Рубрикатор

Развитие АПК Алексей Киреев: «Чемпионатонтень Анокстан весеме ёндо»
Алексей Киреев: «Чемпионатонтень Анокстан весеме ёндо»

Меельце иетнестэ Мордовиясо кодат пелькстамот ансяк а ютавтневить?! Эйзэст сакшныть аволь ансяк минек масторонь спортсмент, омбо мастороньгак. Ютазь иень кизна ютавтозель Футболонь коряс масторлангонь чемпионатось, ней весеме ёндо моли Сокамонь коряс Россиянь кавксоце панжадо чемпионатонтень анокстамось. Россиянь чемпионатось, кона вейсэнди велень трудий ломантнень, невтизе прянзо кода алкуксонь площадкакс, косо аграрной отраслянь сокицятне ды лия специалисттнэ невтьсызь эсь ёрокчист. Самай истят профилень мероприятиятне лездыть кемекстамс велень хозяйствань профессиятнень лангс вановтонть, меленть.




Россиянь сокамонь коряс чемпионатось ютавтови июнень 28-29-це читнестэ Саранск ошонь округонь «1 Мая» ФГУП-нь паксясо. Пелькстамотне панжадот. Те корты седе, ёрокчинь невтеме нолдавить омбо масторонь сокицятнеяк. Текенень, Весемирэнь сокамонь организациянь прявттнэ састь вейке мельс – 2020 иестэ Россиясо ютавтови Сокамонь коряс масторлангонь первенства. Лисни, те иень чемпионатось – анокстамонь эскелькс сокамонь коряс масторлангонь чемпионатонтень.

Сокамонь коряс профессиональной ёрокчинь весероссиянь конкурсонть Мордовиясо ютавтомадо мелесь ёвтазель мелят сёксня «Сырнень сёксь – 2018» Россиянь агропромышленной комплексэнь выставкасонть, кона ютавтозель Московсо. Эсь кедьсэ ютавтомань мелест ёвтакшнызь масторонь аграрной вете виев регинтнэ, ансяк «Росагролизинг» АО-нь прявттнэ састь вейке мельс, Мордовия Республикась, конань паксятнесэ парсте эрямос совавтовить сехте од агротехнологиятне ды важоди неень шкань техникась, ютксост сехте вадря.

Карминек содамо трактористтнэнь лемест, кить кармить идеме Мордовиянть честензэ Сокамонь коряс Россиянь панжадо чемпионатсонть. Неть – «Велень кемекстамо» АО-нь велень хозяйствань техникань витнемань коряс участкань прявтось С.И.

Митрофанов ды Покш Березникень райононь «Агрофирма «Кировская» велень хозяйствань предприятиянь трактористэсь А.С.Киреев.

Сергей Митрофанов сокамонь ёрокчинзэ невтизе весероссиянь колмо конкурссо: Тюменьсэ, Суздальсэ ды Уфасо. Сонзэ сехте покш изнявксозо – саизе 12-це тарканть весероссиянь чемпионатсо, кона ютавтозель мелят Уфасо.

Алексей Киреев истят пелькстамотнесэ арасель вестькак, секскак прянзо аноксты весеме ёндо.

Неть читнестэ Александр Киреев марто вастневсь минек корреспондентэсь ды макссь тензэ зярыя кевкстемат.

Алексей Сергеевич, Весероссиянь чемпионатсонть ёрокчист невтеме бажасть республикань ламо трактористт. Кочкидизь тонь. Мезень коряс?

– Монськак абунгадынь. Теде тень ёвтась «Агрофирма «Кировская» велень хозяйствань предприятиянь прявтось Михаил Владимирович Струёнков. Паряк, сон кисэнь вал каясь. Эдь тевем топавтан вадрясто ды корьмаенть лангсо вечкан важодеме. Эйкакшпорасто уш карминь содамо сюронь кастыцянь тевенть. Кизэнь каникулатнестэ важодинь комбайнёронь лездыцякс. Тунда ды сексня лездынь тетянень тракторсо ды автомашинасо важодемстэ.

Михаил Владимирович пек мелявты хозяйствасонть важодицятнень кисэ. Сон, меремс, нучк-пачк содасынзе скалонь потявтыцятнень, сюронь кастыцятнень тевест. Михаил Владимирович ды велень специалисттнэ сюронь кастомасо, ламо ловсонь саемасо эрямос совавтыть велень хозяйствань од технологиятнень. Те лезды виевгадомс хозяйствантень. Истя, «Агрофирма «Кировская» велень хозяйствань предприятиясь районсонть скалсто потявты весемеде ламо ловсо, эрьва гектарсто саи ламо сюро. Течи тракторонь-машинань парксонть минек масторонь трактортнэде, комбайнатнеде башка улить омбо мастороньгак.

Тонь зяро иеть?

– Монень колоньгемень кавто иеть. Школанть прядомадо мейле тонавтнеманть поладыя Н.П.Огарёв  лемсэ МГУ-нь Мехинкань ды энергетикань институтонь «Электрификация сельского хозяйства» отделениясонть. А шнамга, ульнинь сехте вадря студенттнэнь ютксо. Вузонть прядомадо мейле поладыя важодеманть трактористэкс «Агрофирма «Кировская» велень хозяйствань предприятиясонть.  Инженерэкс-электрикекс эзь саво важодемс. Мекс? Ёвтаса. Школасо тонавтнемстэ минь арсинек высшей образованиядо. Ули дипломот – те вадря. Тень кувалма карминь тонавтнеме вузсо, штобу получамс диплом. Превсэнь зярдояк арасель бажамось – улемс начальникекс. Текенень, ней трактористэсь высшей образования марто электрикенть коряс получи ярмакт кавксть-колмоксть седе ламо. Эдь электрикентень максови ансяк ставкась, трактористэнть зарплатась ашти эсензэ важодеманзо эйстэ. Вадрясто важодят – а берянь зарплатаськак.

«Агрофирма «Кировская» велень хозяйствань предприятиясонть омбо масторонь ламо тракторт, комбайнат. Эйсэст важодить-арась?

– Алкукскак, хозяйствасонок омбо масторонь ламо техника. Мон сынст парсте тонавтнинь ды арась истямо трактор эли комбайна, конань аволинь ветне. Тунда, тельня важодян «Беларусьсэ», кизэнть прядовомсто «Агрос-580» комбайнасо урядан сюронь паксятнень. А покшкавтнян: мерить тень течи лисемс касовкстнэнь лангс удобрениянь кайсеме эли ферматнестэ навозонь усксеме – а отказан.

Мелят пивсынь 16 тёжат центнерт сюро, мезесь районсо весемеде ламо.

Улить автомашинань ветницянь правангак. Тень савкшнось ойсемс автомашинань руль экшскак.

Алексей Сергеевич, кода анокстат Сокамонь коряс весероссиянь чемпионатонтень?

– Весеме ёндо. А мезть сёпомс, тевесь ответственной. Весе виень ды содамочинь макссынь покш кемеманть идемантень. Бажамом вейке – ансяк изнямс! Мерян, омбо масторонь техникасонть ламо важодемс тень эзь савкшно. Тень кувалма ней домкасто тонавтнян омбо масторонь трактортнэнь ды сокатнень теориянть. Аволь умок Сергей Митрофанов марто Ялга посёлкань паксятнесэ кавто недлят тонавтнинек сокамо.

Масторлангонь сокамонь организациянть правилатнень содасыть-арась?

– Содасынь. Масторлангонь сокамонь организациянь правилатнень коряс, эрьва трактористэнтень модань участканть сокама 3 часос. Судьятне кармить ваномо: сэрей-аволь бороздась, виде-аволь сокавксось лиссь… Весемезэ эряви топавтомс 14 правилат.

Алексей Сергеевич, арсетяно тонеть Сокамонь коряс весероссиянь чемпионатсонть ансяк изнявкст!

– Мон весе виень ды содамочинь путсынь сенень, улемс Сокамонь коряс Россиянь чемпионатонь изницякс.

Кортамонть анкстызе Пётр Зиновьев


13.06.2109


Покш Березникень район

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...