Рубрикатор

Развитие АПК ВАНСТЫТЬ РАКШАТНЕНЬ АПАРО ОРМАТНЕДЕ
ВАНСТЫТЬ РАКШАТНЕНЬ АПАРО ОРМАТНЕДЕ

Мордовия Республикань ветеринаронь службасо важодицятне покш мель явить ракшань педиця орматнень а нолдамонтень. Тень кувалма эсь шкасто тейневить диагностикань ванкшномат, ракшань вакцинацият.

Минек республикань ветеринаронь службантень совить 28 государственной бюджетной ды вейке государственной казенной учрежденият, – евтни МР-нь ветеринаронь службань прявтонь полавтыцясь В.Г.Соколов. – Васень тевенек – ванстомс республикань эрицятнень орматнеде, конатне вастневить ломантнесэ ды ракшатнесэ. Видькстан, ракшань  апаро орматнень анолдамонть мельга ваны республикань эпизоотической отрядось кона нучк-пачк ютынзе республикань велетнень, велень хозяйствань предприятиятнень, косо ванстовить-кирдевить ракшат.

В.Г.Соколов марто кортнемстэ карминек содамо: течинь чинтень республикасо ракшань педиця ормань коряс эпизоотической ситуациясь а талновты. Сибирской язвасо, чумасо, ящурсо ды лиясо ракшатнень ормалгадомат эзть редяво. Неть ды лия орматнень а нолдамонтень республикань ветеринаронь службасо покш мель яви ракшань орматнень каршо бороцямонь республикань ветеринаронь станциясь, конань прявтсо А.Н.Кечайкин.

Минек станциясо важодицятне эсь тевень алкуксонь специалистт, – мельспаронь апак кекше корты Александр Николаевич. – Сынь куш кодамо шкане анокт лездамс эрьванень, кие тенст пшкади.

А.Н.Кечайкинэнь валонзо коряс, республикасонть пек парсте важодить Чаунзань, Отяжелень, Орданьбуень, Ковылкинань ды лия районтнэнь ракшань орматнень каршо бороцямонь ветеринаронь станциятне.

Пароль бу, сермадовлидеяк Ковылкинань ветстанциясо важодицятнеде, – видькстась Александр Николаевич. – Сынь якить ламо ракша мельга…

Ашти мазый таркасо

Ды вана минь Ковылкинасотано.

…Саранскойстэ Ковылкинав эзинек фатяяк, кода бойкасто пачкодинек. Вана Примокшанье поселкась, косо ашти ракшань орматнень каршо бороцямонь Ковылкинань райононь ветеринаронь станциясь. Сон ашти мазыйдеяк мазый таркасо, вирь потсо.

Минек станциясь панжозь 2004 иень январень 30-це чистэ, – евтни главной ветеринаронь врачось Алексей Александрович Бутылкин. – Течи тесэ важодить малав колоньгемень ломанть. Васень тевенек – ванстомс ракшатнень апаро орматнеде. А шнамга, зярс районсонть тевенек молить а беряньстэ. Шкастонзо редятано ды лецятано орматнень, конатне вастневить ракшатнесэ. Эсь тевезэнек путтано весе содамочинек, ойменек, виенек. Коллективсэнек ламо важодицят, конатнень стажост аволь вейке кементь иеть. Ютксост – ветеринарной врачтне Андрей Витальевич Кечин, Вера Михайловна Говрякова.

Тешкстасынек, А.А.Бутылкингак станциясонть важоди умок. Васня ульнесь ветеринарной врачокс, 2007 иестэ саезь – станциянь главной ветеринарной врач. Алексей Александрович аволь истямо, кона ансяк чаво валт ертни. Сон топавты тевензэ седейшкава ды парсте. Сонзэ  лангс ванозь, истя теить мартонзо важодицятнеяк. Тынсь арседе! Ковылкинань райононь велень хозяйствань предприятиятнесэ лововить малав колмо тежат потявтовиця скалт, эрицятнень кардазсо – 840. Весемезэ жо вете тежадо ламо скалт. Сынст мельга пштистэ ваныть райононь ветеринаронь станциянь врачтне. Ракшань апаро орматнень а нолдамга, сынь вастневить велень хозяйствань предприятиянь прявттнэнь, зоотехниктнень марто. Сыненст евтнить седе, кода эряви ванстомс скалонь стадатнень, кода бороцямс ракшань се эли тона орманть каршо. Бути эряви сыненст лездамс – лездыть.

Иестэ иес

виевгады

Паро, иестэ иес учреждениянть кемексты материально-технической базазо. Велень весе участковой ветеринарной лечебницатнень улить эсест автомашинаст. Ветеринарно-санитарной экспертизань лабораториясонть ашти неень шкань оборудования. Эйсэнзэ тейневить эрьва кодат ванкшномат-исследованият.

Бути косояк сыреми ракшань педиця ормась, станциянь ветеринариянь специалисттнэ ютавтыть карантинэнь ды лия ветеринарно-санитарной мероприятият. Ковылкина енксонь ветеринарной врачтне весементь теить районсонть эпизоотической коштонть ваньксэкс теемга.

Течи а кода а ледстямс вана мезенть. Тедеде январень 25-це чистэ Пензасто сакшнось апаро куля: 8 № исправительной колониянь фермасо, кона ашти ошонть песэ, кулость сеске кото тувот. Эйстэст саезель патологиянь материал, областень ветлабораториясо ванкшномадонть мейле путозель диагноз: тувонь африкань чума (АЧС).

Те апаро орманть Мордовияв а нолдамга, теезельть колмо постт, косо ветеринарной врачтнень марто вейсэ дежурясть полицейскойтькак.

Вейке постось важодсь минек Ковылкинань районсо, – евтни ветеринарной врачось В.М.Говрякова. – Тесэ чизэнзэ ванкшновсть 29 автомашинат-мезть. Весемезэ ванкшнозельть 2018 автомашинат. Лангс  ливтезельть 64 коламот.

Сынь – кеме неженек

В.М.Говрякова ракшань орматнень каршо бороцямонь Ковылкинань райононь станциясонть важоди  умок. Те шканть перть Вера Михайловна теевсь аволь ансяк эсь тевень алкуксонь специалистэкс, истя жо паро тевень ушодыцякс. Сонзэ валонзо коряс, ламо важодемс савкшны скалтнэнь кардсто луга лангс ливтемстэ. Те шкастонть эрьва скалось, кода мерить, сынст вановтост ало. Скалтнэнь ванкшныть туберкулез орманть редямгаяк.

В.М.Говряковань парсте содасызь велень, ошонь эрицятне. Сон сыненст лезды эрьва мейсэ. Ракшань апаро ормань лецямсто, ракшань рамамсто, сывелень микшнемстэ ды истя седе тов.

Ковылкинань районсо истя жо ансяк паро валсо кортыть ветеринарной врачонть А.В.Кечинэнь ланга.

Андрей Витальевич тей сась важодеме аволь сеске минек университетэнть прядомадо мейле. Эсь шкасто А.В.Кечин важодсь «Мордовзерноресурс» предприятиясонть. Кода вадря специалист, сон ракшань рамамо якась мик омбо масторов.

Ковылкинань райононь ракшань орматнень каршо бороцямонь станциянть юрсо важодить а беряньстэ Троицкоень ветеринаронь участкась, конань прявтсо В.А.Кижапкина, Рыбкинань участковой ветеринарной лечебницась, конань прявтсо С.В.Панков, Самаевань ветеринаронь участкась, конань прявтсо Ю.Ю.Сафронова, Кочелаевань участковой  ветеринарной лечебницась, конань прявтсо Н.И.Жбанова, Покш Азясень участковой ветеринарной лечебницась, конань прявтсо Н.В.Борискина. Сынь парсте ваныть аволь ансяк ракшань апаро орматнень анолдамонть мельга, истя жо ловсонть, сывеленть вадрячинзэ мельгаяк.

…Ковылкинань районсто сыргинек мельспаросо. Тесэ парсте важодить промышленной предприятиятне, строительной организациятне, «Мордовский бекон» предприятиясь, велень хозяйствань предприятиятне. Ды, нама, ракшань орматнень каршо бороцямонь ветеринаронь станциясь, конань прявтсо А.А.Бутылкин.

 

Петр Зиновьев

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.