Рубрикатор

Развитие АПК Александр Поздняков «Прявт тевенек – ломантнень мелест-бажамост топавтомась!»
Александр Поздняков «Прявт тевенек – ломантнень мелест-бажамост топавтомась!»

«Агрохолдинг «Норов» ООО-сь – республикасонок икеле молиця весе ёнкстнэнь коряс ды виевстэ важодиця велень хозяйствань предприятиятнестэ вейкесь. Кементь иень перть трудонь вечкиця те коллективенть кеместэ вети икелев те предприятиянь прявтось, Мордовия Республикань Государственной Собраниянь депутатось Александр Ильич Поздняков. Сынь маштыть алкукс корьмай моданть мельга якамо, покш урожаень саеме, од технологиятнень вельде ракшань, нармунень кастомо ды экологиянь коряс ванькс продукциянь нолдамо.
Агрохолдингсэнть васень таркас аравтови ломантнеде мелявтомась. Те эсест важодицятненень эрямо таркань теемась, стявтозь 70 паро, покш кудот, конат тенст максовить иезэнзэ 5% льготань ипотекань коряс, социальной ламо од объекттнэ. Сынст истя жо стявты «Норов» Агрохолдингесь. Михаил Архангелэнь лемсэ церьковась, ков покш читнестэ пурнавкшныть тосонь эрицятне, косо оймест сюпалгавтыть од ломантне ды эйкакштне.
Аволь умок Саранск ошонь Пролетарской куросо улемстэ совинь «Норовские продукты» лавкантень. Сельмезэнь каявсь тосо уликс тантей продукциясь – мороженоесь, конань минь весе вечксынек эйкакшпингстэ саезь. Мезесь кенярдовтымим, те ульнесь аволь омбо масторонь ды мик аволь Россиянь лия регионсто ускозь, а эсенек, Кочкурбуень ёнксонь «Агрохолдинг «Норов» ООО-со теезь. Тешкстаса, танстезэяк пек явовсь ве ёндо ускозтнестэ. Кемеви, ламонь карми кенярдовтомо те ламбамо продукциясь. Те од проектэнть топавтомадо ды «Агрохолдинг «Норов» ООО-нь изнявкстнэде, ды сы шкань аравтлувдонть минь кортынек те предприятиянь генеральной директоронть А.И.Поздняков марто.

 

– Александр Ильич, кодат невтевксэнк те иень вейксэ ковтнень перть, кодамо урожай пурныде весень туртов а шожда иестэнть?
– Те иень вейксэ ковтнень перть миезь продукциянть вельде идинек 925 млн. целковойть, 2017 иенть коряс 200 млн. целковойде седе ламо.
Арсетяно, те иенть перть продукция митяно миллиард целковойде ламонь питне. Важодицятнень средней зарплатаст, сындест жо минек 500 ломанть, – 25000 целковойде седе ламо, иезэнзэ эрьва робочеенть лангс теезь продукциядонть сави 2,4 млн. целковойть, те – 2017 иенть коряс 500 тёжадо седе ламо.
Тедеде весе сюротнень урожайностесь эрьва гектарсто ульнесь 28,8 центнерт. Виде, коське кизэнтень сон лади, ансяк неень шкань вешематнень мельс саезь, те невтевксэсь а ловови покшокс.
– Александр Ильич, кото иеде икеле панжозель сывелень продукциянь теемань комбинатось, косо, кода кортыть, тееви экологиянь коряс ванькс ды паро качествань ярсамопель, кодаткак човорявксонь апак кая. Кода тосо течи ютыть тевтне?
– «Норовский» МПК-сь, кона 2012 иестэ саезь сови Агрохолдингентень, республикасонть икеле молицятнень ютксо тувонь ды куркань сывеленть тевс нолдамосо. Те иень вейксэ ковтнень перть сонзэ производствась кассь 3989 тоннас, мезесь 1041 тоннадо седе ламо сывель ютазь иень теке жо шканть коряс. Те предприятиясь лиятнеде явови васняяк сеньсэ, весе сывелень, колбасань продукциясь эсенек, алкуксонь, ды мезе мартояк эйсэнзэ а човорятано. Минь ансяк ванькс ярсамопеленть кисэ, те – предприятиянок прявт тевезэ ды минек политикась продовольствиянь рынкасонть. Важодицянок нолдыть продукция сывельстэ саезь эрьва кодат деликатестнэс.
– Александр Ильич, «Норовский» МПК-нть кодат икелепелень аравтлувонзо?
– 2019 иестэ МПК-сонть арсетяно строямс ракшатнень андомс ламо белок марто коромонь теемань цех, карматано ламолгавтомо куркань сывелень производстванть. Тень туртов тенек теема производствань кавто площадкат, косо карматано тевс нолдамо 500 тоннат сывель. Прявт тевенек – весе предприятиясонть электроэнергиястонть ютатано газогенераторонь установкас, те пек шождалгавтсы производстванть. Агрохолдингсэ ракшатнень ды нармунтнень ламолгавтомась васняяк сюлмави растениеводстванть виевгавтоманзо марто, косо сехте покш лезэсь юты сюронь ды коромонь культуратнень кастомаст ды тевс нолдамост ламочиденть. Минь касттано розь, товзюро, пинеме, чиньжарамо, кснав, суро, соя, зёрнакс кукуруза. Кастозденть истя жо тейтяно продукция. Минек ули цехенек, косо тейтяно чиньжарамонь ой, иезэнзэ нолдатано 800 тоннат. Ули цехенек, косо тейтяно 2000 тоннат суронь, перловкань, кснавонь, шужонь ямкст. Минек пекарнясо панить тантей кши, конась пачтяви Мордовиянь школатнес, эйдень кужотнес ды минек республикань лавкатнес. Ведьгевсэнек яжавтови высшей ды васенце сортонь розень почт.
Растениеводствасо васень тевенек ды мелявксонок – те аволь ламо ярмаконь ютавтозь паро качествань продукциянь саемась, ракшатнень эсенек коромтнесэ андомась. Тень топавтомга минек паксятнесэ тевс нолдатано велень хозяйствань од культуратнень, тонавтнетяно рапсонь производстванть.
– Александр Ильич, неень шкане покш мель явови видьмекстнэнень, кода тынь те тевенть ветятадо?
– Васняяк тешкстаса, минек ули эсенек видьмексэнь заводонок. Теде башка, паро видьметь минь раматано витьстэ масторонь эрьва кодат региононь НИИ-стэ.
Ояксчинь сюлмот ладинек «Государственный центр агротехнической службы «Мордовский» ФГБУ-нь ды «Талина» ГК-нь специалисттнэнь марто.
Минек важодицянок якить тонавтнеме аволь ансяк Мордовиянь хозяйстватнес, истя жо республикань томбалев. Те паро невтевкс АПК-нь организациятнень марто вейсэнь парсте важодемасонть. Ули мель истямо лувсо ветямс тевтнень МР-нь Минсельхозпродонть мартояк.
– Александр Ильич, Тынь ламо тейтядо тиринь Семилей веленть ванстомга. Маринек, ушодыде тынк ёнксонь эрицятнень валдо лемест а стувтомга кеврунгонь тееме. Кодамо сон карми улеме?
– Ледстнемась – ломаненть эйсэ сехте покш сюпавчи. Миненек а стувтома семиянок, масторонок историянзо, се тарканть, косо минь чачинек-касынек. Минек велесь ды тесэ эрицянзо – алкуксонь патриотт, весе шкатнестэ, Ине Отечественной войнанть ушодовомсто весе раськетнень марто масторонть васенце тердеманзо коряс стясть сонзэ ванстомо. Аволь весе велявтсть тюремань паксятнестэ, ансяк весе пингеде-пингес кадовсть минек ледстнематнес. Те кепедевиця монументэсь карми улеме Семилей велесэ чачозтнень-касозтнень умонь шкастонть ине подвигтест пачтицякс. Монументэнь композициясь, конань анокстызе содавикс скульпторось Николай Филатов, пек мельстуиця. Эрьва фигурась – те историянь башка эпохань невтема: Александр Невскоень ратникень полконть эйстэ саезь Российской Армиянь солдатонть видьс. Куншкасо, гранитэнь лазсонть, тешкставить Семилей велень икелень эрицятнень лемест, кить маштовсть Отечестванть ванстомсто. Композициянть мазылгавтыть Георгиевской парсеесь ды Георгиевской крёстось.
– Александр Ильич, Тынк предприятиянть кондят аволь ансяк минек республикасто, масторонь лия регионтнэстэяк аволь ламо муят, варштавксонк лангс, мезесь ашти предприятиянть икеле молемасо, истят изнявкстнэнь добовамосо?
– Васняяк, эряви меремс, неть ломантне, конатне тесэ важодить. Сынь теить весементь арсезенть топавтомга, конань аравты важодицятнень икелев прявтось. Зярдо парсте ютыть тевтне производствасо, сестэ эрьва ломаненть кепети ёжомарямозо, ламолгады ули-парозо, сатыть виензэ эштё седеяк парсте важодемс тиринь предприятиянть, веленть, ёнксонть, масторонть лезэс.
– Сюкпря!


Валентина Юдина


14.11.2018

 

Новости

В «Единой России» проверят состояние детских площадок по всей России
До конца июня 2019 года активисты партпроекта «Единой
России» «Народный контроль» проведут проверку состояния детских
площадок в 85 регионах - насколько они соответствуют нормативам и
безопасны для жизни и здоровья детей. Информация о выявленных
нарушениях будет передана в администрации муниципалитетов,
управляющим
компаниям,
товариществам
собственников
недвижимости с требованием устранить выявленные недостатки. Об
этом заявила координатор партпроекта «Народный контроль»,
депутат Госдумы Анна Кувычко.
Подробнее ...
 
Аршинова направила в Правительство РФ пакет предложений для включения в программу «Земский учитель»
В целях реализации Послания Президента Владимира Путина
Федеральному Собранию в регионах активисты партпроекта «Новая школа»
организовали широкое обсуждение проекта программы «Земский учитель» с
привлечением представителей профильных ведомств и институтов развития
образования, ведущих экспертов, педагогического и родительских
сообществ. По их итогам был выработан комплекс важных предложений для
включения в программу «Земский учитель», которые были отправлены на
имя вице-премьера Правительства РФ Татьяны Голиковой. Об этом заявила
координатор партпроекта «Новая школа», член комитета Госдумы по
образованию и науке Алена Аршинова.
Подробнее ...
 
Жители Мордовии обратились к главному федеральному инспектору за содействием в решении проблем

В соответствии с поручением полномочного представителя Президента России в Приволжском федеральном округе Игоря Комарова 22 мая 2019 года в приемной Президента Российской Федерации в Республике Мордовия состоялся прием граждан. Провел его главный федеральный инспектор Михаил Сезганов.


Подробнее ...
 
Госдума приняла во втором чтении поправки «Единой России», разрешающие продажу театральных билетов без кассовых аппаратов
Депутаты Государственной Думы поддержали во втором чтении
поправки, разработанные депутатами от «Единой России», в закон «О
применении контрольно-кассовой техники», которые в том числе
предусматривают освобождение распространителей театральных билетов от
обязанности использовать кассовые аппараты с 1 июля 2019 года.
Подробнее ...
 
Медведев поддержал предложения участников Форума сельских депутатов «Единой России»
Председатель «Единой России», премьер-министр Дмитрий Медведев
поддержал предложения участников Форума сельских депутатов, который
прошел 21 мая в Воронеже.
Подробнее ...