Рубрикатор

Развитие АПК «Ардатов» МАПО-нь прявтось кекшни
«Ардатов» МАПО-нь прявтось кекшни

Газетасо колоньгемень котодо ламо иень перть важодемстэ косо-ансяк араселинь, кинь марто ансяк эзинь кортне. Ютксост скалонь потявтыцят, тувонь андыцят, сюронь кастыцят, покш велень хозяйствань предприятиянь прявтт, промышленной предприятиянь прявтт, эйкакшонь тонавтыцят, учёнойть, республикань райононь администрациянь прявтт, од ломанть… Ков эзинь ардтне, эрьва косо эйсэнь вастсть парсте, теке вечкевикс инженть. Тесэ кода а ледстямс паро валсо Отяжелень райононь «Сабанчеевское» велень хозяйствань прявтонть Д.Н.Игушкинэнь. Дмитрий Николаевич аволь ансяк предприятиянь алкуксонь прявт, истя жо эрзянь коень-кирдань, келень вельмевтиця. Дмитрий Николаевич – «Эрзянь правда» республикань газетань паро оя. Пшкадят тензэ лезкс мельга – зярдояк а отказы. Бути алтась мезеяк теемс, свал топавтсы.



Кецявты, Д.Н.Игушкин зярдояк прянзо а покшкавтни. Сонзэ обуцязо уш истямо, шны ансяк вакссонзо важодицятнень. Сон зярдояк кинь лангаяк апаро валсо а кортни. Кинь лангскак вайгель а кепси.

Те аволь весе. Кода-бути Д.Н.Игушкин тень гайневтсь телефонга, кевкстни: а мусак тень ловномс Андрей Куторкинэнь «Лажныця Сура» трилогиянть. Мон сонзэ ловнокшныя, ней эште весть мелем ули ловномс.

Д.Н.Игушкинэнь пельде карминь содамо, сон пек вечки тиринь кельсэ газетань, журналонь ды, нама, книгань ловномо. Те ёнксось сонзэ обуцясо кемекставсь вишка пингстэ. Дмитрий Николаевич лездась тиринь велесэ Культурань кудонть витнемстэ, церькованть строямсто. А стяко сон – Отяжелень райононь почетонь ломань.

Минек газетань кеме оякс теевсть Краснослободской райононь «Новокарьгинский» велень хозяйствань прявтось Д.Н.Харитонов, «Агрофирма «Норов» предприятиянь прявтось А.И.Поздняков, МР-нь ветеринаронь службань прявтось А.Н.Кечайкин  ды истя седе тов.

Пек чуросто вастневить истят ломанть, кить пряст ловить тештекс.  Киян мон. Покшкавтницят. Арсить пингест перть кармить важодеме прявтокс. Истятнэ мельсэст а кирдить: сы холдингень кодамояк од прявт, ливтязь ливтить вишка прявттнэ. Покшкавтниця прявттнэнь ялгасткак покш ломанть: прокуратурань, полициянь сотрудникть, судьят.

Орданьбуень районсо ули велень хозяйствань предприятия, конань лемезэ «МАПО «Ардатов». Сонзэ прявтсо Ю.А.Евдокимов. Те хозяйстванть мельга кемекстазь ламо мода. Ансяк сюротнень алов явнови кото тёжадо ламо гектарт. Хозяйствантень совить маласо велетнень модатне, скалонь ферматне. Тесэ виевстэ важодить велень эрицятне. Минек покш меленек ульнесь ёвтнемс газетань ловныцятненень тесэ важодицятнеде. Теде зярыяксть гайневтнинь Ю.А.Евдокимовнень. Энялдынь вастовомс. Ёвтневлизе, кода эрзятне кастыть сюро, потявтыть скалт. Пачтямотнень  коряс, тевест молить а беряньстэ.

– А эряви минденек сёрмадомс. Прянок шнамс а мейсэ, – мерсь хозяйствань прявтось ды путызе трубканть.

Зярыя шкань ютазь таго гайневтинь «МАПО «Ардатов» предприятиянь прявтонтень Ю.А.Евдокимовнень. Таго отказась кортнемс мартонок. Ды истя малав колмо иеть. Августонь вейке чистэнть таго гайневтинь «алкуксонь» велень хозяйствань прявтонтень. Чись ульнесь пеця. Ды друк телефононь трубкастонть марян:

– Садо пондельникстэ. Карман учомонк.

Неть валтнэнь марязь, абунгадынь. Арсезевинь, Юрий Александровичень, паряк, седеезэ солась. Тенень, нама, кецинек.

Ушодынек васоло ки лангов редакциянь автомашинанть анокстамо.

Пондельникстэ рана валске сыргинек Орданьбуев. Уш пек покшоль меленек вастовомс хозяйствань прявтонть марто. Пачкодинек тов 8.20 чассто. Юрий Александрович кабинетсэнзэ арасель. Бухгалтериясо важодицятне кевкстеманок лангс: сакшнось-арась важодема таркас хозяйствань прявтось? – ве вайгельсэ отвечасть:

– Сакшнось. Ней ков тусь – а содатано. Сон теде миненек а ёвтни.

Гайневтинь тензэ телефонга. Чатьмонема. Шкань ютазь эште весть гайневтинь – чатьмонема.  Истя, хозяйствань прявтонть учинек обед малас.

Ней уш гайневтинь лия телефонсто ды марян:

– Кунсолы Юрий Александрович. Мон ней хозяйстванть эйстэ васолан.

– Сестэ мереде хозяйствань специалисттнэнень ёвтнемс хозяйствань течинь тевтнеде.

– Арась истямо ломань, кие маштоволь ёвтнеме. Вастомазонок.

Ды трубканть тона пельде марявсть «пик», «пик».

Лисни, «Ардатов» МАПО-нь прявтось Ю.А.Евдокимов важоди ськамонзо. Покш тев теи – ардтни велеванть. Коллективенть виензэ мельсэнзэ а кирди. Миньгак ардынек оно ков нать оймсеме?! Те мезде корты? Хозяйствань прявтось вечксы ансяк эсензэ прянзо. Ансяк зярс истя карми?..

Якинь аволь эсень тевень коряс, «Эрзянь правда» газетанть заданиянзо коряс. Газетась – МР-нь Госсобраниянь ды МР-нь Правительствань.

Пётр Зиновьев

Орданьбуень ёнкс

 

Новости

«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...
 
Кобзев: Получение паллиативной помощи по месту пребывания сделает ее доступной для всех нуждающихся
Возможность  получения  паллиативной  помощи  по  месту  пребывания   существенно   упростит  жизнь
нуждающихся в ней людей и их родственников по всей стране. Об этом заявил член общественного
совета партпроекта «Единой России» «Здоровое будущее», член комитета Госдумы по охране здоровья
Юрий Кобзев, комментируя подписанное премьер-министром Дмитрием Медведевым постановление о
внесении   изменений   в   программу   государственных   гарантий   бесплатного   оказания   медицинской
помощи.
Подробнее ...
 
Региональная дискуссионная площадка «Единой России» на «круглом столе» обсудит реформу обращения с ТКО
17 апреля в Региональном исполнительном комитете Партии состоится первое
заседаниеРегиональной дискуссионной площадки ВПП «Единая Россия».
Ее Координатором стал заместитель Председателя Государственного Собрания
РМИван Михайлович Москаев.
"Круглый стол" Региональной дискуссионной площадки Партии будет посвящен
теме: "Ход реформы обращения с твердыми коммунальными отходами и реализация
национального проекта "Экология" в Республике Мордовия".
К обсуждению партийцы пригласили регионального оператора "Ремондис Саранск",
министерство ЖКХ, энергетики и гражданской защиты, министерство лесного и
охотничьего хозяйства, министерство социальной защиты, труда и занятости
населения, Федеральную службу по надзору в сфере природопользования,
Республиканскую службу по тарифам, ОНФ и другие заинтересованные ведомства,
общественные организации. Начало мероприятия в 15.00.