Рубрикатор

Развитие АПК «Норовонь» ловсось сехте тантей
«Норовонь» ловсось сехте тантей

Ноябрянь 10-це чись ламо иень перть ледстневицякс кадови аволь ансяк Кочкуровань райононь Семилей ды маласонзо уликс велень эрицятненень, истя жо сови Мордовиянь историяс. Те чистэнть «Агрохолдинг «Норов» ООО-со панжовсь неень шкантень ладиця, весе вешематнень топавтыця-кирдиця, ловсосто эрьва кодамо продукциянь теиця завод.

Сонзэ панжомань кенярксчисэнть, од предприятиянтень совамодо икеле, якстере парсеенть керизь: Мордовия Республикань Прявтось В.Д.Волков, МР-нь Правительствань Председателень васенце полавтыцясь – Велень хозяйствань ды продовольствиянь министрась В.Н.Сидоров, «Агрохолдинг «Норов» ООО-нь генеральной директорось А.И.Поздняков, Кочкуровань муниципальной райононь Администрациянь прявтось С.Н.Герасимова.
Седе тов весе сынь совасть производстванть ванкшномо, косо уш весемесь аноколь-ладязель ды нолдавсь од лувсо продукция.
«Агрохолдинг «Норов» ООО-нь генеральной директорось А.И.Поздняков инжетнень теинзе содавиксэкс од предприятиянть важодеманзо марто. Тесэ сменазонзо тевс нолдави 10 тоннат ловсо. Перерабатывающей промышленностень неень шкань производстванть виевгавтомс явовсть 155 млн. целковойть. Икелепелень ванкшноматнень коряс, сынь идевить 5,5 иень перть. Предприятиясонть, косо весемесь топавтови автоматиканть вельде, важодить кемень ломанть, сынь кармить нолдамо продукция, конань миемадо мейле арсеви идемс 122 млн. целковойстэ – 190 млн. целковойс.
2019 иестэ сменазонзо арсеви тевс нолдамс 3656-5110 тоннат ловсо. Предприятиясонть средней зарплатась 28 тёжат целковойть.
Те предприятиясонть весемесь арсезь педе-пес: ули тесэ ловсонь примамонь участка, конань производительностезэ 5 тоннат часозонзо, верек ловсонь ванстома таркантень кельгить 12 тоннат, аппаратной участкасонть производительностесь часозонзо 5 тоннат. Инжетненень невтезельть ловсонть, чапамо ловсонть кедьгева каямонь участкатне, топонь теемань таркась, косо сатыть вийть сменазонзо нолдамс 600 кг лезэв продукция. Покш мель явозель мороженоень нолдамонь участкантень, конань сменазонзо производительностезэ 2400 кг, истя жо ули скалоень теемань ды 300-500 кг производительность марто упаковкань участка.
Те производстванть технологиянь схемась теезь автоматизациянть виевстэ тевс нолдазь, компьютерэнь центральной управлениянть вельде ловсонь продукциясь юты пек куроксто, теньсэ ванстови эйзэнзэ мезеньгак понгомадо. Истя жо центральной управлениянть вельде парсте ванськавтовить трубопроводтнэ ды оборудованиясь.
Чапамо ловсонь продукциянь неень шкантень ладиця кайсемань автоматтнэ, конат ладязь предприятиясонть, лездыть ванстомс паро качестванзо ды кувалгавтомс ванстомань шканзо.
Важодицятнень марто вастовомсто МР-нь Прявтось В.Д.Волков тешкстызе «Агрохолдинг «Норов» ООО-нь коллективенть продукциянь ассортиментэнть ламолгавтомантень бажамонзо.
– Меельце шкастонть тень туртов тесэ панжозь ловсонь, сывелень, растениеводствань переработкань производстват, конат неень шкане пек эрявикст продовольственной рынкасонть, – мерсь МР-нь Прявтось. – Тынь машттадо муеме ды тевс нолдамо сень, мезесь эште киньгак арась, невтемакс, пичеумарь марто верекстэ коптязь колбасась, куркань сывелесь ды эйстэнзэ теезь тантей продукциясь, конань вельде «Норов» Агрофирмадонть содыть Мордовиянь томбалеяк.
МР-нь Прявтонть валонзо коряс, «Агрохолдинг «Норов» ООО-сь Мордовиясо омбоцекс кундась те паро тевентень. Ней ломантне кармить кочкамо, кинь продукциянть рамамс. Бути ярсамопелень теицятнень ютксо ули пелькстамо, те эрьванть эйстэст кармавтсы паро качествань продукциянь нолдамо.
– Мороженоень нолдамонь линиясь – те од заводонть пельксэзэ, косо весе нолдавиця паро продукциясь карми топавтовомо автоматиканть вельде. Заводсонть овсе а карми кедьвийсэ важодема. Истя, автоматикась тейсы весементь ломаненть таркас, секс сон а карми токамо анок продукциянть ды сень, мейстэ сон тееви, – кортась В.Д.Волков.
«Норовонь ловсо» заводось мезе ансяк эзь ушодо тееме: пастеризованной 2,5 % ды 3,2 % оевчинь ловсо, чапамо ловсо, режнезь ловсо, пидезь ловсо (кефир, ряженка, простокваша), йогурт эрьва кодамо наполнитель марто, скалой, топо, брынза, колмо видэнь (чевте, солавтозь ды полутвёрдой) сырат. Кемгавтово видэнь мороженойть.
МР-нь Прявтось тешкстынзе минек республикань фермерэнь хозяйстватнень ды аволь покш производствань предприятиятнень эрицятненень эрьва кодамо ярсамопелень теемасо покш путовксост.
– Покш предприятиятнень эйстэ, конат продукцияст пачтить микшнемань сеттнес, сынь явовить васняяк сеньсэ, продуктаст микшнить кода оймсема чинь, истя продовольственной покш ярмункатнесэ ды тукшныть эрицятнень мельс. Сынст покш эрявиксчист питнетнень а кастомасо ды ломантнень рамамонь способностест ванстомасо, – тешкстась В.Д.Волков.
Меельцекс МР-нь Прявтось алтась икелепелевгак сыненст максомс эрьва ёндонь лезкс, а сехте парсте важодицятненень макссь казнеть.
В.Юдина


14.11.2018

 

Новости

В состав Центрального координационного совета Сторонников «Единой России» войдут наиболее эффективные региональные общественники

До 1 февраля в Центральном и региональных координационных советах Сторонников Партии пройдет ротация по новому принципу. Также в 2019 году в июле-августе в Москве планируется проведение федерального форума в рамках реализации проекта Центра поддержки гражданских инициатив (ЦПГИ). Об этом сообщил сопредседатель Центрального совета Сторонников «Единой России», депутат Государственной Думы Сергей Боярский.

Подробнее ...
 
«Единая Россия» в Мордовии инициировала обсуждение вопросов патриотического воспитания молодежи

 - Мы не можем мириться с таким актом неуважения к России и ее национальной символике!

Девушки, сделавшие это не могли не понимать, что совершают преступление»- заявил

региональный координатор федерального партийного проекта «Историческая память в

Мордовии», директор Мемориального музея военного и трудового подвига 1941-45

г.г. Николай Кручинкин.

Подробнее ...
 
«Единая Россия» в первом квартале 2019 года запустит экологические сервисы «Зеленая карта» и «Красная кнопка»

 В первом квартале 2019 года партпроект «Единой России» «Чистая страна» запустит два новых экологических сервиса «Зеленая карта» и «Красная кнопка». Об этом заявил координатор партпроекта «Чистая страна», председатель комитета Государственной Думы по экологии и охране окружающей среды Владимир Бурматов.

Подробнее ...
 
«Единая Россия» законодательно сохранит право учителей и врачей принимать подарки

 «Единая Россия» подготовит и внесет ко второму чтению поправки, исключающие учителей и врачей из перечня должностных лиц, которым правительственным законопроектом предлагается запретить принимать подарки. Такое заявление сделала координатор партпроекта «Единой России» «Новая школа», депутат Госдумы Алена Аршинова.

Подробнее ...
 
Законопроект ЕР об упрощении процедуры получения компенсации за капремонт принят во втором чтении

Законопроект, упрощающий процедуру получения пенсионерами компенсации по капремонту, прошел второе чтение в Государственной Думе. Документом, разработанным членами фракции «Единой России» предлагаются изменения в статью 171 Жилищного кодекса РФ, уточняющие условия предоставления компенсации на уплату взноса на капитальный ремонт отдельным категориям граждан.

Подробнее ...