Рубрикатор

Развитие АПК Сынь лиякс а маштыть
Сынь лиякс а маштыть

Улкоть вастыя В.П.Бухаркинэнь. Республикасонть сонзэ асодыцянзо арасть. Эсь шкасто важодсь «Путь Ильича» колхозонь, кона Отяжелень районсо, прявтокс. Мейле – МР-нь Велень хозяйствань ды продовольствиянь министерствасо. Нурькинестэ меремс, весе эрямонзо алтызе велень хозяйствантень.



– Мон сеедьстэ ардтнян тиринь Сабанцелев, – ёвтни Владимир Петрович. – Ды эрьва разнэ кадовкшнан паро мельсэ. Велесь иестэ иес мазылгады. Культурань кудонь вальмалксось течи а содавияк. Тезэнь озавтнезь чувтынеть, куракшт. Теньсэ, нама, покш таликазо «Сабанчеевское» велень хозяйствань прявтонть Дмитрий Николаевич Игушкинэнь. Сон велень хозяйствань предприятиянь алкуксонь прявт. Ютындерят хозяйстваванть – эрьва косо азорксчи. Дмитрий Николаевич мелявты, ризны аволь ансяк велень предприятиянть тевтнень коряс, истя жо велесэ эрицятненьгак. Тундонь паксясо тевтненень сон свал анокстакшны кеместэ, весеме ёндо ды шкань апак таргсе сынст ютавтни.

Дмитрий Николаевич Игушкинэнь важодемань опытэнть эряви тонавтнемс ды тонавтнемс республикань аграрийтненень ды кадык седе ламот содаст «Сабанчеевское» велень хозяйствань предприятиядонть. Сон – Сабанцеленть мельспарозо.

Алкукскак, «Сабанчеевское» велень хозяйствань предприятиянь прявтось Д.Н.Игушкин покш мель яви важодемань условиятнень вадрялгавтомантень. Ды те удалы. Течи ютындерят машинно-тракторной паркканть, ёжот вадрялгады. Весе комбайнатне рядсек аштить, кода мерить, анокчинь линейкасо. Сынь весе ванькст. Теле лангс чарытне вельтязельть. Башка аштить сеялкатне, изатне, модань кавшакавтомкатне…

– Мелят важодинек а беряньстэ. Эрьва гектарсто целанек предприятияванть саинек 30 центнерт сюро, весемезэ – 15 тёжадо ламо тоннат, – ёвтни «Сабанчеевское» велень хозяйствань предприятиянь агрономось В.С.Кочурина.  – Теньсэ, нама, покш таликаст Сабанцелень сюронь кастыцятнень. Ютксост: Виктор Федотов, Николай Кажаев, Владимир Пшеничников, Анатолий Беляев, Александр Маскаев, Василий Денисов, Иван Виряскин, Виктор Учеваткин ды лиятне. Сынь важодсть ды важодить оймень путозь, виень апак жаля. А вечкить истятнэнь, кить важодить мельде-валдо, кить важодеме лиснить лемень кисэ.

В.С.Кочуринань валонзо коряс, велень хозяйствань предприятиясо покш мель явови видьмекстнэнень. Истя, эрьва иестэ сюронь видьмекстнэ эрсить 1 ды 2 репродукциянь ды 1-це ды 2-це классонь. Вана тедеде элитной шужонь малав комсь тоннат видьмекст рамазь Саранск ошонь Октябрьской райононь «1 Мая» велень хозяйствань предприятиясто, Курскоень областьстэ – кснавонь видьмекст.

– Ламо сюронь саемга минь покш мель явтано од технологиятненень, – ёвтни «Сабанчеевское» велень хозяйствань предприятиянь прявтось Д.Н.Игушкин. – Невтемга, ламо паксят видезельть модантень паро обработкань апак тее. Нурькинестэ, модась соказель изавтомо. Тунда культивировазь арасель, ансяк кавшакавтозель ды мейле видезель. Те технологиянть лемезэ «наутил». Истямо технологиянь коряс видемантень рамазельть омбо масторонь специальной сеялкат, конатнень усксесь «Джон Дир» тракторось. Те лувонть а стувтсынек тедедеяк.

Хозяйствасо важодицятне тевтеме а аштить. Ансяк ловось солась, Анатолий Данилов, Василий Косынкин, Михаил Тихонов, Александр Бакшайкин трактористтнэ ливтизь эсь тракторост паксяв. Сынь валность касовкстнэнь.

– Минек трактористтнэнь аволь ансяк важодемань покш опытэст, истя жо сынь пек ответственнойть, важодить весе оймень путозь, – трактористтнэде, комбайнёртнэде ды шофертнэде кортамсто тешкстась Дмитрий Николаевич Игушкин. – Тувталтомо тевтеме эзть аште.

Кода седе парсте ды шкастонзо ютавольть тундонь-паксянь тевтне, тень мельга кеместэ ваны хозяйствань прявтонь полавтыцясь Б.Н. Игушкин.

– Тедеде аравтлувсонок: эрьва гектарсто саемс 41 центнер сюро, весемезэ 20 тёжат тоннат сюро, – ёвтни Борис Николаевич. – Зёрнакс кукуруза видтяно 200 гектарт, эрьва гектарсто арсетяно саемс 70 центнерт. Коромокс весемезэ 1400 тоннат. Силосокс явовить 700 гектарт ды анокстатано 15 тёжат тоннат, сенаж – 9,5 тёжат тоннат.

Тешкстасынек, велень хозяйствань предприятиясонть кирдевить-андовить малав 2200 скалт. Эйстэст 1005 – потявтовицят, андовить 670 реветь. Мелят хозяйствасто ильтязь 7000 тоннат ловсо, эрьва скалсто потявтозь 7065 килограммат. Те – районсонть весемеде ламо. Скалонь потявтыцятнень ютксто явовить Светлана Сорокина, Мария Тикшайкина, Любовь Игнатьева (Сабанцеле), Татьяна Балыкова, Татьяна Пантелейкина, Раиса Майорова (Аловеле) ды лиятне.

Кода а ледстямс вана мезенть. «Сабанчеевское» велень хозяйствань предприятиянть мельспарозо – ловсонь комплексэсь, кона ашти Аловелесэ. Предприятиясь эсь ярмак лангс строизе кавто иес. Ловсонь комплекссэнть кирдевить малав колмосядт ракшат. Эйсэнзэ ули потявтомань зал, ули ловсонь кельмевтемка. Скалонь потявтыцятненень – оймсема комната.

Ней тевенек пек шождалгадсть. Кедьвийсэ мезеяк а тейтяно. Тень кисэ покш сюкпря ёвтатано хозяйствань прявтонтень Дмитрий Николаевич Игушкиннэнь, – ве вайгельсэ мерсть Аловелень скалонь потявтыцятне.

Истя, мелят хозяйствась мись 426 миллионт 473 тёжат целковоень питнес велень хозяйствань продукция, конань рамасть вадрясто аволь ансяк минек республикань, сонзэ томбале эрицятнеяк.

– Хозяйствасонть средней зарплатась покш-аволь? – кевкстинек прявтонть Д.Н. Игушкинэнь.

Мелят ульнесь 24 тёжат целковойть. Тедеде арсетяно покшолгавтомс 26-28 тёжат целковойс, – каршо валсо мерсь Дмитрий Николаевич.

Апак кавтолдо мертяно, Сабанцелесэ тень тейсызь. Тесэ мезе арсить теемс, сень топавтсызь. Сынь лиякс а маштыть.

Пётр Зиновьев.

18.04.2019

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.