Рубрикатор

Развитие АПК Иесь удалась
Иесь удалась

… Дюркина велень Культурань кудось. Тесэ ламо ломанть – Аловелестэ, Таразбуестэ, Алашеевкасто, Сабанцелестэ. Ютксост – сюронь кастыцят, скалонь потявтыцят, эйкакшонь тонавтыцят, велень хозяйствань специалистт: зоотехникть, агрономт, ветеринарной врачт, велень хозяйствань трудонь ветерант, сетне, кить течи виевгавтыть-сюпалгавтыть веленть. Сынь састь эсь профессиональной кенярксчинть – Велень хозяйствань ды перерабатывающей промышленностень роботникень чинть тешкстамо.

Велень трудий ломантнень марто кенярксчинть тешкстамо истя жо састь Отяжелень муниципальной райононь администрациянь прявтось В.Г.Прокин, велень хозяйствань управлениянь прявтось А.М.Степушкин, «МАПО «Восток» хозяйствань прявтось А.Н.Чиняев, М.Горький лемсэ колхозонь икелень прявтось В.П.Вавилкин, Таразбуень велень поселениянь прявтось М.М.Свойкина, Дюркинань ды Аловань отделениянь управляющеесь А.Н.Камашев, «Сабанчеевское» ООО-нь финансонь коряс прявтонь полавтыцясь Л.Н.Елеськина.
Пурнавозтненень лембе валт ёвтась ды важодемасо од изнявкст арсесь «Сабанчеевское» велень хозяйствань предприятиянь прявтось Д.Н.Игушкин.
– 2018 иесь минек туртов удалась, – ёвтни Дмитрий Николаевич. – Растениеводствасо, животноводствасо ютазь иень коряс тевенек вадрялгадсть. Тедеде эрьва гектарсто саинек 31 центнер сюро ды 300 центнерт ламбамо якстерькай. Ракшатненень анокстынек ламо кором, силосокс кукуруза. Кецявтыть эсь важодемасост минек скалонь потявтыцятне. Весементь тейсынек – иенть прядовомс эрьва скалсто 7 тёжат килограммат ловсонь потявтомга. Хозяйствасонть зарплатась а берянь – 23 тёжат 500 целковойть. Велень хозяйствань продукция миезь зярыя сядот миллиононь питнес.
Д.Н.Игушкинэнь валонзо коряс, «Сабанчеевское» ООО-сь иестэ иес виензы. Вана овсе аволь умок строязь ловсонь од комплексэсь, кона ашти Аловелесэ. Хозяйствась сонзэ строизе эсь ярмак лангс. Тень лангс велень хозяйствань предприятиянь важодицятне а лотксить.
– Кенярксчинть кувалма ёвтан сюкпря трактористтнэнень, шофертнэнень, скалонь потявтыцятненень, истя жо сетненень, кить тенек лездыть сюронь, ламбамо якстерькаень кастомасо, скалонь трямосо. Минь седе товгак карматано тевс нолдамо велень хозяйствасо одонть, – мерсь Д.Н.Игушкин.
Мейле «Сабанчеевское» ООО-нь прявтось Д.Н.Игушкин велень хозяйствасо кувать ды парсте важодеманть кисэ ды Велень хозяйствань ды перерабатывающей промышленностень роботникень чинть кувалма яволявтсь благодарностть ды макссь ярмаконь премият. Ютксост – Аловелень отделениянь шоферэсь В.М.Евстигнеев, Таразбуень отделениянь шоферэсь В.Г.Саврушкин, Дюркинань отделениянь трактористэсь Н.М.Гаврилов, Сабанцелень отделениянь – В.П.Федотов, Аловань отделениянь шоферэсь Н.Г.Фомин, Дюркинань отделениянь тинге лангонь прявтось Л.И.Гутрина, Алашеевкань отделениянь слесаресь В.П.Грунин, Сабанцелень отделениянь сторожось А.И.Пучкин, Аловелень отделениянь ваз мельга якицясь А.Н.Какуркина, Аловелень отделениянь скалонь потявтыцясь Н.В.Вдовина ды истя седе тов. Весемезэ – 22 ломанть.
Кенярксчисэнть пурнавозтненень поздоровт ёвтась, важодемасо од изнявкст арсесь Отяжелень муниципальной райононь администрациянь прявтось В.Г.Прокин.
– А мезть сёпомс, «Сабанчеевское» велень хозяйствань предприятиясь районсонть сехте вадрятнестэ вейкесь. Райононть ярмаконь паргось иестэ иес сюпалгады, тень кувалма строявить спортонь комплекст, вадрялгавтовить велень ульцятне, теньсэ, нама, покш таликазо «Сабанчеевское» ООО-нть, конань прявтсо Дмитрий Николаевич Игушкин. Сонзэ хозяйствас совить райононь зярыя велеть. Дмитрий Николаевич весементь теи, штобу сынь эрявольть. Тесэ гайгевельть морот, марявольть эйкакшонь вайгельть.
2019 иестэ Россиянь Правительствась яви ламо ярмакт велень хозяйстванть виевгавтомантень. Минь карматано идеме эсь проекттнэнь, конат сюлмавозь велень хозяйстванть виевгавтоманзо марто. Велетнесэ парсте решавить социальной кевкстематнеяк, теньсэ, нама, покш таликазо Дмитрий Николаевич Игушкинэнь.
Покш кенярксчисэнть паро коекс теевсть семиянь династиятнень тешкстамотне. Ды течи сцена лангс тердезель Федуловтнень династиясь, конатнень вейсэнь важодемань стажост хозяйствасонть – 202 иеть.
Династиянь прявтось – П.Н.Федулова пенсиясо, скалонь потявтыцякс важодсь 42 иеть, В.Н.Федулов 31 ие важоди скал мельга якицякс, А.К.Федулова 22 иеть важоди ветеринарной врачокс. Г.И.Федулова 26 иеть важоди скалонь потявтыцякс, В.Н.Мазайкина 22 иеть важоди скалонь потявтыцякс, В.Н.Мазайкин 22 иеть важоди МТФ-сэ слесарекс, Т.Н.Балыкина 33 иеть важоди скалонь потявтыцякс. Сыненст питней казнеть макссь Отяжелень райононь администрациянь прявтось В.Г.Прокин.
Тесэ кода а шнамс трактористэнть В.П.Федотовонь. Сон малав 39 иеть важоди «Сабанчеевское» велень хозяйствань предприятиясо трактористэкс. Сон тескень, Сабанцелень. Трактористэнь тевенть кочкизе уш школасо тонавтнемстэ. Важодемань перть кодамо ансяк тракторсо эзь робота. МТЗ-сэ, гусеничнойсэяк соксесь-виднесь тиринь паксятнень. Келя, тиринь модатнень вечкеме тонавтызе «Путь Ильича» колхозонь икелень председателесь Владимир Петрович Бухаркин.
Кенярксчисэнть пурнавозтненень поздоровт истя жо ёвтасть «МАПО «Восток» велень хозяйствань предприятиянь прявтось А.Н.Чиняев, Таразбуень поселениянь прявтось М.М.Свойкина. Сынь покш сюкпря ёвтасть велень трудий ломантненень виевстэ важодеманть, тиринь моданть вечкеманзо кисэ.
Кодамо кенярксчи моровтомо, киштемавтомо?! Сынь ульнесть. Пурнавозтненень эсь концертэнь программанзо невтизе Мордовиянь «Умарина» государственной киштемань ды морамонь ансамблясь, конань художественной руководителесь Мордовиянь искусствань заслуженной деятелесь В.И.Четыркин.
Петр Зиновьев
Отяжелень район


31.10.2018

 

Новости

43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.