне, видьмекстнэ.

Лезды «Ялга» лавкась

Ней велень хозяйствань ламо предприятиятне кирдить эстест лавкат. Веенст микшнить алт, ловцо, омбонст – сывель, топо, сыра. Эсензэ лавказо ули «Кировское» ООО-нтькак. Тесэ микшнить ловцо, ярсамопельть, строительной материалт. Лавканть панжомасонть, нама, покш таликаст М.В.Струенковонь, Покш Березникень райононь администрациянь прявтонть А.Н.Суринэнь.

Те лавканть вельде ловцо рамсить райононь эйдень кужотне, районной больницясь, лиятне. Истя, иезэнзэ «Ялга» лавкась микшни товарт 9 миллионт целковоень питнес.

…«Кировское» предприятиястонть сыргамсто вастовинек районной больницянь главной врачонть П.А.Шачинов марто.

– Михаил Владимирович – велень хозяйствань предприятиянь алкуксонь прявт, – мельспаронь апак кекше корты Петр Алексеевич. – Предприятиясь каладома лангсоль. Вана Михаил Владимирович аволь ансяк ванстызе, теизе виевекс, сюпавокс. 2011 иестэ те хозяйствань прявтонтень Михаил Владимирович Струенковнень зернакс ламо кукурузань саеманть кисэ максозель диплом. Содан, сонзэ паро роботань кисэ ламо казнензэ.

Петр Зиновьев

Покш Березникень район.

 

Новости

В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...
 
В Лямбирском районе поздравили старейшего члена Партии Николая Парамонова
 
Сегодня старейшему члену Партии «Единая Россия», жителю Лямбирского района Николаю
Андреевичу Парамонову исполнилось 88 лет. В Лямбирском местном отделении Партии
собрались гости, чтобы поздравить партийца с праздником.
Первый заместитель руководителя Мордовского регионального исполнительного комитета
Партии «Единая Россия» Евгений Миронов горячо поздравил Николая Андреевича и вручил
партийцу памятный подарок.


В этот день прозвучали поздравления в адрес Николая Парамонова от Секретаря Лямбирского
местного отделения – Александра Сесорова, члена республиканского политического совета –
Татьяны Терентьевой.
Подробнее ...
 
В Саранске проходит акция «Теплые окна»


Акция организована Региональным отделением «Единой
России» и активистами Молодой Гвардии. Она проходит
ежегодно в рамках месячники пожилых людей.
С начала октября представители молодежного крыла Партии
посетили более 10 адресов, утеплили окна, провели уборку. 90
летняя Аза Мельник живет в частном доме, она была очень рада
молодым активистам и общению с ними. Более 50 лет Аза
Кузьминична отдала преподавательской работе в Мордовском
государственном университете. Ребята вымыли окна, убрались в
доме и в саду, получив удовольствие от проделанной работы.


Подробнее ...
 
Единороссы на дискуссионной площадке обсудили реформирование лесного хозяйства
На очередном
заседании Региональной дискуссионной площадки
Всероссийской политической Партии «Единая Россия» 3 октября
единороссы обсудили вопрос «Реформирования лесного хозяйства и
создания эффективной системы борьбы с лесными пожарами».
Первый заместитель Руководителя Регионального исполнительного комитета
Партии Евгений Миронов рассказал собравшимся, что предложение
пересмотреть нормативные правовые акты в сфере тушения пожаров в
регионах, в том числе по зонам контроля, прозвучало от Председателя
Партии, Председателя Правительства Дмитрия Медведева на совещании по
ситуации с лесными пожарами в Сибирском Федеральном округе и Партия
«ЕДИНАЯ РОССИЯ» поддержала данное решение.
Подробнее ...