Рубрикатор

Развитие АПК Сабанцелесь а ёми
Сабанцелесь а ёми

Сабанцеле кезэрень эрзянь велесь Отяжелень районсо покштнестэ вейкесь. Райононь куншкакуродонть сон комсешка вайгельпень тарка. Икелень «Путь Ильича» велень хозяйствась свал васенцетнень ютксоль. Мейле шкатне полавтовсть. Ламось мезесь лиякстомсь, тиринь ёнксонь ды трудонь вечкиця ломантне жо кадовсть. А весть марсинь, Сабанцелень од ломантнестэ ламот аштить покш мельспаросо эсест велест кувалма. Вейкесь истятнэстэ – велень администрациянь прявтось Василий Петрович Сидоров. Сон тескень, чачсь ды кассь Сабанцелесэ, тонавтнесь Мордовиянь Н.П.Огарёв лемсэ госуниверситетсэ. Зярыя иень перть роботась Московсо. Ульнесь предпринимателекскак. Зярдо пшкадсть тензэ энялдома марто улемс велень администрациянь прявтокс, каршо эзь моле, велявтсь тиринь ёнксов.

 

 

Велень тевтнеде Василий Петрович марто кортазевинек сонзэ роботамо таркасо, велень администрациясо. Кевкстия, мейсэ течи пиить-палыть велень эрицятне?

– Течинь чис велесэнек 358 эрямо кудот, – ёвтни Василий Петрович. – Эйсэст эрить малав пельтёжа ломанть. Эйстэст – 240 пенсионерт ды 92 – эйкакшт. Кадовикстнэ роботыцят. Ламотне важодить «ООО «Сабанчеевское» велень хозяйствань предприятиясо, «Юбилейная» птицефабрикасо, Отяжелень мясокомбинатсо ды «Сараст» совхозсо.

Эряви меремс, Сабанцелесь истят велетнестэ, конась лиятнень ладсо ёмамо а снартни. Ломантнень туртов тесэ ули весемесь: колмо магазинт, Культурань кудо, медпункт, почта ды средней школа. Ули эйкакшонь кужояк. Весе неть структуратнень роботавтомга велень администрациянтень сави теемс ламо. Меельце шкастонть велетненень эрьва кодат проекттнэнь тевс совавтомс явовить ярмакт. Теде арсезь, кевкстия Василий Петровичень, сови-арась Сабанцелесь кодамояк проектс.

– Сабанцелесь, кода лия велетнеяк, участвови «Устойчивое развитие сельских территорий» муниципальной проектсэнть, – поладызе ёвтнеманзо администрациянь прявтось.  – Сонзэ коряс эряви теемс ламо. Школанок вакссо уставинек тееме спортонь площадка. Моданть марто сюлмавозь роботатне уш топавтозь. Ламось теезь эсенек вийсэ. Сюкпря ёвтан лездыцянтень – «Сабанчеевское» ООО-нь  прявтонтень Д.Н.Игушкиннэнь. Велень тевтнень топавтомсто сон свал лезды мейсэ машты.

Василий Петрович ёвтызе эсь кенярксонзо: те иень маень 9-це чинтень Сабанцелесэ тееви боевой действиянь ветерантнэнень памятник. Афганистансо ды Чеченской Республикасо служицятнеде Сабанцелесэ малав комсь ломанть. Сынст энялдомаст коряс теезь покш тев. Памятникекс карми алкуксонь БМП-сь. Сон участвовась боевой действиятнесэ ёвтазь таркатнесэ. Пшкадезель Госдумань депутатонтень В.Б.Ефимовнень. Сон лездась ярмактнень марто. БМП-сь ускозель Екатеринбург ёндо ды ней одкстомтови Саранскойсэ. Ламосо тень коряс лездась Чаунзань ды Дубёнкань районтнэнь военкомось Н.Н.Кукин.

Кевкстия Василий Петровичень икелепелень тешкстнэдеяк. Ёвтнемс тензэ ульнесь мезде.

– Ули покш меленек теемс велень фонд, – ёвтни седе тов Василий Петрович. – Ярмактнень кармить кучомо ве ёно эриця минек земляктне. Ков сынь кармить туеме? Невтемакс, кодамояк эрицянть Сабанцелень калмазырьсэ калмазь малавиксэнзэ. Калмотнень мельга якамо самс васоло эли арась шка. Сон кучи ярмакт велень фондс, ды минь неть ярмактень лангс весе эрявикс тевенть тейсынек. Теде кортамот ульнесть ламонь марто. Меленть весе шнызь. Истят ванськавтомань тевть кармить ютавтовомо сыре ломантнень кудост перькаяк.

Икелепелень аравтлувтнесэ тешкстазь экшелямонь купелень теемась. Теде а весть пшкалесть Московсо эриця Сабанцелень ломантне. Сынь анокт лездамс ярмаксояк. Ней тень лангсо арсетяно.

Василий Петровичень превензэ чарыть оштё вейке проектэнть перька. Лемезэ: «Экологически чистые продукты».

– Тесэ смустесь вана мейсэ, – полады арсеманзо велень администрациянь прявтось, – велесэ ламо эрицятне а муить робота. Сынь чинек-венек котьмить пиресэ, кастыть эрьва кодат эмежть. Койсэнь, паро бу улевель строямс велентень эмежень ванстома тарка ды сюлмамс неть ломантнень марто договорт. Невтемакс, вейкесь касты капстат, омбоцесь – морковт, колмоцесь лия мезе. Весе сынь кармить ванстовомо ве таркасо. Администрациясь эсь ёндо карми вешнеме рамицят. Лезэсь ули кавто ёндонь: кастыцятнененьгак, администрациянтеньгак. Ёвтан, истямо опыт уш ули Липецкой областень зярыя велесэ.

Паро тевде кортамсто кодаяк а кадовить ве ёнов стакачитнеяк. Сабанцелесэ сындест истя жо сатышка.

– Зяроце ие уш снартнетяно топавтомс «Чистая вода» проектэнть. Ули меленек зярыя ульцява ветямс водопровод. Проектэнь теемс ярмакт явозельть ды сон теезель, ансяк седе тов эзь сырга тевесь, таго ярмаконь арасьчи. Истят тевтне китнень мартояк. Велень автобусонь лотксема таркастонть молочно-товарной фермас кись пек берянь. Истя жо проект ули, ярмакт арасть.

Меельцекс ульнесь мелем содамс, кодат мелензэ-арсеманзо велень администрациянь прявтонть Сабанцелень сы шкадонть, эдь меельце шкасто ламо велетнесэ эрямось неявиксстэ лепами. Тень лангс Василий Петрович мерсь: «Сабанцелесь а ёми, тесэ эрить трудонь вечкиця, панжадо седей ломанть. Истямо тевенть сынь а нолдасызь».

 

Николай Евдокимов


18.04.2019

 

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...