Рубрикатор

Развитие АПК Неень шкань вешематнень лувсо
Неень шкань вешематнень лувсо

… «Новокарьгинский» велень хозяйствань кооперативенть ланга ламо паро валт марсинь. Сонзэ шныть республикань покш промкстнэсэ, косо ванкшныть велень хозяйствань кевкстематнень. Текенень, 2017 иестэ, зярдо ванкшновсть важодемань невтематне, «Новокарьгинский» велень хозяйствань предприятиясь эсь зонасо лиссь изницякс. 2016 иенть коряс велень хозяйствань продукциянь миеманть ламолгавтызе 18 процентс. Тень кувалма покш мелем ульнесь вастовомс хозяйствань прявтонть Д.Н.Харитоновонь марто, ёвтнемс эрзятненень мезе ашти изнявкстнэнь экшсэ. Гайневтинь тензэ телефонга. Дмитрий Николаевичнень ёвтыя мелем-арсемам. Видькстан, Д.Н.Харитонов а сеске согласясь эйстэдест газетас сёрмадомадо. Минь, келя, велень хозяйствань лия предприятиятнень эйстэ овсе а явовтано. Мезе тенек эряви теемс, сень тейтяно. Те истя, ансяк  изнявкстнэ аволь вейкеть. Минек республикань эрицятне бажить содамс эсь геройтнень, сетнень лемест, кить виень апак жаля кастыть сюро, потявтыть скалт, якить ваз мельга, нурькинестэ, ванстыть велетнесэ эрямонть. Неть валтнэнь марямодо мейле Дмитрий Николаевичень седеезэ солась.

Саранскойстэ Од Карь-
          гав пачкодинек курок.
          Редакциянь автомашинасонть кувать эзь саво ардомс «Новогарьгинский» СХПК-нь правлениянть вешнемстэ. Д.Н.Харитонов таркасонзоль. Кортниль телефонга. Маряви, толкови кинень-бути зяро эряви удобрения ды солярка. Зярдо прядызе кортамонзо, Дмитрий Николаевич велявтсь минек ёнов ды «лембестэ» мерсь: «Ней мон тынк, кевкстнеде сень, мезе эряви».

Видьксткстан, Д.Н.Харитоновонь неия васенцеде, маряви жо содаса уш умок. Сон панжадо ойме. Корты апак капша, валтнэнь, мерят, путнезь путни. А покшкавтни.

Д.Н.Харитонов чачсь 1959 иестэ Орданьбуень райононь Луньга велесэ. Тесэ ютась эйкакшпоразо, тесэ кемекстызе обуцянзо. Средней школанть прядомадо мейле тонавтнеманзо поладызе Орданьбуень медицинань училищасо. Тонавтнесь парсте. Вана удалов кадовсть училищасо тонавтнемань иетне. Од специалистэсь паро эрямонь вешнеме ве ёнов эзь туе. Сась тиринь велев  ды ушодсь ФАП-нь (фельдшерэнь-акушерэнь пункт) прявтонь тевтнень топавтомо. Низэ, Анастасия Михайловна – тесэнь средней школань завуч.

Д.Н.Харитонов аволь сетнестэ, кить мезеяк теить, кармить прянь шнамо ды мейле оймить. Дмитрий Николаевич касты-кемексты содамочинзэ свал. Заочна  тонавтни  Н.П.

Огаревонь лемсэ Мордовской госуниверситетэнь зоотехния факультетсэ.

Истя уш лиссь, 1988 иестэ Д.Н.Харитоновонь семиязо тусь эрямо Лямбирень райононь Покш Елховка велев. Сон важодсь скалонь фермань прявтокс «Агрофирма «Октябрьская» нармунень фабрикасо.

Тосо скалонь фермань прявтонь тевтнень топавтынь кеменде ламо иеть, – ёвтни Дмитрий Николаевич. – Фермасонть ульнесть кавто сядодо ламо скалт. Мельгаст якинек оймень путозь. Топавтынек сень, мезе вешсть зоотехниянь законтнэ. Тень кувалма, эрьва скалсто иезэнзэ потявтозель весемеде ламо ловсо аволь ансяк Лямбирень районсо – республикасояк.

Содазь, эрьванть ули истямо ломанезэ, кие лездась важодемань васенце иетнестэ. Лиякс меремс, наставникезэ. Истямокс монь туртов кармась «Агрофирма «Октябрьская» нармунень фабрикань прявтось Иван Семёнович Андин. Сон – велень хозяйствань предприятиянь алкуксонь прявт. Пельдензэ тонавтнинь ды тонавтнян кода таштамс изнявкст велень хозяйствасо, кода эрямос совавтомс велень хозяйствасо од технологиятнень, кода кемекстамс сюлмотнень шабра республикань велень хозяйствань предприятиятнень марто. Нурькинестэ меремс, кода а кадовомс неень шкань вешематнень эйстэ.

Кецявты, «Новокарьгинский» СХПК-со важодить неень шкань вешематнень лувсо. Теньсэ, нама, покш таликазо прявтонть Д.Н.Харитоновонь. Велень хозяйствань предприятиянть мельга кемекстазь 4400 гектарт мода, сюротнень алов  явозь 1850 гектарт, тезэнь совить 200 гектартнэ, козонь видневи зёрнакс кукуруза. Новая Карьга велень трудий ломантне мелят важодсть виевстэ. Истя, эрьва гектарсто саезь 31 центнер сюро, мезесь районсонть весемеде ламо. Весемезэ пивсэзь 5800 тоннат сюро, сон ванстови хозяйствань утомсо.

Тешкстасынек, «Новокарьгинский» СХПК-нь важодицятне покш мель явить ракшань трямонть виевгавтомантень. Тесэ а кода а шнамс зоотехникенть А.А.Сарайкинэнь. Сон тедеде прядсы Н.П.Огаревонь лемсэ университетэнть. Александр Александрович куроксто мусь кель-вал скалонь потявтыцятнень марто. Сынь сонзэ чарькодить васень толковамсто. Истя, мелят хозяйствасонть эрьва скалсто потявтозь 5700 килограммат ловсо, весемезэ – 3330 тоннат. Ловсось миеви «Ичалковский» сырань теемань комбинатов.

Течияк скалонь потявтыцятне важодить виестэ. Чистэ эрьва скалсто потявтови 19,1 килограмма ловсо. Весемезэ – 12 тоннат.

Минек хозяйствасонть кирдевить-андовить 1850 скалт. Эйстэст 660 – потявтовицят, – ёвтни Дмитрий Николаевич.  – Теле лангс анокстазель сатышка кором. Эрьва скалс 34 кормовой единицат.

Д.Н.Харитоновонь валонзо коряс, хозяйствасонть важодить скалонь малав комсь потявтыцят. Эйстэст пек явовить Татьяна Шаронова, Елена Прусакова, Жанна Микшрайтис. Хозяйстванть мельспаронзо – искусственной осеменениянь специалисттнэ Александр Палагин ды Анастасия Акамов.

Анастасия Акамова тескень, Од Карьга велень. Те тевенть топавты уш 12 иеть. Те шканть перть сон теевсь эсь тевень алкуксонь специалистэкс. Сонензэ превспутома мельга сакшныть шабра велень хозяйстватнестэяк.

Тешкстасынек, «Новокарьгинский» СХПК-со скалонь 4 фермат. Тесэ ули молокопровод, ловсонь кельмевтемка.

«Новокарьгинский» велень хозяйствань кооперативень важодицятне кеме юр путсть 2018 иень урожаенть алов. Шкастонзо видезельть 1200 гектарт озимойтне. Те тевенть топавтсь трактористэсь Иван Кочин.

Истя жо парсте роботыть трактористтнэ Пётр Шаронов, Евгений Лопатин, Николай Шкунов. Сынь сокить-видить ды урядыть паксятнень. Тельня  – андыть скалт. Козонь а кундыть, эрьва тевенть топавтыть вадрясто.

Сынь паксясо тундонь тевтнень топавтомо уш анокстызь эсь тракторост, культиватортнэнь, сеялкатнень… Лисни, хозяйствань важодицятне нейке анокт лисемс видеме.

Тешкстасынек, «Новокарьгинский» СХПК-нь тракторонь парксо – 4 «К-700» тракторт, 4 «1221» беларусть, неень шкань зярыя комбайнат.

Тедедень видемантень анокстынек сатышка видьмекст. Раминек 2,5 тёжат тоннат элитань викань, ды арсетяно рамамс 10 тоннат пинемень  видьмекст, – ёвтни Д.Н.Харитонов. – Минь эрьва иестэ тундонь паксянь тевтнень топавтомо анокстакшнотано кеместэ, весеме ёндо арсезь. Тень кувалма видеманть пряднотано шкастонзо ды парсте.

Ютындерят «Новокарьгинский» предприятияванть, ёжот сеске витеви. Эрьва косо неяви азорксчи. Тесэ строязь сюронь ванськавтомань комплекс, конань питнезэ 8 миллионт целковойть, ули силосонь яма, конань кисэ максозь  9 миллионт. Малав 6 миллионт питнезэ кормоцехенть, кона ушоды важодеме тедеде.

Весементь строинек ды строятано эсенек ярмак лангс, – ёвтни Харитонов, – зярс важодян велень хозяйствань прявтокс, банксто-косто вейкеяк целковой эзинек сайне. Банкс долк пандан хозяйствань икелень прявтонть кис.

Д.Н.Харитонов «Новокарьгинский» СХПК-нь прявтокс важоди 2012 иень декабрясто саезь. Сонзэ хозяйствасо важодицятнень марто содавиксэкс теизе райононь администрациянь икелень прявтось Ю.В.Медянкин.

Важодемань васень шкасто Дмитрий Николаевич ладизе трудонь дисциплинанть. Мельде-валдо важодицятнень кирдеме эзь карма. Од ломанть важодить скалонь потявтыцякс, полавтынзе специалисттнэнь. Ней агрономокс роботы Алексей Капустин, главной инженерэкс – Алексей Федюшкин.

Икеле «Новокарьгинский» СХПК-сто чистэ ильтясть 1 тонна 700 килограммат ловсо, ней, Дмитрий Николаевичень пингстэ – 12 тоннат. Иезэнзэ велень хозяйствань продукция миезель 40 миллионт целковоень питнес, течи – 117 миллионт целковоень питнес. Иезэнзэ хозяйствасонть средней зарплатась 24 тёжат целковойть. Тесэ важодить 115 ломанть. Ютксост – Ковылкинань райононь Мамолаева велень эрицятнеяк.

А кода а ледстямс вана мезенть. Д.Н.Харитонов покш мель яви Од Карьга веленть мазылгавтомантень. Сонзэ ушодксонзо коряс строязь спортонь площадка, косо велень од ломантне налксить волейболсо, футболсо. Велень «Калинушка» художественной самодеятельностень ансамблянь артисттнэнень рамазь оршамопельть, седямопельть. Допрок витнезь средней школань спортонь залось. Тей волейболсо налксеме важодемадо  мейле сакшныть од ломантнеяк. Теезь секция, конань уроконзо вети физкультурань тонавтыцясь Юрий Васинов.

Покш сюкпря Дмитрий Николаевичнень миненек лездамонть кисэ, – видькстась школань директорось Наталья Дерябочкина. – Кеман, хозяйстванть марто кеме сюлмонок зярдояк а сезевить.  Эдь веленть вандынь чизэ ашти минек эйстэ.

Течи Од Карьга велень средней школасонть тонавтнить 72 эйкакшт. Сынст содамочинь масторганть ветить 18 тонавтыцят. Сынь весементь теить эйкакштнень тиринь ёнксонь вечкицякс кастомга.

…Од Карьга велестэ сыргинек мельспаросо. Тесэнь эрицятне важодить неень шкань вешематнень  лувсо.

Пётр Зиновьев,

Краснослободскоень ёнкс

 

Новости

«Единая Россия» запускает новый проект по поддержке региональных НКО

 Совет Сторонников «Единой России» запускает новый проект по поддержке региональных НКО – Центр поддержки гражданских инициатив (ЦПГИ). Центр займется поддержкой гражданских инициатив и проектов НКО, региональных лидеров общественного мнения и активных граждан. Каждый проект должен быть направлен на развитие территорий и иметь социальную направленность. Центр позволит обеспечить более четкое взаимодействие между волонтерами, организаторами волонтерской деятельности, благополучателями, органами государственной власти и органами местного самоуправления. Об этом заявил секретарь Генсовета «Единой России» Андрей Турчак, выступая на молодежном форуме «Машук-2018», который проходит в эти дни в Пятигорске.  

Подробнее ...
 
Уведомление

 Государственное бюджетное учреждение Республики Мордовия «Редакция газеты «Эрзянь правда» информирует регистрированных кандидатов в депутаты Госсобрания РМ о проведении 9 августа 10.00 часов жеребьевки по предоставлении печатной площади  на дополнительные выборы в Госсобрание Республики Мордовия  9 сентября 2018 года.

 
Единый «налоговый патент» для ЛПХ поможет фермерам развивать хозяйства
Патентная система станет оптимальным решением для тех фермеров, которые сегодня боятся
регистрировать ИП из-за бюрократических препон, но задумываются о развитии своего
хозяйства или пытаются найти решение вопроса сбыта продукции. Об этом заявила член
комитета нижней палаты парламента по аграрной политике Светлана Максимова,
комментируя находящийся на рассмотрении в Госдуме законопроект, который предоставит
владельцам личных подсобных хозяйств право в случае необходимости купить «налоговый
патент» на срок от месяца до года.
Подробнее ...
 
Андрей Турчак: Совет по развитию цифровой экономики поможет регионам разработать соответствующие программы

Основными функциями Совета по развитию цифровой экономики при Совете Федерации станут экспертная поддержка законотворческой деятельности Совфеда в сфере цифровой экономики, а также помощь верхней палате в разработке соответствующих программ на региональном уровне. Также Совет будет помогать регионам разрабатывать свои местные программы по развитию цифровой экономики. Об этом заявил вице-спикер верхней палаты парламента, председатель Совета, секретарь Генерального совета «Единой России» Андрей Турчак, выступая в городе Гусеве Калининградской области на первом заседании Совета.

Подробнее ...
 
Саранскоесь – сехте вадря оштнень ютксо

2018 иень Футболонь коряс масторлангонь чемпионатонь невтевкстнэнь коряс, Саранскоесь совась сеть оштнень юткс, конат пек вечкевсть туристтнэнень. Ошонтень сазь инжетнень ламочист коряс сон саизе сисемеце тарканть, конань явизе Волгоградонть марто.

Подробнее ...