Рубрикатор

Развитие АПК Вишкапингстэ уш арсесь эсь тевденть
Вишкапингстэ уш арсесь эсь тевденть

Покш Игнатова буень Вармазейка велесь аволь пек покштнень эйстэ. Течи тесэ эрить 250 ламо ломанть. Ламот эрицятнень туртов важодема таркась – Владимир Юрьевич Кабаевень крестьянско-фермерской хозяйствась. Аволь ламо шкань перть од ломанесь стявтсь-пурнась ракшань трямонь ферма ды панжсь важодема таркат эсь велень эрицятнень туртов.

 

Весемесь ушодовсь 2004 иестэ. Владимир Кабаев, Н.П.Огарёв лемсэ МГУ-нь Аграрной институтонть прядомадо мейле, кармась важодеме прявт зоотехникекс райононь велень хозяйствань управлениясо. Роботась тензэ вечкевсь ды зярыя иетнень перть топавтсь сонзэ покш мельсэ. Ансяк вана Владимирэнь ульнесь вейке покш арсемазо – ушодомс эсензэ тев. Эдь эштё овсе вишкине цёрынькакс сон свал чийниль фермав, вансь, кода скалонь потявтыцятне потявтыть скалтнэнь, бажиль тенст лездамс. Ды те меленть-бажамонть, ракшатненень вечкеманть кирдсь ламо иетнень перть. Секскак специальностенть получамодо ды эрявикс опытэнть пурнамодо мейле, сон арсесь пурнамс эсензэ хозяйства ды целанек алтызе эсь прянзо вечкевикс тевентень.

– Ламот сестэ эйсэнь кевкстнесть, мезекс те монень эряви, – ледстни Владимир, – каршост мерилинь: мон чачинь велесэ ды пек покш мелем, штобу тиринь ёнксом эряволь.

Владимирэнь тетязо, Юрий Алексеевич, васняяк мольсь цёранзо арсеманть каршо. Сон пек парсте содыль весе неть тевтнеде. Надежда Андреевна нинзэ марто весе эрямост алтызь колхозсо важодемантень ды фермерэнь тевентень. Ансяк цёраст эзь кунсоло ды кеместэ ютась эсь бажамонтень. Ды, эряви меремс, эсь меленть сон топавтызе.

Эсь хозяйстванть Владимир Кабаев ушодызе весемезэ кемень скалсто. Аламонь- аламонь стаданть кастызе комсь скалс. Маризе эсь прянзо азорокс, весемесь мольсь парсте, мельс тусь. 2006 иестэ цёрась кортась тетянзо марто, ды сынь сайсть 300 тыщат целковоень покшолмасо кредит. Неть ярмактнень лангс «Развитие семейных животноводческих ферм на базе крестьянских (фермерских) хозяйств» программанть юрсо стявтызь эсь васенце ферманть (100 скалс).

Тетязо ды лелянзо эзть кадово ве ёнов ды течи эсь хозяйстванть сынь ветить вейсэ. Лелятнень лангсо тракторонь-машинань паркось ды тикшенть-сюронть кастомазо-анокстамозо. Ояксчисэ вейсэнь важодемась лезды таштамс сатышка кором ды пивсэмс сюро.

Кода ёвтызе Владимир, течи сынст хозяйствасонть лововить 825 сюракшов ракшат. Потявтовиця скалтнэде – 287. Течинь чине фермерэсь стявты эштё вейке комплекс «Семейная животноводческая ферма» программань грантонь ярмактнень лангс ды эсь стаданть арси кастомс эштё 200 скалс. Истя жо хозяйстванть 700 гектардо ламо видневиця моданзо.

– Модатнень саинек арендас велень эрицятнень кедьстэ – сынст пайтнень. Тень кисэ эрьва ие явшетяно тенст сюро. Лиякс меремс, аренданть пандтано аволь ярмаксо, а сюросо. Эрицятнененьгак паро, зыянов тикшесь а колы модатнень, миненекак лезкс – ули ков сюронть-тикшенть видемс. Тедеде пиземетне аламольть, секс зерновойтнень урядынек шкастонзо, тикшеяк анокстынек сатышка. Тень коряс мелявкст а улить, – корты фермерэсь.

Эряви меремс, хозяйствасонть ули весе эрявикс техникаськак: тракторт, комбайнат, сокамонь-видемань туртов агрегатт. Ансяк весемесь уш ташто ды сеедьстэ сави витнемс, секскак азоронть пек покш мелезэ аламодо одкстомтомс техниканть.

Эсь продукциянть, ловсонть, крестьянско-фермерской хозяйствась мии республикань переработкань покш предприятиятненень. Рамицятнень коряс мелявкст а лиснить, эдь вадря продукциясь свал эрявикс.

 – Хозяйстванть перька тевенть топавттано аволь ансяк семиянек, улить сиведезь важодицянок, эсенек велень эрицят. Миненек лезкс, сыненст жо важодема тарка ды а берянь ярмакт, –  поладызе кортамонть Владимир Кабаев. – Весе парсте содатано, а шожда течи велесэ эрямось. Ды, васняяк, важодема таркатнень арасьчинть коряс.

Эряви меремс, Владимир Кабаев эсь велень эрицятненень макссь аволь ансяк важодема таркат, башка мель яви Вармазейканть общественной эрямонтеньгак. Вейкеяк кенярксчи а ютни сонзэ арсевть программавтомо. Ды тень кисэяк эрицятне ёвтыть тензэ покш сюкпря.

Владимир Кабаевень пек мелявтовты велетнень чамомась ды ёмамось. Секскак сон корты: тейсы весементь, штобу тиринь Вармазейказо эряволь, тесэ свал гайгевельть эйкакшонь вайгельть.

Ю.Еремина

 

Новости

Законопроект «Единой России» об отказе от пенсионных преференций для депутатов и сенаторов принят в первом чтении

Государственная Дума приняла в первом чтении законопроект, согласно которому депутаты и сенаторы имеют право отказаться от пенсионных надбавок при выходе на пенсию. Законопроект внесен по инициативе членов Совета Федерации и нижней палаты парламента от «Единой России». Документ принят большинством голосов.

Подробнее ...
 
В проекте федерального бюджета на следующую трехлетку предусмотрено увеличение финансирования ряда госпрограмм

Финансирование ряда государственных программ увеличено по основным показателям. Об этом стало известно по итогам серии заседаний комитета Государственной Думы по бюджету и налогам, посвященных подготовке проекта федерального бюджета на 2019 год и на плановый период 2020 и 2021 годов к первому чтению. В обсуждении проектов госпрограмм приняли участие представители профильных комитетов Госдумы и ведомств.

Подробнее ...
 
«Единая Россия» добилась расширения перечня причин для возврата полной стоимости авиабилетов

Нижняя палата парламента 397 голосами одобрила в первом чтении законопроект, предлагающий расширение списка причин, на основании которых пассажиру должна быть возвращена полная стоимость сданного авиабилета, купленного по невозвратному тарифу. В настоящее время, отметила автор законопроекта, член комитета Государственной Думы по физической культуре, спорту, туризму и делам молодежи Наталья Кувшинова (фракция «Единой России»), представлявшая документ, получить полную компенсацию можно, в частности, только в случае смерти или болезни родственника.

Подробнее ...
 
Госдума приняла в первом чтении законопроект «Единой России», отменяющий необходимость подтверждать оплату взносов на капремонт

Законопроект, согласно которому уполномоченный орган государственной власти не вправе требовать от граждан документы, подтверждающие оплату ежемесячного взноса на капремонт, упростит использование механизмов адресной помощи. Об этом заявил первый заместитель председателя комитета Госдумы по жилищной политике и жилищно-коммунальному хозяйству, координатор партпроекта «Единой России» «Школа грамотного потребителя» Александр Сидякин. Данный проект закона, внесенный фракцией «Единой России», принят в первом чтении нижней палатой парламента.

Подробнее ...
 
Кудотнень перька таркатне паролгавтовить

Пондельникстэ ошонь прявтось П.Н.Тултаев ютавтсь Саранскоень районтнэнь прявттнэнь марто промкс, косо кортамось мольсь кудо вакссо таркатнень паролгавтомадо. Ленинской районсо 32 кудотнень перька тевтне топавтозь весе. Экономиянть вельде паролгавтозель эштё С.Разинэнь куросо 33№ кудонть вакссо таркась.

Подробнее ...