Рубрикатор

Развитие АПК Саезь 19 сырнень ды 3 сиянь медальть
Саезь 19 сырнень ды 3 сиянь медальть

Московсо ВДНХ-нь территориясо ютавтозель «Сырнень сёксь – 2018» агропромышленной выставка. Мордовиясто тов якасть АПК-нь предприятиянь, пищевой ды перерабатывающей отраслянь прявттнэ, крестьянонь-фермерэнь хозяйствань представительтне. Делегациянть прявтсоль МР-нь Прявтось В.Д.Волков.

Выставкасонть республикань производительтнень продукцияст нестсть 23 предприятият. Неть: – «Сыродельный комбинат «Ичалковский», «Сыроваренный завод «Сармич», «Октябрьская», «Новотроицкая» ды «Норов» агрофирматне, «Мечта», «Юбилейное», «Атемарская» нармунень фабрикась, «Талина», «Ламзурь», Покш Березникень кшинь панема заводось, «Консервный завод «Саранский», «Тепличное», «Мир цветов», «Саранский Дистиллерс», «Биосфера», «Глубинка», «Аквасар», «Рузово», «Старошайговагропромснаб», «Мордовские пенькозаводы», истя жо «Караулов С.П.» ды «Кулагин А.А.» крестьянонь-фермерэнь хозяйстватне.
МР-нь Прявтось В.Д.Волков агропромышленной выставканть лувсо ютавтсь республикасонть од инвестиционной проекттнэнь эрямос совавтомань кевкстематнень коряс зярыя вастовомат. Тень ютксо, Мордовиянь Прявтось В.Д.Волков немецень инвестортнэнь марто толковинзе Мордовиясо ловсонь комплексэнь строямонть, Россиянь инвестортнэнь марто – Покш Игнатовань районсо теплицань комплексэнь строямонть. «Миненек эряви аволь ансяк ламолгавтомс велень хозяйствань продукциянть, истя жо теемс важодемань таркат тосо, косо те пек эряви», – тешкстызе Владимир Волков.
Масторонь агропромышленной покш форумсо Мордовиянть улемадонзо МР-нь Прявтось тешкстызе: «Минек аграрийтнень ды переработчиктнень изнявкстнэ лездасть парсте невтемс республиканть «Сырнень сёксь – 2018» выставкасонть. Мордовиясь сови масторонь васенце вететнень юткс сывелень, алонь ды ловсонь саемасонть. Велень хозяйствасонть вете иес продукциянь нолдамось ламолгадсь 30 процентс. Парсте тевтне молить переработкасонтькак. Парсте чарькодтяно, омбо масторонь товартнэнь таркас эсенектнень микшнемась – те минек велень хозяйствань продукциянь нолдамонть седе тов виевгавтомась. Секскак виевстэ важодтяно омбо масторонь продовольствиянь рынкатнесэ эсь представительствань келейгавтоманть коряс. Течи АПК-нь продукция омбо масторов микшневи 15 млн. долларонь питнес. Икеленек аравтынек задача – колмо иень перть экспортонь объемтнень ламолгавтомс 50 млн. долларс».
Алкукскак, меельце иетнестэ Мордовиянь агропромышленной комплексэсь ансяк кецявты эсь важодемасонзо. Тень невтизе Московсо выставкаськак. Истя, Мордовиясь мельга-мельцек 20-цеде саизе Россиянь «Сырнень сёксь» агропромышленной выставкань Гран-принть.
Республикань пищевой ды перерабатывающей промышленностень предприятиятне сайсть медальть. Сырнень медальть максозь «Юбилейное» ООО-тень (5 медальть), «Сыродельный комбинат «Ичалковский» ООО-тень (4 медальть), «ЛВЗ «Саранский» ООО-тень (3 медальть), «Сыроваренный завод «Сармич» (2 медальть), «Тепличное» АО-тень (1 медаль), «Время» (1 медаль), «Пьяных О.Н.» ИП-тень (1 медаль), «Мечта» ООО-тень (1 медаль), «Ламзурь» ОАО-тень (1 медаль).
Сиянь медальть максозь: «Пьяных О.Н.» ИП-тень (1 медаль), «НовоМилк» ООО-тень (1 медаль), «Юбилейное» ООО-тень (1 медаль).
Мордовиянь пищевой ды перерабатывающей промышленностень предприятиятне весемезэ сайсть 19 сырнень ды 3 сиянь медальть.

Петр Зиновьев

 

Новости

«Единая Россия» отстояла благоустройство небольших населенных пунктов в бюджете 2019 года

Изменение облика российских городов, благоустройство дворовых и общественных территорий является одним из самых успешных и результативных направлений работы Партии, подчеркнул секретарь Генсовета «Единой России» Андрей Турчак.

«Единой России» удалось защитить действующую модель использования регионами федеральных средств на ремонт дворовых территорий многоквартирных домов, а также на благоустройство населенных пунктов с населением более одной тысячи человек, которая будет работать и в 2019 году. Об этом заявил секретарь Генерального совета Партии, комментируя решения трехсторонней комиссии по межбюджетным отношениям.

Подробнее ...
 
Моледе ярмункав!

Ноябрянь 10-це чистэ Саранскойсэ ютавтови продовольственной ярмунка. Тесэ ярсамопельтне кармить микшневеме седе алкине питнеде. Теде пачтясть МР-нь Минсельхозпродсо. Эштё поладсть: Саранскоень эрицятненень ды инжетненень сывелесь, ламбамопельтне, кулинарной изделиятне ды лия товартнэ миевить 20 % седе дешовасто.
Ярмункась карми молеме истямо таркатнева: куншкакуросонть – Ботевградской курось (Полежаевень куростонть саезь Васенконть видьс); Светотехстройсэ – Октябрянь 60 иетнень проспектэсь (Веселовскоень куростонть саезь Веденяпинтнэнь бульваронть видьс); Юго-Западсо – Ульяновонь курось (Энгельсэнь куростонть саезь М.Расковань куронть видьс); Химмашсо – Октябрянь 70 иетнень проспектэсь (Косаревень куростонть саезь Севастопольской куронть видьс).

 
Мазылгавтовить куротне

Аволь умок ошонь Администрациясо ютавтовсь промкс, кортамось мольсь ламоквартирас кудотнень перька таркатнень витнемадо-вадрялгавтомадо. Ошонь Ленинской райононь прявтось Александр Юткин пачтясь пурнавозтненень, весе роботатне прядозь, кода федеральной, истя региональной программанть коряскак. Целанек вадрялгавтозь 32 кудотнень перька таркатне. Теде башка, ярмактнень видестэ ютавтоманть вельде удалась витнемс эштё вейке кудонть перька тарканть ды Юго-Западонь районсонть теезь машинань путома таркат: «Спар» супермаркетэнть ды эрямо кудотнень ютксо теезь парковкань тарка, конадонть пек энялдсть Поповонь куронь 64 Г кудонь эрицятне. Теке марто истямо жо тарка теезь М.Расковань 25 ды 31 №№ кудотнень ютксо. Те тевеськак топавтозь эрицятнень вешемаст коряс.

Подробнее ...
 
Единороссы республики проведут партийную дискуссию «Обновление - 2018»
В преддверии XVIII Съезда Партии, который пройдет 7-8 декабря в Москве, во
всех регионах России состоятся партийные дискуссии в ходе которых будут
обсуждаться основные векторы развития «Единой России» и меры, направленные
на повышение эффективности работы Партии и ее
сотрудничества с гражданским обществом.
Подробнее ...
 
Жители Мордовии обратились к Василию Пискареву с жилищными вопросами

Встреча с жителями республики – обязательный пункт каждого визита в Мордовию депутата Госдумы РФ, председателя комитета ГД РФ по безопасности и противодействию коррупции Василия Пискарева. В ходе региональной недели парламентарий каждый месяц проводит прием граждан по личным вопросам. 30 октября он встретился с заявителями по целому ряду сложных вопросов. 

Подробнее ...