Рубрикатор

Развитие АПК Юрий Семёновонь хозяйствазо
Юрий Семёновонь хозяйствазо

Се шкастонть, зярдо минь ульнинек васенцеде крестьянонь-фермерэнь хозяйствань азоронть Юрий Николаевич Семеновонь кедьсэ, ютасть уш малав кавто иеть. Те шканть перть икеленсенть ваксс строязь неень шкантень  ладиця скалонь од ферма. Эйсэнзэ ули молокопровод, ловсонь кельмевтемка. Скалонь алкстнэ урядавить-ванськавтовить транспортерсо.



Зярдо пачкодинек фермерэнть Юрий Семеновонь скалонь од фермантень, тестэ киньгак эзинек васто. Ферманть эйстэ аволь васоло МТЗ тракторось КИР-сэ ледсь люцерна. Молинек седе малав… Ваксозонок пачкодезь, тракторось лоткась, кабинасто эрязасто валгсь од цёрась ды шумбракстнемадо мейле ушодсь:

– Кода нетядо, монсь сокан, монсь видян, монсь коромгак анокстан. Видькстан, те тевесь монень вечкеви, – мерсь крестьянонь-фермерэнь хозяйствань азорось Ю.Н.Семенов. – Чинь-чоп ушосан, ракшатнень вакссо, паксясо. Тесэ коштось ванькс. Крестьянонь-фермерэнь хозяйствань азорокс теевинь 2014 иестэ, зярдо тень максозель васенце грантось. Тенень лездась Мордовия Республикань Велень хозяйствань министерствась. Неть ярмактнень лангс раминь зярыя скалт. Ды тевесь тусь. Мейле эштё раминь скалт.

Ю.Н.Семенов ракшатнень рамси аволь ансяк Шугурова велень эрицятнень кедьстэ, райононь малав весе велетнестэ. Фермерэсь макссь газетас яволявтома: «Шугуровасто фермерэсь рамси скалт». Ёвтазь сонзэ телефононь номерэзэ. Течи Ю.Н.Семеновонь хозяйствасонть ведьгемень скалт.

– Икеле ракшатнень пансилинек луга лангов, тедеде кизна теинек лиякс, кирдтяно сынст калдасо, – ёвтни Ю.Н. Семенов. – Эрьва чистэ скалсто потявтано малав 15 килограммат ловсо. Велень хозяйствань лия предприятиятнень коряс те, нама, аволь ламо. Тедеде кизэсь коськель, секс потявкстнэяк аволь покшт. Паро коромонть псись костизе. Ялатеке те иень васенце пель иестэнть ловсо ильтинь эсь хозяйствасто 807 центнерт. Ловсонть рамси Орданьбуень райононь «Исток» хозяйствань предпринимателесь Александр Седякин. Сон тенек сакшны недлязонзо кавксть. Эрьва разнэ митямо 150 литрат.

Фермерэсь Ю.Н.Семенов пек шнызе скалонь потявтыцянть Анастасия Ивановна Амелькинань.

– Тензэ кодгеменде ламо иеть, ансяк истя а меревлинь. Сон теке од тейтерька, эрьва ков кенери. Мон ракшатнень андомо сакшнан пек рана, 4-5 чассто. Скалтнэ уш потявтозь. Анастасия Ивановна тевензэ уш топавтызе. Кода-бути кевкстия сонзэ: «Удсят-арась?». Авась тень мерсь, келя, аламо. Советской шкасто колхозсо скалонь потявтомсто тонадынь рана стякшномо, сестэяк эсь важодемантень явинек покш мель, – мерсь каршо валсо А.И.Амелькина.

Тешкстасынек, КФХ-нь азоронть Ю.Н.Семеновонь мельга кемекстазь 150 гектарт мода, козонь видни товзюро, пинеме, шуж. Кецявты, эрьва иестэ сайни сатышка урожай, кона сатни аволь ансяк эсь хозяйствань ракшатненень, микшнемскак. Тедедеяк саезь сюро сатышка. Сюронь паксянть урядамсто фермерэнтень лездасть тетязо, Николай Михайлович, лелязо, Сергей, кона эри-важоди Саранскойсэ.

Комбайнасонть сюротнень урядась Н.М.Семенов.

Кода а лездамс цёрам туртов. Текенень, комбайнеронь тевентькак содаса, – корты Николай Михайлович.

Фермерэнть Ю.Н.Семеновонь валонзо коряс, сонензэ лездыцятнень ютксо истя жо Галя Коробова, Ольга Арискина, Наталья Ларькина.

Ансяк пшкадян лезкс мельга – зярдояк а отказыть, – видькстась фермерэсь.

Тешкстасынек, Ю.Н.Семеновонь аволь уш истямо покш сюронь утомозо. Сон сюронть кескавсо вансты пилорамасо, косо икеле тетязо пильсесь лазокс, тесокс чочкт.

Ю.Н.Семеновонь хозяйствасонть 3 тракторт – МТЗ-82, МТЗ-80, ЮМЗ. Видькстатано, истят тракторт велень хозяйствань покш предприятиястояк сеедьстэ а вастат. Тосо сынь весе омбо масторонь «Джон Дирт».

– Арасель мелеть кадомс те тевенть? Ськамот важодемс пек стака? – кевкстинек Юрий Николаевичень.

– Сакшнось те мелесь. Мон эште весть пшкалинь лезкс мельга МР-нь Велень хозяйствань ды продовольствиянь министерствав. Ютазь иень майстэ карминь «Развитие сельских животноводческих ферм на базе крестьянско-фермерских хозяйств Республики Мордовии на 2015-2017 года и на период до 2020 года Государственной программы развития сельского хозяйства  и регулирования рынка сельскохозяйственной продукции, сырья и продовольствия Республики Мордовия на 2013-2020 годы» проектэнь участникекс, ды макссть тень сертификат. Монень макссть грант эсень ловсонь ферманть виевгавтомс. Койсэнь, ярмактне аволь аламо – 7 миллионт целковойть. Самай неть ярмактнень лангс строязь скалонь од фермась, – каршо валсо мерсь Юрий Николаевич.

Ю.Н.Семенов крестьянонь-фермерэнь хозяйстванть виевгавтоманть кис покш сюкпря ёвтась Мордовиянь Правительствань Председателень, васенце полавтыцянтень, Велень хозяйствань ды продовольствиянь министрантень В.Н.Сидоровнень, «Агрофирма «Кировский» велень хозяйствань предприятиянь председателентень М.В.Струенковнень.

– Кода-бути вейке иестэнть эзь сатокшно ракшатненень коромось. Пшкадинь лезкс мельга Михаил Владимировичнень. Сон эзь отказа, лездась, – тешкстась Юрий Николаевич.

Течи республикань агропромышленной комплекссэ важодицятне покш мель явить озимойтнень видемантень. Тень эйстэ ве ёнов эзть кадово крестьянонь-фермерэнь хозяйствань азортнэяк. Ютксост – Ю.Н.Семеновгак. Тедеде Юрий Николаевич арси видемс кодгеменде ламо гектарт. Тетязо, Николай Михайлович, паксянть уш сокизе. Анокстазь сатышка видьмекстнэ.

Кецявты, Ю.Н.Семеновонь Шугуровасо, Покш Березникень районсо содасызь аволь ансяк кода паро крестьянонь-фермерэнь хозяйствань азоронть, истя жо кода художественной самодеятельностень вадря артистэнть. Морси «Эрзяночка» фольклорной ансамблясонть. Те ансамблясь концерт марто якси шабра велевгак – Парынзэлев, Симкинав, Покш Березникев, морсить республикасонть ютавтневиця фестивальтнесэ.

– Аволь умок кецявтынек Вейсэ поселкань эрицятнень, конат тешкстасть поселкантень 90 иетнень, – ёвтни Ю.Н. Семенов. – Морынек эрзянь кезэрень морот, конат пек вечкевсть кенярксчинтень сыцятненень. Нурькинестэ меремс, минь свал тосотано, косо эсь ёрокчист невтить республикань фольклорной коллективтне.

… Зярдо прядовсь кортнеманок, фермерэсь Ю.Н.Семенов шкань апак сацтне кузсь тракторонь кабинас ды поладызе тикшень ледеманть. Ды истя иень перть, свал тевсэ....

 

Петр Зиновьев, Покш  Березникень ёнкс

 

 

 

Новости

«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...
 
Кобзев: Получение паллиативной помощи по месту пребывания сделает ее доступной для всех нуждающихся
Возможность  получения  паллиативной  помощи  по  месту  пребывания   существенно   упростит  жизнь
нуждающихся в ней людей и их родственников по всей стране. Об этом заявил член общественного
совета партпроекта «Единой России» «Здоровое будущее», член комитета Госдумы по охране здоровья
Юрий Кобзев, комментируя подписанное премьер-министром Дмитрием Медведевым постановление о
внесении   изменений   в   программу   государственных   гарантий   бесплатного   оказания   медицинской
помощи.
Подробнее ...
 
Региональная дискуссионная площадка «Единой России» на «круглом столе» обсудит реформу обращения с ТКО
17 апреля в Региональном исполнительном комитете Партии состоится первое
заседаниеРегиональной дискуссионной площадки ВПП «Единая Россия».
Ее Координатором стал заместитель Председателя Государственного Собрания
РМИван Михайлович Москаев.
"Круглый стол" Региональной дискуссионной площадки Партии будет посвящен
теме: "Ход реформы обращения с твердыми коммунальными отходами и реализация
национального проекта "Экология" в Республике Мордовия".
К обсуждению партийцы пригласили регионального оператора "Ремондис Саранск",
министерство ЖКХ, энергетики и гражданской защиты, министерство лесного и
охотничьего хозяйства, министерство социальной защиты, труда и занятости
населения, Федеральную службу по надзору в сфере природопользования,
Республиканскую службу по тарифам, ОНФ и другие заинтересованные ведомства,
общественные организации. Начало мероприятия в 15.00.