Рубрикатор

Развитие АПК Кочкодыкесь – «аволь пакся» нармунь
Кочкодыкесь – «аволь пакся» нармунь

Ковылкинань районсо улемстэ вастневинек тосонь администрациянь прявтонть В.И.Ташкин марто. Сон пек шнась аволь ансяк велень хозяйствань предприятиятнень, конат, коське кизэнть лангс апак вано, эрьва гектарсто саить ламо сюро, истя жо крестьянонь-фермерэнь хозяйствань азортнэнь. Ютксост – Алексей Кулагин, конань хозяйствазо Кочелаева веленть эйстэ аволь васоло. Алексей Кулагин эсь фермасо кирди-анды кочкодыкть (перепёлкат). Те нармуненть, келя, сывельсэнзэ улить пек сюпав диетической свойстват, эштё питнейкс ловови секс, кочкодыкентень а эряви тейнемс вакцинацият, лисни, сынст сывелесь экологиянть коряс ванькс ды ванстови нармунень сывелень алкуксонь танстесь.

 

Весемесь истя. А мекс кочкодыкень сывелесь пек чуросто вастневи тосо, косо микшнить шашлык?

– Тувонь, скалонь, саразонь сывелесь микшневи эрьва косо ды кодамояк стакачинь апак сода рамави, – ёвтни Алексей Кулагин фермерэсь. – Минек кочкодыкень фермась зярс республикасонть васенце, кона Саранскоев ускси кочкодыкень сывель. Продуктась аволь дёшова, тень кувалма эрицятнестэ ламотне рамсить тувонь сывель.

Тешкстасынек, фермерэнть Алексей Кулагинэнь туртов васень тевесь – те аволь ламо сывелень саемась (иезэнзэ саи колмо тоннат) – кочкодыкень алонь саемась. Чизэнзэ алыить 30 тёжат алт. Вана иезэнзэ саевить малав 6,5 миллионт штукат. Кочкодыкень алтнэ ильтявить минек масторонь келес: Саратовав, Московов, Пензав, Воронежев, Орёлов ды Тамбовов. Ды, нама, Саранскоев.

Тешкстасынек, кочкодыкень алтнэ питнейть, тень кувалма сынст сеедьстэ лемдить шумбрачинь ампулакс. Ды эштё кочкодыкень сывелесь саразонсенть коряс седе сюпав лезэв веществасо.

Алексей Кулагинэнь валонзо коряс, «шашлыкекс» молить атякштне, конат редявить колмо недлянь ютазь алсто лисемадо мейле. Печкемадо икеле атякштнень ды а алыиця нармунтнень кирдить башка, лембе таркасо. Сень мельсэ кирдезь, тосо кочкодыкесь ламо ярсы ды ламо вий а ютавты, тень кувалма куялгады. Нармунтне андовить малав ков. Фермерэнть Алексей Кулагинэнсетне эстононь породань, конатнень атякштне печкемантень куялгадыть 170 граммас, лиятне иезэнзэ алыить 280 алт. Те породась пек вадря, кулсить пек чуросто. Эште мейсэ вадря те породась – алыямо кармить 40 чисэ.

Эряви меремс, нармунень весе группантень кором фермерэсь аноксты сонсь. Тень туртов рамси ансяк компонентт ды човори решёткатнева, андома тарканть теизе истя жо сонсь.

Косто весемесь ушодовсь? Зярдо Алексей важодсь Лямбирень райононь Атемарьсэ ветеринарной врачокс, сонензэ, Саратовань велень хозяйствань институтонь прядыцянтень, понгсь кочкодыкень кастомадо рекомендация марто брошюра. Те ульнесь 2010 иестэ, иень ютазь Кулагин кеместэ кундась кочкодыкень фермань строямо.

– Монень те тевесь марявсь мелень явовтыцякс ды ярмакткак ламо а эряви ютавтомс, – корты течи крестьянонь-фермерэнь хозяйствань азорось Алексей Кулагин. Проектэсь, конань сон арсесь совавтомс эрямос, ськамозонзо а топавтови. Те мелесь-арсемась вечкевсь тетянстэнь ды Алексеень ялаксонзо туртов. Кавонест врачт. Реаниматологось Алексей Викторович уш сестэ пенсиясоль, а Вадим Алексеевич, штобу кармамс фермерэкс, кадызе хирургонь тевензэ Воронеж ошонь клиникасо, косо сон, текенень, прядызе медицинань институтонть.

Зярдо минь ульнинек Кочелаевасо Кулагинтнэнь кедьсэ, мон кевкстия Вадим Алексеевичень: «А янксетядо? Эдь тыненк эште эзть топоде 40 иетькак ды, паряк, меленк сы велявтомс медицинас?» Ды сон каршо валсо мерсь: «Тень коряс а янксян. Но бути велявтомс эсь од порас, кочкавлия ветврачонь тевенть. Ансяк иетнень ютазь чарькодинь, монень пек вечкеви важодемс корьмаенть лангсо. А прявт тевесь – монь, лелянь ды тетянь ули кемеманок, фермерэнь тевесь, конань топавттано, пек эрявикс ды вечкевикс, секс сон зярдояк а ёми».

Васняяк сынь вейсэ витнизь скалонь кардонть, конань эйстэ те шкас кадовсь ансяк лемесь. Ансяк каладо кардонть кисэ, козонь совасть «эрямо» кочкодыктне, савсь пандомс 100 тёжат целковойть.

Кардонтень сынсь ветясть сэнь уштомапель, ведь, конань кисэ истя жо савсь пандомс аволь аламо ярмакт. А зяро ярмакт савсь ютавтомс фермантень кинь ветямсто! Вейке кедьсуртнэ а сатыть, карминдерят ловомо, зяро КамАЗ-т ускозь тапазь кирьпецть, песок ды эрьва кодамо строительной шукш.

Вейке валсо, а шождаль кочкодыкень фермань теемась. Зярдо муезель кардось, сонзэ туртов эрявсь оборудования нармунтнень кирдемс-андомс. Уцяскантень, республикань нармунень фабрикатнестэ вейкесэнть виевстэ мольсь витнемась ды оборудованиястонть ламось ёртовсь утильс. «Омбоце эрямось» сынст ушодовсь кочкодыкень фермасо, ансяк тень туртов савсь весементь одс теемс. Ламо мезе эште апак тее, пек лездась грантось – 900 тёжат целковойтне, конань сыненст максызь кода РФ-нь Минсельхозонь «Поддержка начинающих фермеров» целевой программань участниктненень. Неть ярмактнень лангс Алексей Кулагин фермерэсь рамась неень шкань кавто инкубаторт.

Течи кочкодыкень фермась пештязь пелевидьс, ды Кулагинтнэ арсить сень лангсо, косто саемс ярмакт, штобу целанек пештямс ферманть нармунде. Зярс производстванть виевгавтомс ярмактне а сатныть. Уликс правилатнень коряс, сенень, кие получась грант производствань виевгавтомантень государстванть пельде, од финансонь лезкс максови ансяк вете иень ютазь.

– РФ-нь Велень хозяйствань министерствас максынек заявка, штобу кочкодыкень ферманок совавтовлизь семиянь фермань лездамонь программантень, ды минек коллективесь, косо ней 12 ломанть, кеми – получатано грант фермань виевгавтомантень уш 2019 иестэ, – корты Алексей Кулагин. – Минек меленек шнызе МР-нь Прявтось Владимир Дмитриевич Волков.

Апак кавтолдо мертяно, сень, мезе арсить теемс Кулагинтнэ –  топавтсызь!

 

Пётр Зиновьев.

Ковылкинань район

 

Новости

«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...
 
Кобзев: Получение паллиативной помощи по месту пребывания сделает ее доступной для всех нуждающихся
Возможность  получения  паллиативной  помощи  по  месту  пребывания   существенно   упростит  жизнь
нуждающихся в ней людей и их родственников по всей стране. Об этом заявил член общественного
совета партпроекта «Единой России» «Здоровое будущее», член комитета Госдумы по охране здоровья
Юрий Кобзев, комментируя подписанное премьер-министром Дмитрием Медведевым постановление о
внесении   изменений   в   программу   государственных   гарантий   бесплатного   оказания   медицинской
помощи.
Подробнее ...
 
Региональная дискуссионная площадка «Единой России» на «круглом столе» обсудит реформу обращения с ТКО
17 апреля в Региональном исполнительном комитете Партии состоится первое
заседаниеРегиональной дискуссионной площадки ВПП «Единая Россия».
Ее Координатором стал заместитель Председателя Государственного Собрания
РМИван Михайлович Москаев.
"Круглый стол" Региональной дискуссионной площадки Партии будет посвящен
теме: "Ход реформы обращения с твердыми коммунальными отходами и реализация
национального проекта "Экология" в Республике Мордовия".
К обсуждению партийцы пригласили регионального оператора "Ремондис Саранск",
министерство ЖКХ, энергетики и гражданской защиты, министерство лесного и
охотничьего хозяйства, министерство социальной защиты, труда и занятости
населения, Федеральную службу по надзору в сфере природопользования,
Республиканскую службу по тарифам, ОНФ и другие заинтересованные ведомства,
общественные организации. Начало мероприятия в 15.00.