Рубрикатор

Развитие АПК Валост кирдизь
Валост кирдизь

Ней республикань перерабатывающей промышленностень, велень хозяйствань предприятиятне домкасто ванкшныть сень, кода важодсть 2010 иестэнть. Тонавтнить роботамонь весе эскелькстнэнь: косо мезесь удалась, косо нолдазь ильведевкст.

Тешкстасынек, куш 2010 иесь ульнесь а шождатнестэль, коське кизэсь кандсь покш зыян велень хозяйствань предприятиятненень, ялатеке валост кирдизь: ловцо, сывель ды алт тешкстазенть коряс сайсть седе ламо.

Сывелесь ламолгадсь

2010 иестэнть вельть виевстэ важодсь сывелень отраслясь. Велень хозяйствань предприятиятне ды крестьянско-фермерэнь хозяйстватне иезэнзэ нолдасть 84,2 тыщат тоннат сывель, мезесь 2009 иенть коряс 18 % седе ламо. Истя, весемеде ламо миезь Лямбирень районсо – 42,2 тыщат тоннат. Те – 23 % седе ламо манынь коряс. А мезть сепомс, теньсэ покш таликазо «Октябрьская» агрофирманть, конань прявтсо И.С.Андин. Тесэ важодицятне эсь предприятиясто ильтясть 39 тыщат тоннат сывель.

Иестэ иес ламолгавтыть сывелень нолдамонть Ицялонь райононь трудий ломантне. Сынь государствантень мисть 6,4 тыщат тоннат сывель. Иеде седе икеле истянь зняро ильтякшнось эсь велень хозяйствань предприятиятнестэ Отяжелень районось. Ней жо те районось кармась аламодо кадовомо. Райононь прявтнэнь валост коряс, тесэ тувталось – печксевсть аволь покш сталмонь ракшат.

Вана Кадошкинань районось вельть вишкине Отяжеленсенть коряс ды свал лововсь кадновицякс. Ансяк сывелень нолдамосонть ней пек явови лиятнень эйстэ. Тесэ нолдазь 1,7 тыщат тоннат сывель. Сонзэ миемась кассь 297 %. Скалтнэнь куялгавтызь 54 килограммас. Те цифрась 14 килограммадо седе ламо республикансенть коряс. Омбоцекс моли Рузаевкань районось. Сехте куяв, 567 килограммань сталмосо скалт мясокомбинатов микшнесь «Агрофирма «Октябрьская» предприятиясь.

2010 иестэ виевстэ важодсть Дубенка райононь животноводтнэ. Мелень коряс сывелень нолдамонть сынь ламолгавтызь 3,9 тыщат тоннас. Тесэ а кода а ледстямс «Моргинское» предприятиясо важодицятнень. Сынь весементь тейсть ламо сывелень миемга. Чизэнзэ тувотнень куялгавтсть 900 граммас.

Республикань промкстнэсэ, косо ванкшновсть велень хозяйствань кевкстематне, свал шнавсть нармунень фабрикасо важодицятнень тевест. Ды ули мезень кисэ. 2010 иестэ нармунень фабрикатнестэ пурназь 1077,5 миллионт алт, мезесь манынь коряс 17 проценттэ седе ламо.

Потявкстнэ

кастовсть

2010 иестэ велень хозяйствань предприятиятнесэ потявтозь 293,3 тыщат тоннат ловцо, мезесь 24 тыщат тоннадо седе ламо мелень коряс. Ловцось ламолгадсь республикань малав весе районтнэсэ, Покш Игнатовань, Ковылкинань ды Теньгушевань районтнэде башка. Куш меельцесэнть ванстызь скалтнэнь, но аравтлувсо тешкстазенть эзизь топавто.

2009 иенть коряс ловцонь миемасонть тевтне вадрялгадсть Чаунзань, Инсаронь, Рузаевкань, Ромодановань, Сыре Шайговань, Ицялонь, Отяжелень ды лия районтнэсэ. Тесэнь скалонь потявтыцятне ловцонть мелень коряс ламолгавтызь малав 2 тыщат тоннас. Пек явови Покш Березникень районось. Тесэ ловцось ламолгадсь 25 %.

Тешкстасынек, 2010 иестэнть вейсэнь животноводствасонть скалтнэ ламолгадсть 1150 пряс. Те корты республикань эрицятнень ракшань кирдемань покш мельдест. Скалтнэнь рамсить ламо ловцонь максыцят.

Мелят республикаванть эрьва скалсто потявтовсь 4303 килограммат ловцо. Ледстясынек, 2009 иестэ эрьва скалсто потявтозель 3909 килограммат. 2010 иестэ республикань скалонь потявтыцятне эсь икелев аравтнесть покштояк покш тев – потявтомс 4200 килограммат. Иенть ушодовомсто тень коряс кодаткак кавтолдомат арасельть. Но уш кизна, зярдо аштесь коське шкась, животноводствань специалисттнэ талнозевсть: кирдьсызь-арась скалонь потявтыцятне валост. Весемесь тусь эсь лувсонзо. Превейстэ ладязель скалтнэнь тельня ферматнесэ кирдемась. Велень хозяйствань предприятиянь прявттнэ покш мель явсть коромонь анокстамонтень. Тень коряс ардтнесть республикань томбалень велень хозяйствань кооперативтнес. Анокстасть сатышка тикше, концентратт. Эзть ема сюронь, ламбамо якстерькаень кадовкстнэяк. Лездасть, нама, рапсонь видевкстнэяк. Истя, натой декабрясто скалсто чинь потявкстнэ кассть 700 граммас.

Лисни, республикань скалонь потявтыцятне валост кирдизь.

Эскельдизь

ниле тыщатнень

2010 иестэ скалонь потявтыцятнень важодемадост евтнемстэ а кода а ледстямс вана мезенть. Бути маныть ниле тыщат килограммат ловцо скалсто потявтсть кевейкее район, 2010 иестэ жо эйстэст кармасть кеветее.

Лямбирень районсо республикань скалонь потявтыцятненень паро пример невтить потявкстнэнь кастомасо нармунень кавто фабрикатне. «Агрофирма «Октябрьская» предприятиясонть эрьва скалсто потявтозь 7199 килограммат, Атемарсо – 6617 килограммат.

Кецявты Чаунзань райононь скалонь потявтыцятнень важодемаст. Сынь мелят скалсто потявтсть весемеде ламо ловцо – 6243 килограммат. Эйстэст аламодо кадовсть Октябрьской райононь трудий ломантне.

Истя жо омбоце ие ловцонть ламолгавтыть Кадошкинань районсо. Тесэнь животноводтнэ мелят эрьва скалсто потявтсть 4489 килограммат, мезесь манынь коряс 550 килограммадо седе ламо. Те корты седе, тесэнь скалонь потявтыцятне ракшатнень андыть вадря коромдо, конадонть анокстазь сатышка. Лисни, скалтнэнень яват покш мель, сыньгак парот пандсызь, максыть ламо ловцо.

2009 иенть коряс ламо ловцонь потявтомантень паро эскелькст тейсть Атюрьевань ды Темниковань райононь скалонь потявтыцятне. Бути Темниковасо мелят скалсто потявтсть колмо тыщат килограммат ловцо, Атюрьевансетне тень эзизь саса ансяк 35 килограммадо.

Кода а жаль, скалсто колмо тыщат потявтыть Теньгушевань, Покш Игнатовань ды Ковылкинань районтнэсэ.

Февралесь – скалтнэнь фермасо кирдемань сехте стака ковтнестэ вейкесь. Но, кода невтить важодемань результаттнэ, республикань ферматнесэ тевтне молить вадрясто. Скалонь потявтыцятне эрямос совавтыть велень хозяйствасо одонть, сень, мезесь лезды ловцонь, сывелень ламолгавтомантень. Тень кемевтемга, Лямбирень райононь «Дальнее», «Белотроицкий» предприятиятнесэ чистэ эрьва скалсто потявтови 11-12 литрат ловцо.

Истя жо кецявтыть Орданьбуень, Отяжелень, Кочкуровань райононь скалонь потявтыцятнеяк, туво мельга якицятнеяк. Лиякс а кода, тень веши шкась, эрямось.

Петр Зиновьев

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.