Рубрикатор

Развитие АПК Важодицятне – предприятиянть нежезэ
Важодицятне – предприятиянть нежезэ

«Государственный центр агрохимической службы «Мордовский» Федеральной государственной бюджетной учреждениясь минек республикасо панжозель уш малав 55 иеде икеле. Сестэ сон ульнесь Мордовиянь велень хозяйствань опытной станциянть юрсо кода зональной агрохимической лаборатория. Весе неть иетнень перть службанть важодемань прявт тевекс ашти Мордовия Республикань велень хозяйствань тевтнень туртов эрявикс модатнень плодородиянть ванномась ды сонзэ вадрячинть ванстомась.

Течинь чине Мордовиянь агрохимической службань центранть ули сюпав материально-технической базазо, важодемань тевсэ нолдавиця технологиянзо ды зярыя кементь иетнень перть важодемань опытэзэ. Теке марто сехте покш сюпавчизэ – те учреждениянь важодицятне – профессиональной, эсь тевс чарькодиця специалисттнэ, конат теить весементь республикань велень хозяйстванть кепедемга.

Валентина Качамина:

«Модась азортомочи а вечки»


Кортыть, зярдо ломанесь котьми вечкевикс тевсэ, сон пек уцяскав. Ды, бути арсезевемс – те алкукскак истя. Истямо ломаненть вановтозояк лия: панжадо, валдо, сэтьме ды ванькс. Газетасо важодемань иетнень перть савкшнось вастневемс эрьва кодамо профессиянь ломань марто. Видькстан, аламот кить эсь роботадонть, конань марто сынь сюлмизь малав весе пингест, ёвтнить покш мельсэ ды уцяскав мизолкс марто. Течи эсь ловныцятнень ули мелем содавтомс превей, ёроков аванть, «Государственный центр агрохимической службы «Мордовский» ФГБУ-нь прявт агрохимикенть ды уцяскав ломаненть, эдь сон топавты тензэ вечкевикс тев, Валентина Викторовна Качамина марто. Сон вана уш 42 иеть роботы те учреждениясонть, ютынзе, кода кортыть, профессиональной весе кузтематнень ды ве чияк эзь янксе истямо тевенть кочкамодо.

Валентина Качамина чачсь Орданьбуень Силино велесэ, кона ашти Меня леенть маласо. Прядызе школанть ды мольсь тонавтнеме Н.П.Огарёв лемсэ МГУ-нь географической факультетэв. Тонавтнеманть тейтересь ушодызе вольнослушателекс. 

– Арсинь, тонавтнян вейке ие истя ды мейле одс виень варчасынь, таго карман поступамо, – ёвтни Валентина Викторовна. – Зяро-бути шка истя якинь, арсинь-теинь ды ладия: шканть ёмавтнеме а карман – варчасынь виень тевсэ, специальностентькак седе чарькодьса, важодемань опыткак пурнан.

Истя, Валентина Качамина мольсь роботамо зональной агрохимической лабораторияв. Тейтеренть саизь картографокс.

– Сестэ важодема лувось овсе лия ульнесь, аволь неень ладсо. Ней минек тесэ пек паро материально-технической базанок, вадря компьютерт, малав весемесь автоматизированной. Сестэ жо картатнень чертинек кедьсэ. Вейкенть лангс ютыльть малав кавто недлят. Вейке тевесь, мертяно, чертямс кодамояк хозяйствань картанть, эрявсь оштё эрьва кодамо тюсонь гуашсо тешкстамс сеть таркатнень, косо модасонть покш кислотностесь, косо ламо фосфор эли калий. Истя роботынекак, чертилинек картанть ды човине кисточкинесэ артылинек явовиця таркатнень. Се шкань ламот картатне ванстовить нейгак. Сынст лангсо кирдеви се информациясь, конась течинь чине ловови пек эрявиксэкс. Ней жо тевс нолдавить неень шкань технологиятне – самолёттнэ, дронтнэ. Ды картатнеяк теевить аволь эрьва хозяйствантень башка, саеви целанек районось, – тешксты В.В.Качамина.

Картографокс важодемань шкастонть Валентина Викторовнанень савсь тонавтнемс лия тевтненьгак. Сестэ паксятнень-модатнень ванкшномо-тонавтнеме сынь, зярыя отделэнь важодицятне, туильть цела ковс. Эрильть маласо велетнесэ, лиясто палаткасо, домкасто, апак капша теильть эсь тевенть. Лездыльть вейкест-вейкест туртов ды тонавтнесть од профессиятнень.

В.В.Качаминань вадря важодеманзо ды бажамонзо организациясонть неизь ды зярыя шкань ютазь аравтызь агрохимикекс, шкань ютазь – прявт агрохимикекс.

Од тарканть марто аламодо полавтовсь важодема лувось ды, нама, ответственностесь седе покш кармась. Ней сонзэ васень тевекс кармась – информационной атластнэнь анокстамось, конатнесэ невтевить модатнень ваномань весе ёнкстнэ, ды Московов сынст кучомась.

Валентина Качамина кадык уш ламо иень перть эри ошсо, ансяк, кода велесэ чачозь ломаненть, сонзэ пек талновты кадозь модатнень кевкстемась.

– Седеемгак сэреди, зярдо неян кадозь модат, конатне велявтсть барлакокс. Модась – те эдь эрий организма, конась минек анды. Ды азортомочи сон а вечки, – кемексты Качамина.

Ниленьгеменде ламо иень перть парсте важодеманть кисэ Валентина Викторовна тешкстазь ламо казнесэ. Сон – Российской Федерациянь Почётной агрохимик ды трудонь ветеран, улить Мордовия Республикань, Государственной Собраниянь ды Правительствань Почётонь грамотанзо, ламодояк ламо дипломонзо Велень хозяйствань министерстванть пельде.

Ансяк, кода тешксты сонсь Валентина Викторовна, тевесь аволь грамотатнесэ ды дипломтнесэ. Прявтось ашти сеньсэ, кода тон ванат эсь теветь лангс. Ды, бути эсь роботат вечксак, важодема таркав ливтязь ливтят, эрьва тевентень кундат покш мельсэ ды кенярдозь.

Любовь Панькина:  «Минь роботатано республиканть лезэс»




Любовь Леонидовна Панькина уш школасо тонавтнемстэ кочкась эстензэ тев – карми агрономокс. Секскак Саранск ошонь Ялга посёлкань средней школанть прядомадо мейле мольсь тонавтнеме Кемлянь аграрной техникумов, «Агрономия» специальностенть коряс. Студентэкс улема иетне ливтясть, эзть марявояк. Прядызе техникумонть ды стясь кевкстема, ков жо молемс важодеме. Тейтересь чачсь-кассь ошсо ды велев роботамо молемс пек покш мелезэ арасель. Ялганзо пельде марясь, Саранскойсэ ули зональной агрохимической лаборатория, козо эрявить велень хозяйствань образования марто специалистт.

– Истя сыньгак тей роботамо. Те ульнесь 80-це иень ожоковсто. Эзинь редяяк, кода уш малав 40 иеть ливтясть, – ёвтни Любовь Леонидовна. – Васняяк саимизь техникекс. Роботынь зярыя шка, пурнынь содамочить. Аламо шкань ютазь ушодынь важодеме лабораториясо ды мейле пачкодинь агрохимикень тевентень. Роботась пек малавикс агрономонь тевентень. Истя жо ванкшнотано модатнень, ловтано, зяро эряви каямс удобрения те эли тона паксянтень, ловтано модань известкованиянь шканть ды ламо лия мезе.

Кода карминек содамо, агрохимикенть эйстэ ашти сюротнень урожайностеськак. Эдь сон лови, зяро агрохимикатт эрявить те эли тона хозяйствантень ды натой паксянтень. Истя, Любовь Панькина неть ловоматнень теи весе республиканть туртов. Те тевесь пек эрявикс ды ответственной. Авась ёвтнесь: опыттнэнь ютавтома шкасто сеедьстэ савкшны ардтнемс районтнэнь паксятнева ды эсь сельмсэ неемс республикань мазычитнень.

– Роботась мелезэнь пек тукшны. Васняяк сеньсэ, коллективесь вадря, эрятано ояксчисэ ды вейке-вейкенень лездазь. Минек тевенек, кода кортыть, аволь рутинной. Свал ули мезе-бути од, свал тонавтнетяно. Ломаненть туртов жо те пек эрявикс. Од содамочитнень топавтоманть марто сон сонськак одкстоми ды оштёяк пурны вийть од изнявкстнэнень, – кемекстызе Любовь Леонидовна.

Юлия Еремина

18.04.2019

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...