Рубрикатор

Развитие АПК Изнявкстнэнь лангс а лотксить
Изнявкстнэнь лангс а лотксить

А мезть сёпомс, Отяжелень районось иестэ иес виевгады ды мазылгады. Тесэ строявить-стявтовить эрямо кудот, эйдень кужот, споронь комплекст ды истя седе тов.
– Райононь эрицятне маштыть аволь ансяк лезэвстэ ютко шканть ютавтомо, истя жо важодемеяк, – ёвтни Отяжелень райононь администрациянь велень хозяйствань управлениянь прявтось А.М.Степушкин.

– Вана мелят миинек 20233 тоннат ловсо, эрьва скалсто потявтозь 5797 килограммат, сывель ильтинек 10 тёжат тоннат, сюро саинек 135 тёжат тоннадо ламо. Тешкстаса, неть цифратнень экшсэ велень ломантнень виев важодемаст. Ялатеке явови «Сабанчеевское» велень хозяйствань предприятиясь, конань прявтсо Дмитрий Николаевич Игушкин. Сон эсь тевень алкуксонь специалист, велень хозяйствань алкуксонь прявт. Районсонть а улевельгак те предприятиясь, Сабанцеле велесь ёмаволь. Дмитрий Николаевич весе эрямонзо алтызе велень хозяйствантень. Ульнесь колхозонь прявтокс, райононь велень хозяйствань управлениянь прявтокс. Косо эзь важоде, эрьва таркасонть тевензэ топавтсь вадрясто. Течияк Д.Н.Игушкин весементь теи Сабанцелесэ, Таразбуесэ, Аловелесэ, Дюрькинасо, Алашеевкасо, конат совить «Сабанчеевское» велень хозяйствань предприятиянтень, эрямонть вадрялгавтомга-шождалгавтомга.
Алкукскак, Д.Н.Игушкин покш мель яви велетнесэ эрямонть паролгавтомантень. Вана Сабанцелесэ допрок витнезь-петнезь Культурань кудось, косо эсь ютко шкаст лезэвстэ ютавтнить велень трудий ломантне – скалонь потявтыцятне, паксянь сокицятне ды урядыцятне. Нурькинестэ, сюронь кастыцятне.
Культурань кудонть вакссо строязь церькова, конань кенкшензэ пекстазь зярдояк а эрсить. Эйстэнзэ аволь васоло теезь аллея, косо аштить озамо таркат, чокшне ланга аллеясонть палыть лампочкат.
– Хозяйствасонок важодить малав кавтосядт ломанть. Эйстэст ламотне – одт, – ёвтни директоронь полавтыцясь Б.Н.Игушкин. – Содан, эрьванть ули мелезэ виев важодемадо мейле вадрясто оймсемс. Тень жо теить велень культпросветроботниктне. Зярдо сынь хозяйствань прявтонтень пшкадить лезкс мельга, Дмитрий Николаевичень виезэ а саты тенст отказамс. Целанек хозяйствасонок тевтне молить а беряньстэ. Мелят саинек ламо сюро, эрьва гектарсто – 48 центнерт! Зняро хозяйстванть эрямосо зярдояк арасель. Сюронть алов явозельть 5 тёжат гектарт.
Тесэ а кода а ледстямс велень хозяйствань предприятиянь комбайнертнэнь, кить виень апак жаля важодсть сюронть урядамосо. Неть – А.М. Бакшайкин, Н.Д.Кажаев, М.И. Тихонов ды истя седе тов. Эрьвась пивсэсь кеменде ламо тёжат центнерт сюро.
– Весе сюрось ванстови хозяйствань утомтнесэ, – ёвтни растениеводствань кевкстематнень коряс директоронь полавтыцясь Ф.М.Константинов. – Мекс? Пек дешовасто кшинть миемс аволь вадря, виенек а саты.
Ф.М.Константинов – Аловелень. Агрономокс уш важоди ниленьгемень вете иеть. Тиринь велень хозяйствас важодеме сась Ицялонь райононь Кемлянь совхозонть-техникумонть прядомадо мейле.
– Сестэ колхозонь прявтокс важодсь Александр Андреевич Климбовский, – ледстни Фёдор Михайлович. – Кастынек сюро, ламбамо якстерькай. Иестэ иес колхозось покшолгадсь ды сюпалгадсь. Эрямоськак вадрялгадсь. А стяко Александр Андреевичнень максозель Социалистической Трудонь Героень лемесь.
Ф.М.Константиновонь валонзо коряс, мейле сон заочна прядызе Н.П.Огаревонь лемсэ МГУ-нь агрономиянь факультетэнть. Велень хозяйствасо кувать ды парсте важодеманть кисэ казезь МР-нь Прявтонь Почётонь грамотасо.
Меельце иетнестэ «Сабанчеевское» велень хозяйствань предприятиясо важодицятне пек ламо таргить ламбамо якстерькай.
– Вана тедеде ламбамо якстерькай ламо саемс эзь саво, – видькстась агрономось Ф.М.Константинов. – Содазь кодамо тувталось ульнесь. Кизэсь якшамоль-пиземевель. Виднинек 2300 гектарт ламбамо якстерькай. 300 гектартнэ ёмакшность. Ялатеке «Ромодановосахар» предприятияв ильтинек 65 тёжат тоннат ламбамо якстерькай.
Ф.М.Константиновонь валонзо коряс, 700 гектарт видезель кукуруза, 400 гектарт – рапс ды лия мезе.
«Сабанчеевское» велень хозяйствань предприятиясо покш мель явови озимойтнень видемантень. Мелят шкастонзо видезельть 2300 гектарт озимойть. Те тевенть тейсть хозяйствань сехте вадря трактористтнэ, кинь покш опытэст сюронь кастомасо. Ютксост – А.Н.Данилов.
Сы иень урожаенть алов паксятне уш анокстазь, лангозост каязь сатышка удобрения.
– Мельспаро тень тееви, зярдо ютан сы иень урожаенть алов парсте анокстазь паксятнева, – видькстась агрономось Ф.М.Константинов. – Ацирьгавты ансяк вейкесь – агрономонь тевень поладыцям арась. Течи хозяйствань прявтось Дмитрий Николаевич Игушкин анок топавтомс од специалисттнэнь весе вешемаст. Ансяк бу важодевельть.
Вана истя. Велесэ важодемась а шождатнестэ. Тесэ эрицятне оймсема чить а содыть. Ды важодить сетне, кить вечксызь корьмай моданть лангсо сюронь, ламбамо якстерькаень кастоманть, ракша мельга якамонть.
… «Сабанчеевское» велень хозяйствань предприятиянь тракторонь-машинань паркось. Тесэ тевтне а лотксить. Трактористтнэ эсь «кшнинь айгорост» анокстыть тундонь видемантень.
– Монь 1221 МТЗ-нь витнемась прядовома лангсо, – ёвтни трактористэсь В.С.Михайлов. – Запасной пельксэнь коряс кодаткак асатыкст а содатано.
Тешкстасынек, Владимир Сергеевич аволь умок тешкстынзе 65 иензэ. Иетнень лангс апак вано, сон вечкевикс тевензэ а арси кадомо.
– Мон эрян Таразбуесэ, важодеме эрьва валске сакшнан Сабанцелев. Велесэнек а косо важодемс, Таразбуестэ сакшны сварщикесь Анатолий Сапуновгак, – корты трактористэсь В.С.Михайлов. – Сабанцелесэ тенек весемесь вечкеви.
Тешкстасынек, хозяйствань тракторонь-машинань паркось покш. Тесэ ванстовить-кирдевить 11 – «1221 МТЗ» тракторт, 5 – Джон Дирт, 3 – «К-700» тракторт, кеменде ламо омбо масторонь комбайнат, велень хозяйствань эрьва кодамо прицепной инвентарь ды лия мезе.
– Минь уш аноктано лисемс тундонь паксянь тевтнень топавтомо, – видькстась директоронь полавтыцясь Б.Н. Игушкин. – Таштынек сатышка солярка, бензин, удобрения, видьмекст…
«Сабанчеевское» велень хозяйствань предприятиясонть покш мель явови ракшань трямонтень. Тесэ андовить 1005 потявтовиця скалт. Чистэ скалонь ферматнестэ ильтяви 19 тёжат 378 тоннат ловсо. Эрьвасонть аравтозь неень шкань оборудования. Ладязь ловсонь провод, ули ловсонь кельмевтемка. Тевест парсте топавтыть скалонь потявтыцятне М.Д.Тикшайкина, Т.Д.Сорокина, М.Н.Игнатьева.
Тешкстасынек, Сабанцелень фермасо кирдевить 350 скалт. Мельгаст якить 7 ломанть, скалонь потявтыцят. Сынь важодемасост кодаткак стакачить а вастнить. Теле лангс эрьва скалс анокстазель колоньгеменде ламо центнерт кормовой единицат.
– Арсян, тедеде седеяк ламо сайтяно сюро, таргатано ламбамо якстерькай, скалсто потявтано ловсо, – тешкстась «Сабанчеевское» велень хозяйствань предприятиянь директоронь полавтыцясь Б.Н. Игушкин. – Тенень минек ули весемесь!
Апак кавтолдо мертяно, сень, мезе арсить теемс Сабанцелень трудий ломантне, топавтсызь! Тесэ изнявкстнэнь лангс а лотксить.
Петр Зиновьев,
Отяжелень ёнкс

 

Новости

Ольга Окунева: Законопроект об «ипотечных каникулах» направлен на защиту граждан, оказавшихся в трудной жизненной ситуации
Госдума на пленарном заседании в четверг, 21 марта, приняла в первом
чтении законопроект об ипотечных каникулах для граждан, оказавшихся в
трудной жизненной ситуации.
Оперативное рассмотрение и принятие Госдумой в первом чтении
законопроекта об ипотечных каникулах говорит о том, что инициативы
Президента России Владимира Путина по «ипотечным каникулам» будут
реализованы в максимально короткие сроки. Об этом рассказала
Координатор партпроекта «Крепкая семья», первый заместитель
председателя комитета Госдумы по вопросам семьи, женщин и детей Ольга
Окунева.
Подробнее ...
 
43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...