Рубрикатор

Развитие АПК «Возрождениясь» виензы иестэ иес
«Возрождениясь» виензы иестэ иес

 

Кода кортыть, эрьванть эсензэ уцясказо. Кинь сон валаня. Тевензэ молить вадрясто. Эрямованть молемстэ а вастневи кодамояк стакачи марто. Кинь, мекевлангт, сон а кецявты, секе-тев мелявты апаро тевтнеде, конатнень вастни эрямонь кинзэ лангсо. Сынст вейсэнди ансяк  вейкесь – эрямонтень бажамось.

 

Александр Геннадьевич Арискинэнь эйкакш, од порась эзь кольневте. Ялаксонзо, сазоронзо марто пек рана кадовсть тетявтомо-ававтомо. Ансяк сынь кедест эзизь нолда. Манадыши эрзянь велеванть тевтеме лытамо эзть карма. Тиринь велень кавксо иень школанть прядомадо мейле Александр Арискин тусь Орданьбуень 8 № средней профессиональной училищав трактористэкс тонавтнеме. Од цёрась пек вечкиль озямс техника марто, улезэ куш трактор, куш комбайна. Тесэ, училищасонть, те весемесь ули. Секскак тонавтнемстэ Александр Арискин училищань мастерскойстэ эзь лиснеяк. Тонавтнесь тракторонь эрьва пельксэнть, эрьва гайканть. Училищанть Александр Арискин прядызе вадрясто. Сеске важодемс тензэ эзь саво. Сонзэ саизь Советской Армияв. Служась кавто иеть. 1977 иестэ Александр Арискин велявты тиринь велев. Кувать оймсеме эзь карма. Омбоце чистэнть сон сась «Рассвет» колхозонь правленияв. Председателесь Андрей Петрович Федоров од цёранть вастызе мельспаросо. Колхозонь прявтось А.П. Федоров ёвтнесь хозяйствадонть, сывелень, ловсонь, сюронь миемань коряс велькска топавтневиця аравтлувтнеде.

– Ванды учотано эйсэть, тракторонь парксонть учи тонь од трактор, – Арискин марто прядызе кортнеманзо колхозонь прявтось А.П.Федоров.

– Течи ютксонок арась Андрей Петрович, – видькстась А.Г.Арискин. – Хозяйствань алкуксонь прявт ульнесь. Пингстэнзэ парсте эрясть велень эрицятне, хозяйстваськак пек виевель. Пельдензэ тонавтнинек сенень, кода ладямс важодема лувонть велень хозяйствань предприятиясонть.

А.Г.Арискин важоди виевстэ, оймсема чинь апак сода. Велькска топавтни икелензэ аравтозь аравтлувонть. Колхозонь прявттнэ тень редизь, од цёрась важодемантень максы весе виензэ, содамочинзэ. 1979 иестэ А.Г.Арискин юты важодеме «Рассвет» колхозонь утомонь прявтокс. Те тевденть Александр Геннадьевич эзь тандадо. Сон важоди покш ответственностень марязь. Эдь эрявсь ванстомс колхозонть ули-паронзо. Карминдерят те тевенть топавтомо мельде-валдо, сеске учок апаро тевть.

– 1985-87 иетнестэ топавтынь хозяйствань фермань прявтонь тевтнень, – ледстни А.Г.Арискин. – Мартон зоотехникекс важодсь Елизавета Ивановна Чернышова. Тесэ ульнесть комсте ламо скалонь потявтыцят.

– Колхозсонть лововсть 1540 скалт, эйстэст малав колмосядтнэ – потявтовицят, – полады Александр Геннадьевич. – Сестэ эрьва скалсто потявтынек иезэнзэ 3800 килограммат ловсо. Скалтнэнь андынек силосто, тикшеде, кормовой якстерькайде. Весе тевтнень важодицятне топавтсть кедьвийсэ! Эйстэст кияк эзь пеняця стакачитнень лангс.

Фермань прявтонь тевтнень топавтомсто А.Г.Арискин теке шкане заочна тонавтнесь Краснослободскоень техникумсо. Специальностесь – зоотехник. Сеске мертяно, техникумонть сон прядызе якстере диплом марто.

1992 иестэ Александр Геннадьевич тееви крестьянонь-фермерэнь хозяйствань азорокс. Мельганзо кемекстазельть велень эрицятнень пайтне – 8,4 гектарт. Од фермерэсь мельганзо кемекстазь модантень виднесь шуж. А мезть сёпомс, васенце иестэнть сон удалась. Техника, эряви меремс, арасель. 1993 иестэ А.Г.Арискин ушодсь тракторонь-мезень рамсеме. Тракторонь парков васняяк усксть 1 сока, 2 культиваторт, гусеница лангсо тракторт, Т-25 трактор. Фермерэнь васенце иень важодемась теньсэ прядовськак.

– Шужонть урядамс сиведекшнинек комбайнер. Сон шужонь паксянть нацяс урядызе. Важодемань васенце иестэнть саинек 17 тоннат шуж.  Сонзэ явшинек-микшнинек велень эрицятненень. Кадынь эстень фуражокс. Модась течинь чис соксеви-видневи, – корты Александр Геннадьевич.

1995 иень ноябрянь 5-це чистэ райононь администрациянь икелень прявтось В.А. Елизаров ды велень хозяйствань управлениянь икелень прявтось Ю.К.Ларин энялдсть примамс Спасские Мурзы велесэ Куйбышев лемсэ колхозонть.

– Эзинь отказа, – ёвтни А.Г.Арискин. – Колхозонть ульнесть 1208 гектарт соксевиця моданзо. Соксевсть-видневсть ансяк 55 гектартнэ. 77 гектарт модатне 25 иеть эзть соксеве, эзть видневе, кой-кона модатне эзть соксеве вете, сисем иеть.

А.Г.Арискин од тевентень кундась кеместэ. Ушодсь соксеме паксятнень. Ды аволь весть-кавксть. Зярыяксть! «Велень кемекстамо» фондонть вельде Куйбышев лемсэ колхозось рамась цела вагон минеральной удобреният – 1174 кескавт. Истя вейке ие, омбоце…

Хозяйствань прявтокс важодемань колмоце иестэнть уш Куйбышев лемсэ колхозсонть озимойть видезельть 280 гектарт. Рамазельть од тракторт, комбайнат, тикшень ледемкат, велень хозяйствань инвентарь. Колхозсонть важодицятнеяк ламолгадсть. Тесэ паксятнень соксесть-виднесть, урядасть истя жо Лувне, Манадыши велень эрицятне.

Содазь, эрьва шкась кады эсь тешкс. 2006 иестэ Куйбышев лемсэ велень хозяйствань предприятиянть юрсо теевсь «Возрождение А» киртязь ответственность марто обществась, конань прявтсо А.Г. Арискин. Истя уш лиссь, 1208 гектарт соксевиця модатнестэ Александр Геннадьевичнень кадовсть 987 гектарт. Ве ёнов тусть кой-кона трактортнэ, комбайнатне. А.Г.Арискинэнь обуцязо аволь истямо, киньгак икеле «авардемс» важодемасо стакачитнень кувалма. Мекевлангт, Александр Геннадьевич витинзе лавтовонзо ды ушодсь одс од предприятиянть виевгавтомо. Куроксто рамась «Дон-1500б» комбайна, лия мезе. «Возрождение А» хозяйствасонть сюротнень алов явозь 220 гектарт мода.

Тедеде «Возрождение А» велень хозяйствасонть важодицятне эрьва гектарсто сайсть 19 центнерт сюро. Весе сюрось ванстови утомсо. Сон ванськавтозь КЗС-10 сюронь костямкасо. Тесэ парсте важодсь А.А.Князев. Сон тескень, Спасские Мурзы велень.

Ферматнесэ кирдевить-андовить 40 прят сывелькс ды 30 вазыиця скалт. Улить 20 чинь вазткак. Важодемань колмо иес велень эрицятненень миезь малав ведьгемень вазт. Иенть перть микшневить 15-20 вазт.

Эсь тевест парсте топавтыть скалонь потявтыцятне М.А.Косова, Татьяна Башкаева. Иезэнзэ сынь эрьва скалсто потявтыть малав 5 тёжат килограммат ловсо. Те иень вейксэ ковс миезь 120 тоннат ловсо. Сонзэ рамизе «Исток» велень хозяйствань предприятиясь, конань прявтсо  А.Ю.Сидякин предпринимателесь.

Тешкстасынек, «Возрождение А» ООО-нь прявтось  А.Г. Арискин изнявкстнэнь лангс а лоткси. Сон свал творческой вешнемасо. Вана тедеде мартонь 27-це чистэ Краснослободскоень райононь «Новокарьгинский» хозяйствасто, конань прявтсо Д.Н.Харитонов, рамась 15 вазт 1 миллион 204 тёжат целковоень питне.

– Монь те а лоткавты, – видькстась Александр Геннадьевич. – Эште раман 25 вазт «Велень кемекстамо» фондонть вельде. Уш заявка максынь.

…Велень хозяйствань предприятиянь скалонь фермасо улемстэ вастовинек трактористэнть Василий Маколовонь ды скалонь андыцянть А.А.Князев марто. Сынь явшесть кором. Эрьвась тевензэ топавтсь ёроковсто.

– Тевенек зярс молить вадрясто, – кортыть сынь. – Теле лангс анокстазь сатышка тикше, сенаж. Коромонь коряс прянок а сэреди. Теньсэ, нама, покш таликазо хозяйствань прявтонть Александр Геннадьевич Арискинэнь.

– Меельце шкасто хозяйствас мезе эште рамиде? – кевкстинек А.Г.Арискинэнь.

– Те иень октябрясто 285 тёжат целковоень питнес раминек  продуктань-мезень кельмевтемка. Эйзэнзэ кельгить 2 тоннат, – отвечась Александр Геннадьевич.

Велень хозяйствасо кувать ды парсте важодемань кисэ А.Г.Арискин казезь РФ-нь Велень хозяйствань министерствань Благодарностьсэ ды МР-нь Велень хозяйствань ды продовольствиянь министерствань Сюкпрянь сёрмасо.

Кода кортыть, честесь трудонь коряс!

Пётр Зиновьев.

Орданьбуе ёнкс

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.