Рубрикатор

Развитие АПК Весемесь вановтост ало
Весемесь вановтост ало

Аволь умок эсь профессиональной кенярксчист тешкстызь республикань ветеринартнэ. Саранскоень Рузонь драмань театрасо пурнавкшность аволь ансяк республикань ветеринарной врачтне, истя жо ракшань орматнень каршо бороцямонь коряс районной станциянь прявттнэ, лабораториясо важодицятне, сетне, кинь вановтост ало республикань весе ракшатне. Тешкстасынек, республикань ветеринарной службасо важодить весемезэ тёжадо ламо ломанть. Эйстэст ветесядто ламотне – ветеринарной врачт, фельдшерт. Сынь эрьва иестэ топавтнить икелест аравтозь тевтнень. Мелят виевстэ важодсть пищевой ды перерабатывающей промышленностень предприятиятне. Сынь нолдасть ламо питнес продукция. Сайсынек, невтемга, сывелень переработканть. Миезь 10 миллиардто ламо целковоень питнес, мезесь пек ламо манынь коряс. Нолдазь 12,3 тёжат тоннат сыра, 3,5 тёжат тоннат скалой.



Велень хозяйствань предприятиятнесэ ламолгадсь ловсось ды крестьянонь-фермерэнь хозяйстватнесэ  скалсто иезэнзэ потявтозь вете тёжадо ламо килограммат ловсо. Теньсэ, нама, покш таликаст республикань ветеринарной службасо важодицятненьгак.

Меельце иетнестэ ветеринарной службань специалисттнэ виевстэ важодсть ракшатнень ютксо педиця орматнень а нолдамга. Ютксост – сибирень язвась, туберкулезось, тувонь африкань чумась, ящурось ды истя седе тов.

А мезть сёпомс, МР-нь ветеринарной службасо важодицятне эсь тевень алкуксонь специалистт. Эйстэст ламотне те специальностенть тонавтнизь Н.П.Огарёвонь лемсэ МГУ-нь Аграрной институтсо ды велень хозяйствань профилень средне-специальной тонавтнемань заведениясо. Меельце шкасто республикасо покш мель явови ветврачонь ды фельдшерэнь анокстамонтень.

Тешкстасынек, Мордовиянь госветслужбась покш мель яви хозяйстватнесэ диагностикань исследованиятненень, ветеринарно-профилактической ды противоэпизоотической мероприятиятненень. 2018 иенть ушодовомсто ванкшнозь 360 тёжат ракшат, кавто миллиондо ламо ракшас теезь вакцинацият, дезинфекция ютавтозь малав 1 миллион кавонзазь метрат кардтнэсэ.

Республикань ветеринарной службань специалисттнэ покш мель явсть тувонь африкань чуманть а нолдамга. Тень кувалма теезельть зярыя ванстомань-карантинэнь постт, косо ванкшновсь автотранспортось. Нурькинестэ, МР-нь Правительстванть мереманзо коряс ветслужбанть юрсо теезь мобильной противоэпизоотической отряд, кона анок куш ков ардомс.

2017 иестэ ванкшновсть РФ-нь субъекттнэстэ коромонь ды кормовой добавкань ускомань сядодо ламо документтнэ.

Тесэ а кода а ледстямс сетнень, кить аштить невтемакс эсь ялгатнень туртов. Неть – ракшань орматнень каршо бороцямонь коряс районной станциянь прявт врачтне. Отяжелень – Ю.Н.Егорцев, Кочкуровань – А.В.Лабутин, Чаунзань – В.В.Сайгушкин, Ельникень – А.В.Горюнов, Лямбирень – А.А.Австанчиков ды ламо лиятне.

Истя, Юрий Николаевич Егорцев Отяжелень райононь ракшань орматнень каршо бороцямонь станцияв сась важодеме 1993 иестэ республикань университетэнть прядомадо мейле. Васня важодсь ветврачокс, мейле – межрайонной ветеринаронь лабораториянь прявтокс. Юрий Николаевич покш мель яви коллективенть важодемань условиятнень вадрялгавтомантень. Течи совиндерят Отяжелень станциянтень, пек кецязеват. Лабораториясонть оборудованиясь неень шкантень ладиця. Тензэ максозь сертификат.

Отяжелень райононь ракшань орматнень каршо бороцямонь станциянть вановтонзо ало велень хозяйствань 16 предприятият, крестьянонь-фермерэнь 8 хозяйстват. Районсонть лововить 9105 скалт, эйстэст 3870 – потявтовицят, 450 тёжат саразт, 22 лишметь, 287 реветь.

Тешкстасынек, МР-нь ветеринаронь службась полады Мордовиясо тувонь африкань чуманть коряс ванкшноманть. Те тевсэнть пек докат ракшань апаро орматнень каршо бороцямонь коряс Мордовия Республикань ветстанциянь важодицятне, конатнень прявтсо Е.А.Рунков.

Евгений Анатольевич станциянь прявт ветеринарной врачонь тевенть топавты аволь умок. Вана ветеринаронь врачонь а шожда канстонть канды 2005 иестэ саезь, зярдо прядызе Н.П.Огарёвонь лемсэ Мордовской университетэнь Аграрной институтонь ветеринаронь факультетэнть.

МР-нь Ветеринаронь службань специалисттнэ изнявкстнэнь лангс а лотксить, – кортась ветеринаронь кенярксчисэнть МР-нь Правительствань Председателень васенце полавтыцясь, Велень хозяйствань ды продовольствиянь министрась В.Н.Сидоров. – 2018 иень васенце кото ковтнестэ республикань ракша мельга якицятне потявтсть ламо ловсо, миезь байтяк сывель, алт. Теньсэ, нама, покш таликаст республикань ветеринарной службань специалисттнэньгак.

В.Н.Сидоров ёвтась поздоровт ды арсесь важодемасо од изнявкст МР-нь Прявтонть В.Д.Волковонь, МР-нь Правительствань Председателенть В.Ф.Сушковонь пельде.

Мейле ветеринаронь тевсэнть кувать ды парсте важодеманть кисэ ламонень максозельть МР-нь Прявтонь Почётонь грамотат, Благодарностть, РФ-нь Велень хозяйствань ды МР-нь Велень хозяйствань ды продовольствиянь министерстватнень Почётонь грамотат.

Ветеринаронь тевенть вечкеманзо кисэ истя жо ламонень максозельть Почётонь грамотат МР-нь Госсобраниянть, МР-нь Ветеринарной службанть пельде. Сынст казнесть МР-нь Госсобраниянь депутатось, Комитетэнь прявтось Г.К.Самолькин ды МР-нь Ветеринарной службань прявтось А.Н.Кечайкин.

Пётр Зиновьев

 

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...