Рубрикатор

Развитие АПК Тевтне молить велувсо
Тевтне молить велувсо

Течи велесэ эрямось аволь сахар. Ды сон зярдо сокицятнень-видицятнень ульнесь ламбамо? Важодемань чись ушодови рана валске, прядови позда чокшне, тевтнеде ды мелявкстнэде свал певтеме. Ней бути велесэнть ули паро хозяйства, косо шкастонзо максови зарплатась ды мелявтыть важодицятнеде, бути топавтовить весе социальной ёнкстнэ ды ули важодема тарка од ломантненень, истямо эрямонть берянекс а ловсак. Тень минь неинек эсенек сельмсэ, зярдо ульнинек Сабанцелесэ, косо велень эрицятне ды шабра веленсетнеяк важодить «Сабанчеевское» велень хозяйствань предприятиясо.



– Александр Иванович, лоткак аламос! Журналистт састь, мартот мелест ули кортамс! – «Сабанчеевское» велень хозяйствань предприятиянь прявтонь васенце полавтыцясь Борис Николаевич Игушкин ахолдась кедьсэнзэ, лоткавты 5-це паксясто сюро марто ардыця «КамАЗ»-нть.

Александр Кузоваткин шоферэсь а мельсэ панжизе автомашинань вальманть ды кабинасто серьгедсь:

– Борис Николаевич, шкам арась, ардомс эряви!

– Александр Иванович, эряви кортнемс, куш зярыя минутат. Тон жо минек сырнень фонд.

– Тон монь нучк-пачк содасамак, ёвтник сень, мезе содат.

Б.Н.Игушкинэнь валонзо коряс, «Сабанчеевскоень» сырнень фондс совить велень  сехте вадрясто важодицятне, производствань икеле молицятне, кить предприятиясонть важодить аволь вейке кементь иеть. Кузоваткин – сынст ютксо. Сон тиринь велень хозяйствасонть важоди умок. Эсь тевень алкуксонь специалист. Машиназо свал тевсэ, мерят, овсе а яжавкшны, Кузоваткинэнь туртов сон теевсь тиринсекс.




Течияк, зярдо «Сабанчеевское» велень хозяйствань предприятиясо виевстэ моли сюронь урядамось, А.И.Кузоваткин сехте вадрятнень ютксо. Александр Иванович хозяйствань тинге лангов комбайнатнень алдо усксь уш 540 тоннат сюро, мезесь шофертнэнь ютксо весемеде ламо. Эйстэнзэ аламодо кадовить М.М.Палькин, В.П.Федотов, конат истя жо совить хозяйстванть сырнень фондс.

5-це паксясь ашти Сабанцеленть эйстэ аволь васоло. Тесэ видезь шуж. Сонзэ алов явозь 104 гектарт мода.

– Маней чить кармить, паксянть урядасынек вейке-кавто чис, – ёвтни «Сабанчеевское» велень хозяйствань предприятиянь прявтонь васенце полавтыцясь Б.Н.Игушкин. – Сюронть урядыть комбайнертнэ Александр Михайлович Бакшайкин, Александр Сергеевич Туров, Николай Дмитриевич Казаков.

Тешкстасынек, хозяйствань комбайнертнэнь эйстэ явови А.М.Бакшайкин. Сон эсь «РСМ-161» комбайнасонть пивсэсь уш 900 тоннат сюро, мезесь весемеде ламо аволь ансяк «Сабанчеевское» велень хозяйствань предприятиясо, весе районсонтькак.

– Минек хозяйствасонть сюронть алов явозь 4900 гектарт мода, – ёвтни В.С.Кочурина, «Сабанчеевское» велень хозяйствань предприятиянь главной агрономось. – Тень ютксо 3314 гектарт шуж, 725 гектарт озимой товзюро, 856 гектарт яровой товзюро, 150 гектарт рапс, 200 гектарт зёрнакс кукуруза.

– Августонь 19-це чинтень сюротне урядазь 50 %. Эрьва гектарсто саеви 30 центнерт сюро, – полады Вера Сергеевна. – Хозяйствань утомтнес ускозь сисем тёжадо ламо тоннат сюро.

Пачкодинек Сабанцелень тинге лангонтень. Тей сюро марто автомашинатне ардыть ды ардыть. Сынст васты тинге лангонь прявтось Т.В.Слугина.

– Тесэ сюронть минь костятано, мейле сонзэ сортировасынек ды анокстатано видьмекст, – ёвтни Татьяна Васильевна. – Чинь норманть свал топавттано велькска.

Тинге лангсо тевест парсте топавтыть М.В.Сайгушкина, Г.Ф.Егорычева, Н.В.Масакова. Костямонь механизматнень мельга ваныцятне В.Ф.Сорокин, Г.В.Борисов, Н.М.Красноперов. Тесэ, тинге лангсо, вадрясто важодить шофертнэ В.М.Слугин, Н.Д.Бухаркин. Сынь сюронь костямонть алдо утомс усксить сюронть. Сынь весе тескень, Сабанцелень.

– Мон косо ансяк эзинь важоде, эрьва кодамо тевть топавтынь, – ёвтни М.В.Сайгушкина. – Тесэ жо, тиринь велесэ, важодемась мелезэнь пек тусь. Сюкпря хозяйствань прявтонтень Дмитрий Николаевич Игушкиннэнь. Сон пек мелявты хозяйствасо важодицятнень ды целанек веленть кис. Видькстатано, аволь уле хозяйствась, ёмаволь Сабанцеле велеськак.

Эзь ёма Дюрькина велеськак, кона сови «Сабанчеевское» ООО-нтень, тесэнь тинге лангось истя жо чаво а эрси. Тесэ роботатнень лади Л.И. Гутрина прявтось. Сюронь ванськавтомань ды костямонь машинатнень мельга пштистэ ваныть М.В.Шаляев, В.М.Палькин, П.Р.Ершов.

Тинге лангонь прявтось Л.И.Гутрина пек шнызе В.М.Палькинэнь.

– Виктор Михайлович тевензэ содасы парсте, – корты Любовь Ивановна. – Арасель истямо тев, сонзэ чумонзо кувалма аволь важоде сюронь костямось. Тевензэ вечксы ды тень топавты кементь иеть.

Седе тов сыргинек Аловелень, кона истя жо сови «Сабанчеевское» ООО-нтень, шужонь паксяв. Кевейкее комбайнатне паксяванть теке иневедьга уить, састо урядыть сюронть.

– Те паксясонть видезельть 183 гектарт, – ёвтни А.Н.Камашев управляющеесь. – Минек комбайнертнэ весементь теить, штобу шкастонзо урядамс сюронть. Техникась а яжавкшны. Миньгак мелест вантано. Комбайнертнэнь чистэ андтано колмоксть, видьстэ паксясо.

Тесэ кода а ледстямс паро валсо комбайнеронть М.И.Тихоновонь. Сон чачсь-кассь Дюрькина велесэ. Ансяк уш малав кемготово иеть эри Сабанцелесэ. Сюронь кастыцянь тевенть топавты малав комсь иеть. Те шканть перть Михаил Иванович теевсь алкуксонь специалистэкс. Сюронь паксятнева кодат ансяк комбайнат эзь ветне! Ней важоди «ДОН-1500Б» комбайнасо. Тензэ лезды Отяжелень Аграрной техникумонь 4-це курссо тонавтниця студентэсь Алексей Кукин. Сон – велень хозяйствань производствань вандынь мастер.

 

Истя жо комсте ламо иеть сюронь кастыцянь тевенть топавты Ю.А.Учеваткин. Сон лездыцянзо Алексей Анчков марто «ДОН-1500Б» комбайнанть тевтеме зярдояк а кирдить. Сон а яжавкшны. Те корты седе, сюронь кастыцятне покш мель явить сюронь паксятнень урядамонтень.

– Минек трактористтнэнь аволь ансяк важодемань покш опытэст, истя жо сынь пек ответственнойть, весе важодить оймень путозь, – трактористтнэде, комбайнертнэде ды шофертнэде кортамсто тешкстась Т.Н.Палькина экономистэсь. – Тувталтомо тевтеме а аштить.

Мелят Отяжелень Аграрной техникумсо тонавтницясь Виктор Учеваткин сюронь урядамсто важодсь комбайнеронь лездыцякс. Тедеде сонсь витнизе хозяйствань умонь комбайнанть ды лиссь сюронь урядамо. Комбайнерось овсе а каднови хозяйствань умонь комбайнертнэнь эйстэ. Пивсэсь зярыя тоннат сюро.

– Кармить важодеме велесэ Виктор Учеваткинэнь кондят (истят улить), сестэ велесь а ёми, – тешкстызе Татьяна Николаевна.

Истя жо тешкстасынек ялакстнэнь Александр ды Артём Орловтнень. Комбайнаст овсе а яжавкшны. Сынь пивсэсть уш знярыя кементь тоннат сюро.

Теке шкане «Сабанчеевское» велень хозяйствань предприятиясонть виевстэ моли сы урожаенть алов модань анокстамось. Озимойтнень алов моданть кавшакавтыть трактористтнэ Иван Виряскин, Александр Федотов. Нурькинестэ меремс, «Сабанчеевское» велень хозяйствань предприятиясо тевтне молить велувсо.

Сеньсэ, тевтне молить вадрясто, кодамояк стакачинь апак сода, нама, покш таликазо «Сабанчеевское» велень хозяйствань предприятиянь прявтонть Д.Н.Игушкинэнь.

 

Пётр Зиновьев.

Отяжелень райононь Сабанцеле-Дюрькина-Аловеле

 

Новости

Единороссы высадили еловую аллею в Саранске
Акция по высадке саженцев, посвященная 75-летней годовщине Великой
Победы, состоялась сегодня в Саранске в микрорайоне Юбилейный.
Представители регионального отделения Партии «Единая Россия», МГЕР
Мордовии, молодежных общественных организаций, студотрядов,
юнармии, поисковых отрядов посадили более 40 саженцев, которые
доставили из Краснослободского района республики.


Подробнее ...
 
В Краснослободском районе успешно реализуется проект «Наследники Гиппократа»
Сегодня в медицинском колледже прошло занятие для волонтеров-медиков
Одним из победителей конкурса общественно-значимых проектов первичных отделений Партии «Единая Россия» стал проект первичного отделения №381 Краснослободского района «Наследники Гиппократа». Этот проект уже успешно реализуется в медицинском колледже в рамках реализации партийных проектов «Здоровое будущее» и «Старшее поколение», его участниками стали студенты-волонтеры.
Как отмечает секретарь первичного отделения 381 Краснослободского района Татьяна Кутузова, на средства, полученные в рамках гранта, были закуплены тонометры для измерения артериального давления, медицинская литература.
Подробнее ...
 
Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...