Рубрикатор

Развитие АПК Мордовиянь Прявтось Владимир Волков: «100 ЦЕНТНЕРТ ГЕКТАРСТО – ТЕ ТОПАВТОВИКС"
Мордовиянь Прявтось Владимир Волков: «100 ЦЕНТНЕРТ ГЕКТАРСТО – ТЕ ТОПАВТОВИКС"

Мордовиясо велень хозяйствань продукциянь нолдамонь технологиятне а явовить европансетнень эйстэ. Велень хозяйствань зярыя предприятиятне саить истят невтевкст, сыненст модань сокамонь-видемань ды ракшань трямонь тевтненень тонавтнеме сакшныть натой весе республикастонть. Мордовиянь Прявтось Владимир Волков макссь мель неть хозяйстватнень юрсо ютавтомс семинарт велень хозяйствань производительтнень ды районтнэнь прявттнэнь туртов, весе республиканть икелев молиця технологиятнень марто седе ёроковсто содавтоманть туртов. Ютазь иестэ истямо семинар ютавтовсь Инсар ёнксонь Олег Пикаев башка предпринимателенть кедьсэ. Сон ёвтнесь седе, кода удалась пурнамс республиканть келес сехте покш урожаенть – 80 центнерт гектарсто.

Тедеде Республикань Прявтось Владимир Волков ютавтсь истят семинарт кавтонь таркава – Олег Пикаевень хозяйствантень вейсэндявсь Рузаевка ёнксонь «Исток» обществась. Те предприятиясь аволь ансяк покш, кода Пикаевенсеськак, невтевкстнэнь коряскак а явови эйстэнзэ. Зярыя паксятнесэ пурнавить 100 центнерт гектарстонть. Вадрясто молить тевтне ракшань кастоманть коряскак – васенце пель иестэнть вейке скалонть пельде потявтозь вете тёжадо ламо килограммат ловсо, те яволявтома республикасонть сехте вадря невтевксэнть лангс.

Июлень 28-це чистэнть семинарось мольсь чоп. Мероприятиясь явозель кавто пельксэс – практикань ды теориянь. Башка мель, нама, явозель практикантень. Велень хозяйствасо икелев молиця технологиятнень ванкшномась ушодовсь Пикаевень предприятиянть юрсо. Фермерэсь ушодызе семинаронть сюронь ванстомань тарканть невтемастонть, конась моли ожа ёнов. Сонзэ валонзо коряс, сюрось аштесь ожатнесэ маенть самс, ды те весе консервациявтомо. Тедеде сон бажи весе сюронть – те малав 10 тёжат тоннат – ванстомс те технологиянть коряс. Те лезды киртямс ярмаконь ютавтовкстнэнь ды продукциянть питнензэ.

Паксясо Пикаев семинаронь участниктненень невтизе модань сокамонь техниканть. Прявт технологиятнестэ вейкесь – домкасто кавшакавтомась, те лезды летькенть ванстомс модасонть. Тунда ловонь соламонь ведтне а чудить латкотнес, сынь туить моданть потс, тень вельде ванстови начкось пси кизэнть туртов.

Участниктне ваннызь озимой товзюронь пурнамонть. Республикань Прявтось Владимир Волков комбайнанть кабинасо сонсь неизе те участкасонть сюронь чачоманть – сонзэ онкстыть башка датчиктне – 72 центнерт гектарстонть. Лия паксясонть – 80 центнерт гектарстонть. Невтексэсь пек вадря, ансяк фермерэнтень аволь весемесь тукшны мельс: корты, эзизь ютавто ванстомань колмо обработкатнень эйстэ вейкенть, ды тень кувалма сюрось чачсь аволь истя парсте, кода бу эряволь. Ансяк Пикаев а нусмакали: сы иестэнть сон путсы весе виензэ 100 центнерт гектарсто сюронть пурнамонть туртов.

Вана «Истоконь» прявтонтень Виктор Кижаевнень удалась саемс те невтевксэнть уш те иестэнть  – 100 центнерт гектарстонть. Республикань Прявтось ды семинаронь участниктне эсест сельмсэ неизь: «Истоконь» товзюрось икельдизе Пикаевенсенть. Толковамот тенень улить – велень хозяйствань предприятиясь ютавтынзе агротехникань эрявикс весе мероприятиятнень пек парсте. Тень невтить ванькс паксятне, стака розьпрятне.

Республикань Прявтось ды семинаронь участниктне ваннызь «Истоконь» ловсонь комплексэнть важодеманзо, 6 ковтнень перть вейке скалонть пельде потявтозь 5140 килограммат ловсо. Владимир Волков явсь мель сень лангс – «Истоксо» средней зарплатань покшолмась 28 тёжат целковойть.

Предприятиянь прявтось Виктор Кижаев видькстась: Пикаев шабранть марто сынь важодить пелькстамонь вадря лувсо, ёвтнить вейкест-вейкест туртов – мезенть теемс седе вадря, мезенть а эряви. Нама, эрьванть эсензэ ванновтозо, ды тень невти сюронь урядамонь шкась. Пикаев а сепи: «Истокось» те иестэнть икельдизе сонзэ, те лезды виевгавтомс важодеманть.

Республикань Прявтось покш мельсэ ванны икелев молицятнень пелькстамост мельга – седе ламо бу истят тевест вечкиця ломанть, конат эрить эсест важодемасост, конатнень палыть сельмест, зярдо сынь ёвтнить эсест тевдест.

«Истямо опытэнть эряви тонавтнемс. Минь несынек, арасть а топавтовикс тевть сетнень туртов, кие путы икелензэ бажамот ды топавты сынст. Те вадрясто неяви «Истоконть» важодемасонзо – хозяйствась васняяк пурнась 20 центнерт гектарстонть, течи жо минь ёвтнетяно лангаст весе республикантень. Мезенть эряви тешкстамс, хозяйствась бажи важодемс кредиттэме, ды невти вадря результат агротехникань виев важодеманть вельде, – тешкстызе Владимир Волков. – Пек паро, велень хозяйствань истят предприятиятне республикасонок эрьва иестэнть ламолгадыть. Течи Мордовиянь малав 20 хозяйстватнесэ сюронь пурнамось – 40 центнерт гектарстонть. Эряви бажамс сенень, сынь ламолгадовольть, минь путтанок икеленек покш тев – республиканть келес пурнамс малав 2 млн тоннат сюро».

Мордовиянь Прявтось истя жо тешкстызе, республикань икелев молиця велень хозяйствань предприятиятнень ды агрохолдингтнень улить виест пурнамс 50-60 центнерт гектарстонть. Республикань Велень хозяйствань ды продовольствиянь министрась Владимир Сидоров видькстась: те топавтовикс тев, сонзэ валонзо коряс, сась шкась «аравтомс пряудемень важодеманть покш сюронь урядамонть лангс».

Мероприятиянь практикань покш пелькстэнть мейле Республикань Прявтось Владимир Волков ютавтсь промкс-семинаронь весе участниктнень тердизь Рузаевка ёнксонь Красное Сельцо школань актовой залонтень. Тесэ ёвтызь велень хозяйствань покш чинь итогтнень – практиканть кемекстызь теориясонть, сынст ютксо экономикань невтекстнэяк. Олег Пикаев ды Виктор Кижаев эсь пачтямосост невтизь экономикань лезэвчинть ноу-хаутнень тевс нолдамонть эйстэ. Пурнавозетне ламосо прасть мартост ве мельс, ды васняяк сеньсэ – а эряви аштемс ве таркасо, эряви варчамс одонть, теемс экспериментт, сестэ карми результат. Ансяк экспериментэнть путоманть туртов улезэ наукань кеме юр, тесэ стака путомс питне велень хозяйствань вадрясто анокстазь специалистнэнень. Владимир Волковонь ванновтонзо коряс, практиктнень ды теоретиктнень – велень хозяйствань производительтнень ды учёнойтнень-аграрийтнень - вейсэнь важодемась  ладязь аволь истя парсте, кода бу эряволь. Мордовиянь Прявтось кармавтсь министрантень Владимир Сидоровнень виевгавтомс важодеманть Мордовиянь госуниверситетэнть марто вадря агрономтнень, зоотехниктнень, ветеринарной врачтнень анокстамост коряс.

Промкссонть мольсь кортамо аграрийтнень талновтыця лия кевкстематнень коряскак, сынст ютксо велень хозяйствань предприятиятнесэ видьмень фондонть вадрялгавтомась, од сезононтень удобрениятнень рамамось, Велень виевгавтомань Фондонть марто расчётось.

Мероприятиянть прядомсто Мордовиянь Прявтось Владимир Волков кармавтынзе аграрийтне седе куроксто прядомс сюронь пурнамонь тевтнень. Неень шкане хозяйствань ламот прявттнэ а капшить тень коряс, толковить тень сюронть покш летькечисэнть. Июлень 27-це чинть коряс, республикасонть пивсэзь 57 тёжат гектарт сюронь ды бобань паксят – те 14 процентт весе аравтлувонть эйстэ.

Текень марто, кода мерсь республикань велень хозяйствань министрась Владимир Сидоров, сюронь пурнамонь тевтнень куроксто прядоманть туртов ули весемесь. Республикань элеватортнэ ды спиртзаводтнэ анокт примамс чизэнзэ 23 тёжат тоннат сюро. Сюронь пурнамонь кампаниясь ютазо виев фазантень.

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.