Рубрикатор

Развитие АПК Алексей Степушкин:«Покш изнявкстнэ – весе важодицятнень вейсэнь трудось»
Алексей Степушкин:«Покш изнявкстнэ – весе важодицятнень вейсэнь трудось»

Алексей Михайлович Степушкин, Отяжелень райононь Велень хозяйствань управлениянь прявтось, неть читнестэ тешксты эсензэ профессиональной кенярксчинть – Велень хозяйствань ды перерабатывающей промышленностень важодицянь чинть. Алексей Михайлович чачсь-кассь теке жо ёнксонь Сабанцеле велесэ. 2006 иестэ прядызе Мордовиянь университетэнь Механикань ды энергетикань институтонть ды сась роботамо тиринь ёнксов. Сонзэ арасель зярдояк мелезэ кадовомс ошс, эдь эйкакшпорасто саезь сон сайсь мель улемс лезэвекс тосо, козонь чачсь.

Отяжелесэ тензэ лиссь тарка «Атяшевский» оень комбинатсто ды кармась роботамо трудонь ванстомань инженерэкс, мейле саизь инженерэкс-механикекс. Колмо иень ютазь сон тосто тусь «Агро-Атяшево» ЗАО-в автомеханикекс, мейле ладизь прявт механикекс. Савкшнось важодемс лия таркасояк механикекс, ТО-нь станциянь прявтокс. Сеть иетнестэ пурнась покш опыт, содамочить, тонавтнесь роботамо ломань марто ды муеме виде кить-янт. Алексей Михайловичень стажозо зярс 12 иеть. 2016 иестэ сон ладязель управлениянь прявтокс ды ней те ответственной тевсэнть сон омбоце ие.
2013 иестэ Степушкин важодеманзо кисэ казезель Отяжелень райононь Администрациянь Почётонь грамотасо. Сонзэ прявтонзо кортыть ланганзо ансяк паро валсо. Сон эрязасто вети тевензэ, ули эйсэнзэ ёрокчи, эрявикс содамочить, ды ламо иень практикась лезды тензэ решамс весе икелензэ стявтозь кевкстематнень.
Алексей Михайловичень валонзо коряс, тедеде Отяжелень райононь велень хозяйстватне вейксэ ковс нолдасть продукция 2,9 миллиардт целковойс. Весемезэ видезельть 59356 гектарт, 41994 гектарт – сюросо. Пурназель 115,6 тоннат сюро, урожайностесь тедеде лиссь 29,2 центнерт гектарсто. Якстерькайтнеде пурназь 159 тёжат тоннат. Парсте моли тувонь, скалонь ды нармунень сывелень миемась, весемезэ кемень ковс миезь 9550,8 тоннат. Ловсодонть потявтозель 17223 тоннат, вейке скалсто саезель 4900 килограммат. Алтнэде пурназельть 89 миллионт штукат. Неть цифратне невтить – райононь велень хозяйствасонть тевтне молить парсте ды теньсэ ули Алексей Михайловиченьгак таликазо.
Течи, ноябрянь 21-це чистэ, Отяжелесэ тешкстыть Велень хозяйствасо важодицянь чинть ды покш сцена лангсто ёвтазь ламо седейшкавань сюкпрянь валт. Минек газетань теицятне арсить велень хозяйствасо важодицятненень кеме шумбрачи, изнявкст сынст стака важодемасонть, зярдояк а нусмакалемс ды свал молемс икелев!

Марина Девятова


21.11.2018

 

Новости

Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...
 
В рамках приема граждан Председатель ЕР поддержал социально значимые инициативы

Ряд социально значимых поручений дал Председатель «Единой России», премьер-министр Дмитрий Медведев в ответ на обращения, поступившие в рамках прима граждан, который прошел 30 ноября в Центральной общественной приемной Партии.

Подробнее ...